2012年12月28日 星期五

尋找聖誕老人@PACIFIC PLACE

自從我調識之後星期六﹑日﹑公眾假期都有機會要返工,難得聖誕節我唔洗返工,我地一家人決定去Pacific Place同聖誕老人影相。

唉... 阿旺話幫我寫,寫得一句﹗都是我自己寫返啦﹗之前收到 PR APRIL送我地PACIFIC PLACE同聖誕老人影相的COMPLIMARY TICKET,一直都無時間去,聖誕節正日無節目,又是小丸子第一個聖誕節,一於出去帶大頭妹同小丸子去搵聖誕老人啦﹗HEHEHE....大頭妹幼稚園 上星期有聖誕PARTY,唔知係唔係佢的班主任扮聖誕老人,之後佢一見聖誕老人就話係董老師﹗笑C我﹗

小丸子: 聖誕老人係咩嚟架? 好好食架?

難得大頭妹會帶頭套 (呢頂是冷帽﹗﹗﹗其實大頭妹一向都肯戴冷帽,所以屋企有好多...係小丸子唔肯戴咋﹗)

仲好開心﹗

出發前影張相先。

去到PP,要排隊攞籌,我同小丸子排隊,媽媽就帶大頭妹週圍影下相。

大頭妹最近鍾意單眼,總好過做Monster face﹗

變左隻鹿﹗(好多人見到都話好得意,有遊客問我係邊度買﹗)

哨牙妹﹗

好大隻熊熊呀﹗

媽咪買比我就好了﹗(咁爸爸比心機搵多啲錢買間大啲嘅屋先啦﹗)

蛋入面有個公仔會跳舞﹗(大頭妹話係 DANCING PRINCESS﹗仲不停叫佢跳啦﹗跳啦﹗)

好似係真嘅松樹。

大頭妹好開心咁四維望。


我地就繼續排隊

妹妹差D跌,嚇死 ﹗(其實係大頭妹推妹妹,唔比爸爸抱妹妹囉﹗)


大頭妹搵咩呢?

hehehehe...佢搵聖誕老人呀﹗

妹妹都落地行下先。


呢個時候大頭妹已經太攰瞓咗 (等咗個幾鐘...差幾個竟然瞓咗...)
妹妹帶頭套都一樣可愛 (都話係冷帽囉﹗)



玩跳舞玩得好開心


到我地啦,係門口影幾張相先。




終於可以同聖誕老人影相啦,大頭妹仲咩喊? 因為未訓醒囉﹗

BLOGGER活動: CLARINS BEST OF THE BEST 三大皇牌產品試用




好 開心得到法國護膚品牌 CLARINS 的邀請試用佢地 BEST OF THE BEST 三大植物科研皇牌面部產品: FACE TREATMENT OIL 面部護理油﹑SHAPING FACIAL LIFT 纖顏緊緻精華和 DOUBLE SERUM 賦活雙精華。收到邀請的時候實在有點受寵若驚,因為我唔是 BEAUTY BLOGGER嘛,我地媽媽BLOGGER,好少會被護膚品牌睇中,仲要是CLARINS ...HEHEH...我一向有用開...所以特別開心﹗

試用產品之前,PR特意安排我到佢地中環的CLARINS美妍中心,親身體驗佢地獨有的以全人手方法測試肌膚的 FACE TIME 30,從而選擇出適合我的 FACE TREATMENT OIL同詳細介紹產品的用途及用法。

先 講講 FACE TIME 30,美容師用手同一面鏡為我檢查皮膚,再同我講解一下我的皮膚狀況,做完真是嚇了一跳,原來我面部的水腫真的十分嚴重,我一直以為自己是肥面唔肥身的 人,原來我的包包面,都是水腫來的﹗其次是皮膚比較乾,HEHEH...呢點我知道...我一向都乾,冬天仲好易敏感同紅腫,最弊仲要懶...今次之後我 真是會好好比心機護膚啦﹗因為做測試的時候,我以為我自己在照 "照妖鏡" 呀 (我暈啦)﹗好在皮膚尚算有彈性,未有鬆弛的問題。

皮膚 測試之後,美容師為我揀咗三檀護理油(適合乾性皮膚用),另外2款分別是: 蘭花 (適合一般肌膚)及蓮花 (適合混合性/ 油性肌膚)。其實我陀大頭妹之後就開始用三檀護理油,因為懷孕期間,我偏向用植物性全天然的護膚品,而且佢除咗搽面,仲可以搽肚,連埋佢另一皇牌 STRETCH MARK CONTROL抗紋身體乳霜一齊用,我生完大頭妹同小丸子,都真係一條肚紋都無 (HEHEH...大家如果有興趣的話,我可以開一篇BLOG講下)﹗不過我比較懶,通常是覺得自己好乾/ 已經開始紅腫先用 (大家不要學我),所以1支用了超過一年﹗美容師聽到之後就教我將三檀護理油,混入CLARINS的TONING LOTION溫和爽膚水一齊用,而且可以根據當日的皮膚狀態,只行加入 1-3滴護理油,乾啲就加多啲,試過之後,我完全愛上呢仲用法﹗如果真是好乾,仲可以將1-3滴三檀護理油直接搽係面上。

Face Treatment Oil 面部護理油售HKD$380/30ML


前面個支是我陀小丸子的時候買的,用到依家都未用完...証明我有幾懶...依家學識咗加入爽膚水用,我會勤力啲架啦﹗


我都愛上咗呢支爽膚水﹗


可 能大家未用過的人會問,直接將油搽上面會唔會好油呢?其實想皮膚狀態好,水油平衡是很重要的﹗肌膚缺油要補油,缺水要補水,如果你皮膚明明是缺油,你只是 不停補水,是解決唔到皮膚問題,道理就好似你肚餓,然後不停飲水,你是唔會飽的 (HEHEH 忽然覺得自己好似講緊黎明的金句)﹗

