2012年9月11日 星期二

大頭妹 28個月啦﹗



大頭妹 28個月啦﹗開咗學都 1個月了﹗大致上都幾滿意大頭妹的表現

班主任打過2次比我講大頭妹的表現,都是讚多過彈(其實唯一是 "食手指" 比老師話)﹗
先2日班主任打比我都話大頭妹適應得幾好﹗
上堂的表現唔錯,學習速度理想,開始坐校車都無喊﹗
聽到老師讚自己的小朋友真係特別開心嘅﹗

其實第一日坐校車的時候有喊,我估佢返到學校已經收咗聲所以老師唔知道﹗
不過其實都是我唔好﹗有睇fb page的朋友應該知道...

話說第一日坐校車的時候,
司機突然同我講可以係屋企留下落車 (原本要去太古城),
我當然要問清楚唔好搞錯啦
我依家個工人姐姐無手提電話,英文/ 廣東話都是麻麻地...如果佢接唔到大頭妹...好大鑊架喎﹗
之後我心急同工人姐姐講改咗落車地點,唔記得同大頭妹講 BYE BYE﹗
大頭妹好得意,佢做野要全部人一齊做,走的時候一定要講 BYE BYE,離開屋企一定要熄電視...
佢有自己的RULES﹗唔係就會扭計﹗所以之後我都估佢會喊﹗

當晚我返到屋企,我問大頭妹有冇喊,
我: 今日返學有冇喊?
大: 有呀﹗(點頭)
我: 吓﹗係學校/ 校車喊?
大: 校車 (認真樣)
我: 係唔係因為媽媽冇同你講BYE BYE?
大: 係呀﹗(害羞樣)
我: 我惜返你啦﹗

我工人同我講,佢第一日放學,仲係校車瞓咗﹗
開始坐校車之後,佢仲同屋企的毛公仔扮坐校車 (係梳化坐同一個方向)。
真係比佢笑c

其實大頭妹真係好乖囡,唯獨是唔食飯
唯一唔洗我勞氣就是食炒飯,
但都唔可以日日炒吖﹗


要一邊玩一邊食﹗


食炒飯就最乖﹗一見就好開心 "fried rice﹗fried rice﹗" 咁﹗

車厘茄腸仔炒飯


食下又要玩下...


一餐飯都唔知要食幾耐﹗


最近鍾意打鼓,其實佢都幾鍾意玩樂器﹗



玩到用埋對腳...啲朋友仲成日話佢斯文...比佢呃咗啦﹗

沒有留言:

張貼留言

Related Posts Plugin for WordPress, Blogger...