小丸子第3﹑4次健康院檢查

 2012年5月15日

因 為小丸子仲有黃，差不多一個月人仔，都仲要返健康院檢查，其實上次醫生都講咗，如果黃的指數仲係OVER 250就要返醫院...果然...最終都要返醫院拮腳板仔﹗次次醫生的COMMENT都是，佢重得好好，不過啲黃都是唔退﹗之後去了4次醫院，仲因為黃得 耐，要抽2支血，一支是CHECK黃，一支是CHECK直接膽黃素。其實有機會是因為我今次坐月有補身，醫生話補身會退黃比較慢。


2012年5月24日

今 日小丸子要返健康院打針（我病咗，由阿旺同工人姐姐代勞帶小丸子去打針），可能係龍年效應嘅關係今日有好多BB，同埋有一半係大陸人。等左15分鐘先有得 磅重，今日已經3.98KG! 仲重過家姐姐大頭妹一個月的時候！一個月重咗差不多三磅！ 之後去見醫生評語都係一樣長得好好，諗住偷雞可唔可以係度CHECK完黃如果OK明日唔洗返醫院抽血，點知都仲係黃，醫生話就算黃數值低都一定要返醫院， 因為健康院唔會知醫院有冇其他野CHECK緊所以其實點都要返。就過多一陣，去打針啦﹗但係小丸子仲訓緊叫都叫唔醒，唯有照去啦，支針一吉落去時，小丸子 塊面即時谷到火紅色，兩秒後先識大喊！唔知點解兩個囡都咁怕痛！又話bb唔識痛？！應該呃人的。