2017年11月23日 星期四

20171123@太空館「與星同源」



2017年11月24日 (星期四)

今日大頭妹考完試,放假一天,我都請咗假陪佢,其實學校的安排幾好,考一日放一日,所以考試週就是4日,佢考試前話頸痛,唔知係咪太緊張,本來今日帶佢去睇醫生,考完就話唔痛,哈哈,所以就可以盡情去玩啦!

雖然考完試,但一朝早仍然要補習,補完就出去同爸爸食lunch!去食爸爸平時lunch time常去的「德美」,尤於爸爸成日講到好正,我期望太高,今次食覺得都唔錯,又唔係超正,不過價錢都好合理,大部分的set都是約$100內!

食飽飽去太空館睇「與星同源」,成 20幾 30年未去過太空館,對上一次去係自己小學,唔記得幾年級﹗大頭妹最近迷上八大行星,成日叫我上網睇下邊個行星有 moon,邊個大邊個細,帶佢去太空館自己睇啦﹗阿旺問係咪我地細個睇個啲,依家係3D架!我覺得都幾值得睇!我依家先知中學讀 chemistry 個 periodic table 點嚟﹗呵呵呵﹗所以活動教學都真是好重要﹗

同爸爸食 lunch﹗

每人一份前菜是Free的!

每個餐都有蒸蛋!

我點了壽司烏東和大頭妹share!

6件壽司

阿旺的Set,主菜仲有得揀!

Set 仲有麵豉湯!

每人都有甜品一份!

食飽飽去太空館睇「與星同源」,阿旺問係咪我地細個睇個啲,應該唔同呱,依家3D架!我覺得都幾值得睇!

仲買咗八大行星返屋企!

2017年11月22日 星期三

20171122@School Food + 溜冰




2017年11月22日 (星期三)

最近甩Blog 甩得好嚴重,好似無咗寫blog的動力,生活上實在太忙太忙,每日放工返到屋企都好似打仗咁,希望可以勤力返,寫返多啲Blog!

講下近況,大頭妹岩岩考完試(所以先有時間寫Blog😂) ,升咗二年級 3個月,覺得比小一辛苦好多,小一時好似都仲有中場休息時間,今年真是好似未停過,每個星期不是英默就中默,再唔係就小測,而且默書範圍明顯比其他學校大,所以有時溫一次默書,都真是要溫足一星期,尤其是中文。中英默今年都有unseen dictation,所以就算努力溫完,都唔代表一定會有好成績,真是好講小朋友的功力和底子!哈!講住咁多先!

講返我餐飯,考完試就梗係要鬆一鬆,大頭妹揀去溜冰,其實唔知點解佢咁鍾意去溜冰,佢根本就唔識溜😅!溜冰前食少少,揀咗正正溜冰場旁邊的School Food!第一次食,感覺麻麻地,食完成晚都好口渴!壽司飯好乾,好似是切好放好耐個種乾!咁價錢又唔貴,一家4口埋單先 $300,但太古城中心有咁多選擇,短期都唔會再去!









2017年11月18日 星期六

傻夫婦東京親子之旅 DAY 4 【淺草和服愛】


想當年我同阿旺 2人世界去大阪京都 HONEYMOON,我地都著過和服,之後仲話如果第時有小朋友都要帶佢地去著和服玩下﹗帶過 2個女去了幾次日本,今次第一次著和服,前 2年覺得年紀太細,我地又夏天去,怕佢地會覺得太熱唔舒服,一陣一著上身就話要除,就浪費晒﹗今次 2個女 ,1個 7歲 1個 5歲,覺得都係差不多時間,再大啲著就唔夠可愛啦﹗

今次我地去咗【淺草愛和服】,我地預約了 family package 是 12800YEN,即是 3200YEN/位,價錢就唔貴,所以評價都唔錯,而且有台灣店員,我去的時候仲有香港人店員﹗不過可能因為有上次京都的經驗,京都既和服好似真是靚啲,服務好啲,咁價錢都貴啲,我記得是 5000YEN/位到。

淺草愛和服就比較流水作業式,同一時間店舖其實是擠滿客人,起碼都有 2-3組客,每組都有 2-4人,雖然有 3層,第一層是登記的地方,第 2層是男士,第 3層就是女士/小朋友,所以 3/F 比較迫人。另外,小朋友可以揀的款式比較少,我只是想要粉紅色,110碼的都無,好彩小丸子生得大隻,最後日本師傅話佢要著 120碼,所以先有一套粉紅色,大頭妹就揀了深藍色,另外好似都係得返 1-2套 120碼的?﹗店員話因為前一日係假期,好多人租咗出去未還喎﹗佢預約的時候其實是可以揀埋和服,所以如果大家預約時有心水都真是最好留埋和服﹗

