2012年10月14日 星期日

中秋節節目 1




又繼續中秋節的BLOG﹗
中秋節前一日,返老爺家做節,加慶祝老爺生日﹗
阿旺今個月星期六要返工,本身想早少少到,唔等阿旺放工。
點知搞完一大輪,都勁晏先出到門口。
仲要我為咗慳幾十蚊,2個女人帶住2個小朋友坐地鐡...
OMG﹗我發誓以後都唔會咁戇居﹗

都想講下我坐地鐡的經歷﹗
其實...真是不要批評 "強國人",香港人都不是人人有公德心﹗
當日,我地行大的入閘機,大家都知...可以2邊拍卡的,
我同對面都是推BB車的一齊到,我讓出閘的人出先啦﹗
之後...可能下一班車到咗,對面勁多人排隊,
當中10個入面8個都是沒有推車﹑沒有行李﹑亦不是傷殘,
都走來排大的入閘機,仲要...無人打算比我入先,而我是先到的﹗
我係無辦法的情況下,唯有同對面 "鬥快" 拍卡﹗

之後去到鰂魚涌轉車,打算坐升降機啦 (因為我推bb車的技術不太好)﹗
可能就輪椅的關係,排隊的位好闊,可以平排企3個人,
我靠一邊排隊,我後面亦已經有好多人,
有位中年的女仕,拖著行李,忽然企我旁邊?﹗
我提佢我地排梗隊喎,
佢仲好惡咁話 "我以為有2條隊嘛﹗" 。

再之後...去到牛頭角打算坐的士,
由於沒有的士站,我企係巴士站等車啦﹗我去到的時候都沒有人的...
之後...有1個女人,一有的士到就企去較前的位置上的士,
再之後....又有另外2個人見狀,又去較前的位置等的士,
不過由於沒有的士站...其實都唔怪得人,
不過如果我得一個人的時候...我一定唔會咁做囉﹗


坐地鐡的時候,仲發生好尷尬的事...
大頭妹玩BB車的車蓋,
不停開開關關,之後...
佢竟然...
......
......
一手捉個旁邊個哥哥仔的...個度...
我不停道歉...不過我估個哥哥仔尷尬過我...
真係超級唔好意思﹗




上老爺屋企切完蛋糕就出去食晚飯﹗









同爺爺嫲嫲坐...特別得戚﹗






大家LIKE咗我地個PAGE未呀?


仲有微博呀﹗
 

沒有留言:

張貼留言

Related Posts Plugin for WordPress, Blogger...