2012年11月8日 星期四

BLOGGER 活動: 亮視點「護眼顯關懷」微故事比賽 之花落誰家?



亮視點「護眼顯關懷」微故事比賽星期一已經完滿結束啦﹗收到好多微故事,而且水準非常之高﹗原來做主持真是不容易,要在當中選出一位優勝者,真是非常困難﹗尤其是大部份女人都有選擇困難症,今次真係全面爆發啦﹗(我仲要是超嚴重的)﹗既然個比賽主題係「護眼顯關懷」,最後我認為應該用故事﹑感情同知識去計分,其中我都想同大家分享幾篇寫得唔錯的微故事﹗

1個,亦都係好意外的一個,由一個媽媽自己親自分享,講佢的囡囡知佢怕麻煩,所以帶佢去配了一副 clip on的太陽眼鏡,是唯一一個由媽媽自己寫的故事﹗係一個好難得由媽媽的角度去表達對於眼睛老花的感受。"怕麻煩"對於老人家來講原來真係一個問題,希望各位子女都要好似呢位咁sweet的囡囡一樣,主動關心老人家的健康。

2個微故事都好似我本人好想分享俾大家的經驗,都是自己有小朋友之後,先明白到做父母的辛苦,佢仲講出好多老人的眼睛健康問題,例如是老花﹑白內障,所以定期檢查是好重要。

3個是一個真實眼睛健康出問題的個案,故事中的媽媽成日覺得眼花,以為自己老花,但又唔去檢查,後來檢查先知道原來是有黃斑點病變的先兆,好彩早發現,手術後視力得以保住,之後仲學識定期檢查。我覺得大部份人都好似故事入面的媽媽一樣,不是真的出了大問題,都不會去檢查眼睛﹗同埋黃斑點都係一種老人家需要注意?眼睛健康症狀。

4個微故事是講一個型爸,令我即時諗起阿旺。佢話爸爸好貪靚,所以要送一副又型又保護到雙眼的眼鏡比爸爸。講出眼鏡除咗實用,仲可以有美觀的作用。同埋作品之中比較少以爸爸為主,係唔係大家都應該多啲關注下爸爸,爸爸一般都係"口硬心軟",但係其實佢地最enjoy咁樣窩心的關心。

5個微故事的媽媽好鍾意縫紉,但因為唔想認老,所以唔想戴老花鏡 (同我媽咪一樣啦,我估我老咗都一樣),所以放棄縫紉,最後囝囝帶媽媽去配老花眼鏡,媽媽又可以再車衫啦﹗其實上次同媽咪去驗眼的時候,視光師都有講到,依家的老花鏡同近視鏡可以做係一塊鏡片(漸進鏡),唔洗帶住2副眼鏡轉來轉去,又因為打磨技術好咗,漸進鏡唔一定是又大又重的鏡片,所以各位靚媽咪唔洗再擔心啦﹗

大家睇完上面5篇微故事,又估唔估到大獎花落誰家呢?﹗得獎者可以優先預約體驗亮視點提供的常規眼科視光檢查,之後再給予適合其個人用眼情況的價值$3000眼鏡產品﹗

哈哈哈,其實雖然我是主持,但因為參加者是不記名的 (我收到作品的時候只有編號),所以連我都唔知大獎花落誰家…不過我最後揀咗 A09906,即是上面的第5篇,因為我覺得佢好乎合 "微故事"的主題,以一個輕鬆有趣的故事帶出對媽媽眼睛健康的關懷,令媽媽從拾年輕時的縫紉的興趣。

另外,我都同亮視點的視光師請教,分享下老年黃斑點病變的知識(老花同青光眼可能大家都比較熟悉,所以今次問的唔係個個都知的冷知識):

老年黃斑點病變是年長人士常見"致盲"的眼疾之一(原來會"致盲"咁嚴重ga!),患者通常與年紀、家庭病史及環境等因素有關。常見的徵狀包括中心視力及色覺分辨能力受影響,中心視力影像會出現扭曲變形等,但周邊的視野沒有受影響。

黃 斑點病變分為乾性及濕性兩種,乾性黃斑點病變一般惡化比較慢,但有機會轉為濕性,與年紀及自己身體健康情況及長期接觸陽光有關。而濕性黃斑點病變相對比較 嚴重,比乾性的快惡化,黃斑區血管會出現異常增生導致黃斑區出血及滲漏,引致視力迅速下降(視力下降真係要勤力啲去檢查喎),如及時驗眼發現問題所在及得 到合適的治療,能減低視力喪失的機會。

不論乾性或濕性的黃斑點病變,定期接受眼睛健康檢查是必要的項目,因出現黃斑點病變初期只是很輕微的視力模糊,所以會很容易被忽略或不易被察覺。而LensCrafters亮視點的眼睛健康檢查,除了評估顧客的最佳視力外,還利用眼底燈(Ophthalmoscope)或其他儀器檢查黃斑區的健康情況。有需要時亦會替顧客進行黃斑區的影像拍攝,作為定期監察黃斑區健康情況變化的工具。此外,亦會利用阿姆斯勒方格表(Amsler Grid)評估黃斑區的功能。



黃斑點病變後的眼底相 (真係好恐怖啊!同我嘅眼底相比較,多咗 啲好多斑點同雜質嘅感覺)


上面呢幅係我的眼底相,係唔係清好多呢?
對眼外表望落好似冇分別,唔檢查真係唔知有咩問題

總括而言,為減少出現黃斑點病變的機會,在日常生活中需留意以下幾項(原來食物都可以幫助到眼睛健康,都係不錯"EN-US">
1. 減少戶外陽光直接照射及戴上合適的太陽眼鏡
2. 戒煙(尤其已患有黃斑點病變的患者)
3. 均衡飲食,少攝取動物性脂肪; 從食品中攝取每天適量的奧米茄3,維生素CE及鋅(Zn

而最重要係定期每年進行詳細的眼睛健康檢查及接受定期觀察黃斑點情況,尤其50歲以上及吸煙人士更是高危一族。及早發現及得到適當的治療,影響視力的機會大大減少。

最後,雖然亮視點「護眼顯關懷」微故事比賽已經圓滿結束,不過佢地整個 "愛 由眼及心"活動是為期3個月架 (920日至1216),大家仍然可以去亮視點的FACEBOOK專頁 /活動網站,讚好成為粉絲,獲得眼睛健康檢查邀請卡到亮視點預約驗眼服務。
詳情:https://www.facebook.com/lenscraftershk/app_244656512324033

最最最後多謝大家的參與
胡李媽媽 at 11/08/2012 02:09 pm comment
hehe....我都係咁;因為老花;而家都冇再整黏土喇,就算配咗眼镜;都好少帶

沒有留言:

張貼留言

Related Posts Plugin for WordPress, Blogger...