出門遇貴人,當我地去到雷門景點位,忽然有個望落好 professional 的大叔問我地係唔係要影相,實在太好啦,真是影得好靚﹗

每次去東京都會去雷門﹗今次其實唔係特意去雷門,不過和服店就是雷門附近,所以又再去啦﹗

有好多小攤檔,賣日本小食,天氣咁熱就當然要食刨冰﹗

小丸子一個人霸住嚟食﹗

基本上...小丸子去到邊都是食食食﹗


唔係食就係飲﹗佢大個有潛力做 food blogger﹗

又有人表現街頭賣藝﹗

天氣實在太熱,買多杯冰食﹗


2年前嚟都玩過,其實唔係玩既,是泵水的﹗


今次嚟唔算多人,上 2次嚟,一次是日本新年,一次是夏祭,超級多人﹗

沿路我基本上影唔到一幅佢冇食野既相?﹗

三定,10年前同阿旺嚟的時候食過,今日都想食,不過食小食都食飽﹗

行完雷門一圈,小丸子都叫累了,我地返去還和服了﹗







下次再去日本都未必會再著啦﹗小丸子行咗 1個圈,大約一個鐘,就已經想除,中間行咗 15分鐘就已經要同大頭妹換鞋﹗所以都提提大家,如果平時小朋友無著開人字拖,都係比返佢地著波鞋好啲﹗ 

大家 like 咗我地 Facebook page 未呀?﹗未就快啲 like 啦﹗

2017年11月11日 星期六

傻夫婦東京親子之旅 DAY 3【東京鐵塔/ CAFE MUGIWARA/ ONE PIECE TOWER】


2017年 7月 16日 (星期日)

上兩次去東京都無去到東京鐵塔,第一次同阿旺去的時候,係六本木望住東京鐵塔,我問阿旺行過去好唔好,哈哈哈,我以前好行得,半個鐘的路程通常都行,但結果阿旺話返酒店,我地就無去到。上一次帶大頭妹小丸子去,就揀咗晴空塔(今次都有去)。今次終於都去咗東京鐵塔,因為唔知幾多年後先會再去東京,而且依家有 ONE PIECE (其實上次都有),是主要去東京鐵塔的原因﹗

不過由於之前係原宿玩耐咗,而且由原宿去東京鐵塔都要轉幾次車,再行一段路,去到都已經係晚飯時間啦﹗然後我地又要玩 ONE PIECE 館,又要上東京鐵塔,最後就行唔到間 ONE PIECE SHOP啦﹗

之前上網睇過,已經揀定 CAFE MUGIWARA,因為另一間主題餐廳,晚上只有 buffet,這間是新開的,裝修 (應該) 無另一間咁靚,它是以擺放了全部 ONE PIECE漫畫為賣點,算是男人的浪漫吧﹗

東京鐵塔內有幾間 ONE PIECE 主題的餐廳,我地今次揀咗 CAFE MUGIWARA﹗

為阿旺而設的景點﹗

日本的主題餐廳,裝修得真是好靚﹗




餐廳入面勁多影相位,而且都唔算多人﹗


老實講,以日本求奇入一間餐廳都好好味嚟講,呢度的食物質素就一般,重點都是賣相同裝修﹗

PIZZA 味道唔錯﹗




其實連賣相我都唔係太識欣賞,不過最重要老公開心啦﹗


食完就去 ONE PIECE 館啦﹗我地差不多8:30先入場,其實 9:00 已經唔比入場了,可以玩到 10:00﹗





原來入面都有一間餐廳,早之我地入完場先食啦﹗咁阿旺可以自己去玩,我地就慢慢食﹗呢度仲平好多﹗


旁邊仲有個 KIDS AREA﹗






都有啲岩小朋友玩的遊戲﹗







玩完就即刻上東京鐵塔啦﹗最後入場時間是 10:30﹗

其實...香港的夜景真是無得輸﹗

入面的氣氛都好好喎﹗



兩隻野有得玩,成 11:00PM 都咁精神﹗

入面有一個影相位,不過 10:30就截龍,我地排唔到呢﹗

呵呵呵﹗最後行唔到 ONE PIECE 間 SHOP﹗

已經熄晒燈啦﹗哈哈哈﹗下次有機會再嚟過啦﹗

再見啦﹗東京鐵塔﹗

東京鐵塔:
Related Posts Plugin for WordPress, Blogger...