2009年4月26日 星期日
大阪 -> 京都 -> 清水寺 -> 祗園 -> 錦市場 -> 八阪神社 -> 鴨川 -> 大阪
去到第
3日的行程啦，亦是我整個行程最期待的京都行，因為我預約咗著和服呀﹗其實上次去東京都買咗一套和服...不過都唔識著，所以買咗返嚟都未著過，今次租和
服的地方會幫客人著埋 & SET 頭，價錢是 5250 YEN 一位，租全日 10:00 - 18:00。
有日本的明星來過喔，我原本仲以為遊客先要租和服
著和服都幾麻煩下...女仔仲要墊好多毛巾係心口，又唔係墊 "大啲"，係墊 "平啲"...我已經好平的啦...男仔都要墊，今次真係墊 "大啲"...不過是墊 "大啲" 個肚...哈哈哈...我老公個肚好大的啦喎...女仔著好之後再SET 頭﹗
好...著好和服出發前，店主婆婆幫我地影返張合照
我地向清水寺出發...不過之前要去食個 BRUNCH 先...之前 PLAN 行程的時候一直好頭痛唔知係京都食咩好，因為京都實在太多餐廳可以選擇，最後都係揀咗食 "奧丹" 湯豆腐料理，因為比較京都... 其次係因為順路...
間餐廳好大地方...而且好日式...著住和服嚟食就最岩...不過我老公著住套和服坐唔低
(HMM...可能係佢肥咗少少)...佢坐低之後跌來跌去...好搞笑...連佢後面的女士都忍唔住笑咗出
嚟...
可能個女士覺得笑咗我老公唔係好好意思...主動話幫我地合照...
咁大間餐廳，只賣兩款 set，仲要只是個湯豆腐的大細分別...我地 2個人叫 1 個 set，所以叫咗個大的
芝麻豆腐 (好重芝麻味 & 好滑)
生淮山湯 (個味其實好好...不過個 texture 係好sticky的...)
燒豆腐
湯豆腐 (好味，又滑又有豆味，而且好 firm)
天婦羅 (好好味)
我食完之後諗...如果有豆腐花做甜品就好啦﹗(太貪心啦﹗)
走之前係餐廳四圍影下相先
食飽飽就真係向清水寺出發啦...入場費係 600yen 一位... 我覺得香港的黃大仙寺都要學下...下下免費入場，到要維修的時間又要湊錢
呢兩舊石好得意...大約分開 20米，要合上眼由一舊石行去另一舊石...我地行過的時候都見到有幾個女仔玩緊...我諗係求姻緣呱
可以想像得到...如果櫻花盛放的時候應該會好靚...可惜我地來遲一步了
係清水寺四圍影下相...
我係一棵疑似櫻花樹下影返張相 (如果你知道唔係都唔洗話我知，比我當佢係啦)
又有好心的日本人主動話幫我地影合照呢...當然好大原因是我地身上的和服啦
沒有留言:
張貼留言