用完爽膚水同面部護理油,就可以用
Shaping Facial Lift 纖顏緊緻精華啦 ﹗佢可以幫助去脂﹑排水﹑促進新陳代謝,以達到纖面的功效﹗我來試這產品真是適合不過,用了一星期已經有非常明顯的效果,難怪錄得每18秒賣出一支的紀錄 ﹗有睇開我的BLOG的朋友仔應該都有留意到,我一向都是身瘦面肥 (我媽咪成日話睇我塊面會估我有120磅囉﹗),所以我唔係化晒妝都好少出鏡,但自從用咗呢支纖顏緊緻精華之後,我不時都會係FACEBOOK PAGE 過邊出下鏡 (個人靚咗﹑有自信咗嘛﹗),有圖有真相,我都唔講咁多,大家自己睇﹗
做FACE TIME 30的時候,美容師就係教得咁睇下自己的水腫嚴唔嚴重,依家用咗幾日,已經叫做好咗好多﹗就係下巴下面個兜﹗唔係肥...係水腫﹗
IMG_1437

正常的情況應該係好似下圖咁﹗HEHEHE...因為佢去除浮腫,仲令我左眼的雙眼皮出返嚟﹗希望用耐啲之後,右眼的都會出返嚟﹗



Shaping Facial Lift 纖顏緊緻精華售HKD$560/50ML﹗極加推介比有水腫的朋友﹗


美 容師教我泵5下再搽全面,然後分額頭﹑眼﹑面﹑腮﹑頸,每個位置以掌心用少少力按住7秒,放手再按另一位置,由上而下,最後按頸的時候,可以順便以中指輕 按耳後的穴位﹗因為是針對整個面部的淋巴,所以一定要全面做﹗至於係唔係一定要泵5下呢(好似好多,而且會好肉赤)?最初用的時候最好照做啦﹗

最 後到DOUBLE SERUM賦活雙精華,賣點是激活細胞同抗皺,是擁有完美 "水油黃金比例" 的抗老精華﹗美容師幫我試用的時候已經揚言我一定會愛上呢皮SERUM﹗我試用一星期之後,皮膚明顯有光澤,乾紋都改善咗﹗原來佢係將 20種抗衰老的植物萃取精華及生物科技分子以水性或油性分隔,再採用雙管設計,在使用前一刻先新鮮混合﹗

Double Serum 賦活雙精華售HKD$600/30ML。


大頭妹: 咪咪話用完啲皮膚會好似BB咁滑,係唔係即係好似我咁呀﹗


HEHEHE...我呃大頭妹話"LOOK"下塊面咁用就OK...不過佢開始唔信我啦﹗


小丸子: 媽媽話用完會皮膚會好似BB咁滑,我已經係BB唔洗用都滑...咁我就食咗佢啦﹗


有淡淡的花香都幾好味﹗

2012年12月27日 星期四

BLOGGER活動: 體驗 Lady Svenson


早係個幾2個月前收到PR的邀請去LADY SVENSON 體驗佢的地的HAIR TREATMENT,不過因為當時岩岩做完 "負離子直髮",所以一直無去試,因為剛剛做完負離子係唔可以會任何TREATMENT,否則會影響直髮的效果嘛。

 上星期再收到PR姐姐的邀請,我就即刻去試啦﹗因為我生完小丸子之後的脫髮問題好嚴重,我都想問下專家。其實懷孕的時候係好少甩頭髮的,生完之後甩頭髮比較多係正常的。不過我今次真係甩得好恐怖,恐怖到工人姐姐清潔浴室的時候,都忍唔住問點解我會甩咁多頭髮。最慘係洗的時候甩得多,之後吹髮一樣甩得多,仲要我本身已經唔係髮量多的人,真係甩到心都寒埋﹗

consultant話要睇下有冇產後脫髮問題都睇2樣野,第一樣當然係睇下甩咗的頭髮有冇生返出嚟,咁我都有生返新的頭髮,所以我依家頭頂有好多短短的頭髮﹗其次是要比較下新生出嚟的頭髮,是否和之前的頭髮一樣健康?﹗我新的頭髮真係比之前的幼﹗﹗﹗consultant 話呢方面就要注重一下食物的營養﹗(oh...所以話坐月補好身子好重要呢﹗)

講解完就開始做treatment啦﹗consultant話我個頭皮比較油(佢話其實好多亞洲人都係,同埋我地女士好鍾意用完頭髮好柔順的洗頭水都有關係),所以我今次個treatment主要係針對清潔頭皮的﹗其實自己睇返我的頭髮相都覺得好恐怖,做完負離子之後,我已經無用任何髮型用品,但原來日日洗頭都咁污租﹗


下面幅圖是女性脫髮程度的參考圖,consultant 話如果脫髮的程度去到第2行左邊第一幅,想頭髮生返到第一行的右一,已經是好難,要花好長時間。但想由右一去返中間就容易好多,所以有脫髮的問題,應該盡早處理﹗

呢幅係女性脫髮程度的參考圖

大家睇唔睇到啲水變得好濁?﹗

就係平時洗頭洗唔到的頭油同chemicals﹗(好恐怖﹗)

搽營養液

按摩

最後焗10分鐘﹗

救命...睇見呢幅相(放大200倍)...我自己都覺得恐怖﹗

做完treatment,啲油脂污垢真係少咗好多﹗

毛囊黃黃啡啡的就是平時洗唔乾淨的頭油。

做完treatment之後,頭肉都白啲﹗










Related Posts Plugin for WordPress, Blogger...