2017年10月17日 星期二

澳門2017暑假親子之旅【澳門喜來登酒店】@20170821


2017年 8月 21日 (星期一)

哈哈哈﹗我今次都覺得自己好堅,我一拖二帶大頭妹小丸子 2個去澳門﹗其實阿旺都一齊去,只是早上要見客,遲少少匯合我地,我就心急一拖二出發先﹗其實今次是去做少少野,幫【澳門喜來登酒店】拍野,主角是大頭妹,詳情就唔講住,等條片出街我再同大家分享﹗不過都要多謝【澳門喜來登酒店】同埋 PR姐姐的安排,我地今次有機會見到金沙城中心的 CEO,同埋認識一下酒店的運作,真是一個好難得的體驗﹗

點解得我一個暈船浪﹗好彩 2個女都好合作,自己有自己睇書的睇書,畫畫的畫畫,食下飲下就到澳門啦﹗







到步之後,首先就到酒店的班妮意大利餐廳食午餐,午餐是半自助形式,沙津吧同甜品都可以自己揀﹗我會另外出 blog 講下﹗

食完 lunch 就上房啦﹗嘩﹗今次我地入住家庭房,真是好大間,其實 2年前都住過,不過今次竟然有特別 decoration﹗大頭小丸入到房真是十級開心﹗

試問邊個小朋友見到一地氣球會唔開心﹗

好貼心的 decoration﹗


2個不停玩傳波,將啲波傳上傳落﹗

家庭房其實是 connected room,所以真是夠晒大,澳門酒店的房間本來就比較大﹗

浴室的用品都好齊全﹗




八掛望下 room service,又唔貴喎﹗又可能是香港的物價太高﹗

窗外的景色﹗


休息一陣就開工啦﹗﹗﹗其實今次拍攝是以小朋友的視點去睇酒店的運作﹗

剛好有大型 event,大頭妹就學下 event management﹗


小丸子都有『幫手』搗亂﹗

頭先大頭拍時又話要拍,到比佢戴攝錄機時,15分鐘就頂唔順﹗

體驗完 event management,我地就去到酒店的餅房學整蛋糕﹗﹗﹗



大頭妹的完成品﹗小丸子就整咗個 monster cake﹗

今日最後一個任務 - 學執房,仲要係總統套房﹗










學摺毛巾﹗


成功﹗

做完任務終於可以玩啦﹗去游水﹗




游完水,我地就去食晚餐啦﹗

2017年10月16日 星期一

分享愛義工探訪『莫以善小而不為』




雖然我經常予人一個虎媽的形象,但其實我非常重視小朋友的心靈培養。從小到大,我都非常重視與女兒相處的時光,希望提升親子關係之餘,亦對她們的成長發展有益。因此,我經常帶兩個女兒參加不同的義工活動,在過程中陪伴女兒體驗社會百態,從中建立同理心,學習「愛」和付出,建構責任的基本概念以及建立正確的價值觀。

面對不同的生活環境有效刺激孩子思考及反思自己。在剛過去的暑假,我們組織了義工小組探訪住在劏房的小朋友,送贈文具給他們。小朋友之間較易打開話題,所以我鼓勵女兒們跟受探訪家庭的小朋友聊天交流,一方面希望女兒們明白幸福非必然,另外亦希望她們自小培養幫助別人的心。

小朋友透過聆聽父母與其他基層家庭的溝通,以及觀察受訪家庭的居住環境進行比較與思考,得出很多問題。那次義工探訪過後,大女兒問我為什麼他們家的廚房和浴室都是同一個地方?為什麼沒有床褥?為什麼沒有電視機?為什麼沒有玩具?小孩的思維能力透過觀察、思考和發問得以提升。多帶孩子感受與自己日常生活不同的體驗能有助他們提早獲得社會經驗,建立正確價值觀,亦為他們日後融入社會做好思維上的準備。

訓練孩子主動參與能培養孩子的良好個性發展。我們曾經探訪老人院的長者,兩個女兒都克服了平日的緊張情緒上台表演,小女兒更加是第一個舉手上台,表現主動積極。為孩子提供機會表現自己能加強他們的自信心,培養良好的個性發展,為將來面對困難奠定基礎。
與孩子參與義務工作除了能發展孩子思維,親子關係亦得以昇華。良好的親子關係不能只求回報,要雙向付出。記得有一次探訪,我們給基層小朋友送上玩具時,他竟然第一時間問我可不可將玩具轉送給她的妹妹。那次經驗令女兒們明白到親子相處不能只是一味要求,不知不覺也沒有再「扭計」買玩具!

表面上每次的義工活動都是我們去幫助別人,其實我們從中得到的比我們付出的更加多!

我地今次是旺角集合,之後再出發去探訪的家庭﹗





其實我覺得香港依家的居住環境,真是比我地細個時更加差﹗


一間屋分成 3個單位﹗

因為我地主要是探訪有小朋友的家庭,帶小朋友一齊去探訪,有個好處就是佢地好易『玩』埋一齊,今次就玩 uno,基本上佢地次次都玩得唔願走﹗

依家擋房都要 $4000-5000租,其實香港的租金真是好得人驚﹗

大家 like 咗我地 Facebook page 未呀?﹗未就快啲 like 啦﹗
Related Posts Plugin for WordPress, Blogger...