最近同兩個寶貝一齊瞓﹗
因為小丸子都戒咗夜奶，夜晚應該唔會再嘈住大頭妹瞓，
而且大頭妹同阿旺瞓咗成3個月啦，間中夜晚都會喊醒
，所以我決定同返大頭妹一齊瞓﹗
哈哈﹗之前成日問瞓覺的安排，有時真係要試過先知﹗
其實我地都轉過好多次﹗
最初我同小丸子瞓大房，大頭妹同阿旺瞓細房，
大頭妹當時最唔習慣，又冇我陪，又轉咗房瞓。
之後我諗下，如果我同小丸子瞓細房，比大頭妹瞓返大房會唔會好少少呢？
我地就轉房啦﹗又真係好少少，醒少咗喊少咗﹗
我成日有個疑問，之前大頭妹一直都有同阿旺瞓，點解會咁唔習慣呢
？﹗我估是因為阿旺唔醒瞓，鼻寒又大聲
，可能佢的鼻寒聲嚇醒大頭妹﹗又比我越講越遠﹗講返我個寶貝﹗
話說有一晚，我瞓係度餵小丸子 (大頭妹瞓入面，小丸子瞓中間，我瞓外面)，
突然大頭妹好大力捉住小丸子的手臂，
我正在想點同大頭妹講唔可以咁大力捉妹妹的手的時候
，大頭妹話 "唔可以打媽媽架﹗"。
原來個傻妹以為妹妹打我﹗﹗﹗
其實我自己都無為意，當時小丸子手郁郁，不停打落我塊面﹗
個一刻...我真係好愕然，又好感動﹗
我個囡真係大個啦﹗識教妹妹唔好打媽媽﹗(雖然只是誤會一場)
為咗呢件事，媽媽要出一個BLOG讚揚你﹗
大頭妹，MAMA IS SO PROUD OF YOU﹗
小丸子的包包面...真係唔講得笑﹗
提外話...TOONSLAND之前SPONSOR大頭妹靚衫衫，
佢地最近舉辦 "TOONSLAND小代言人大招募 2012"，
用了大頭妹的相係宣傳單張﹗
只要大家有小朋友是2-10歲都可以大家參加﹗
唔參加都入去睇下可愛的小朋友啦﹗
參加方法自己睇下圖啦﹗
大家LIKE咗我地個FACEBOOK PAGE未呀？﹗
沒有留言:
張貼留言