2013年1月28日 星期一

成熟OL Look



最近愛上比較成熟的OL LOOK,返工著得 FORMAL 少少,化返個淡妝,個人都有自信啲啦

其 實我自已最近一兩年真的 10個HEA,可以經常一件 CAUSAL ONE PIECE加一條 LEGGINGS一對平底鞋就返工,我估我老闆都覺得有少少貨不對版,比著先幾年,可能已經炒我魷魚了﹗哈哈...無辦法...大肚的時候 HEA 慣咗 (又唔化妝)﹗之後一直都係著返大肚時的衫,其實大部份都係日本 FREE SIZE,但其實我本身太細粒,生完根本著唔返,啲衫/ 裙一鬆就好似好 CAUSAL咁,所以最近都愛買修身款的﹗

不過一著修身款先發覺,其實個肚腩都幾 "礙眼" ,只是平時著鬆身衫唔覺,但唔代表唔 "存在"

買 呢條裙的時候,以為前面的 PEPLUM 可以遮下肚腩,點知唔知係唔係個位唔岩/ 心理作用,好似令個肚仲突出咗咁,最大的 "致命傷是..."平胸" (我相信阿旺最同意﹗),不過只是 $400貨仔,我好滿意架啦﹗上面白色部份係冷/ 線,PEPLUM 位是仿皮,裙身是布,都算幾特別吖﹗之後我見到一條全黑的布料款,著得我好瘦,好有衝動再買,不過又好似太似,依家做咗媽咪,唔可以再好似以前咁,鍾意的 一個款幾隻色買晒佢﹗其實仲有條全 SHOCKING PINK的 (我都好鍾意)﹗

呢條裙本身有 2個色,仲有另一條粉色的。不過個人肥咗,真係著黑色好睇啲,無辦法都要向現實低頭 (本來想買粉色的一條)﹗


好鍾意佢後面的設計﹗咁睇...我條腰係唔係出返嚟呢?﹗






好鍾意呢啲老老套套的花花﹗


PARTY的預備工作﹗(附 BLUEBERRY CHEESE TART食譜)

上次講過 PARTY的食物,大頭妹有份幫手整,今日就比大家睇下大頭妹預備的部份﹗哈哈,其實佢都幾叻女,可能似我鍾意整野食,第時開 PARTY,可能唔洗我預備食物,大頭妹可以一手包辦啦﹗HEHEHEH...好早發夢的人﹗

其實同小朋友一齊煮野食係一個好好的親子時間,仲可以活動教學...(又怪獸家長上身啦),例如整啫哩的時候可以學下顏色/ 生果/ 氣味﹗整沙律都一樣,可以學下生果﹗用湯匙 "筆” 野的動作,其實仲係訓練小手的肌肉架﹗

因為我成日都同大頭妹一齊整啫哩/ 布丁,所以佢好熟手架啦﹗


整沙律的時候阿旺無影相,都是大頭妹將生果同沙律醬混合,切生果就當然係我大人做啦﹗

之後整 CHEESE CAKE﹗
佢想試下熱唔熱﹗因為整啫哩的時候 "熱" 到一下﹗


大部份我打的,佢未夠力,我比佢試幾下啫。


之後入廚房醃雞,因為有生的食材,佢無份啦﹗一陣摸完隻雞又食手指就大件事啦﹗


只是做 "監督" 同 "打氣" ﹗

對住我笑呀﹗

比爸爸影相。

整好啦﹗沙律﹗

三色啫哩﹗


CHEESE CAKE,可惜焗起的時候,大頭妹已經瞓咗啦﹗


第2朝繼續整啫哩﹗

比小朋友用刀就一定要睇實啦﹗

切好就要放入盒。


仲一邊整一邊食...

之後再鋪 BLUEBERRY﹗

其實大部份都係大頭妹鋪架﹗我只係排返靚佢﹗

睇下佢幾專心﹗




材料:
忌廉芝士  250g
糖              3 tbsp
牛奶          100ml
檸檬汁      半個 (少於半個)
蛋黃           2個
ready crust  1 個
做法:
1. 預熱焗爐至160度
2. 忌廉芝士 (室溫) 打至軟身,加入糖打至滑身 (沒有糖粒)
3. 分2次加入蛋黃,攪至混合 (加蛋黃後最不要用electronic mixer)
4. 加入檸檬汁 ,逐少加入牛奶攪至混合,倒入ready crust
5. 入焗爐以160度焗40-45分鐘 (因為爐溫有異,最好於35分鐘後睇火)
p.s. 我呢個做法的 new york cheese cake 個面是唔會金黃色的,如果想金黃色請以180度焗30-35分鐘 (因為爐溫有異,最好於25分鐘後睇火)
唔知咩係 ready crust 的朋友可以睇下呢個網址: http://www.readycrust.com

2013年1月27日 星期日

肥瘦姊妹花

大頭妹同小丸子兩個的身形好唔同,不過其實回想返,大頭妹食野其實乖過小丸子﹗小丸子分人好得戚,成日想自 己食,唔岩食嘅,佢會堅決合堆口,比你塞到入佢口,佢都會 "LUR" 返出嚟,好寸﹗大頭妹細個的時候食野好乖,一同佢講 "BIG BIG",就會擘同個口大一大,又唔會 "LUR" 野﹗就算依家大個囡,有時唔想食想 "LUR" ,佢都會問咗我先﹗

不過...小丸子食奶就乖過大頭妹,通常臨瞓前一齊沖支 6OZ的奶,小丸子都快過大頭妹飲晒,仲要大頭妹通常都飲剩 2OZ﹗小丸子會去搶大頭妹個奶樽﹗HEHEHE...証明奶的古營養真係好啲﹗
未加鹽﹑糖﹑茄膏的羅宋湯,加星星通粉﹗

其實佢食得好開心...不過我一影佢...佢就好唔自然﹗

無大頭妹咁鍾意影相﹗

大頭妹...好鍾意影相...未見我影佢之前仲 "放蚊" ﹗

一見我部大機就好似 "上身" 咁﹗

可能真係少同小丸子影相...比起大頭妹細個時,個個星期六都影﹗


呢碗係大頭妹的,冇鹽冇糖,有茄膏的羅宋湯﹗

嗱...係唔係...大頭妹真係擘到個口好大咁食架﹗
 
食到成面都係...

想TRAIN佢自己食...由2歲 TRAIN到依家...都冇咩成績...

2013年1月23日 星期三

Logitech TV Cam HD for SKYPE

好 多謝 LOGITECH 的 PR 邀請我地試用佢地新出的 LOGITECH TV CAM for SKYPE。 自從進入智能手機年代,我相信多咗好多人用 SKYPE,就連MSN都將會被 SKYPE "合併" 了﹗以前我通常都是 我/ 阿旺出TRIP的時候用,依家因為全家都轉用智能電話,有時會用 SKYPE打比大頭姨姨/ 媽咪,等佢見到 2個心肝寶貝﹗依家仲可以用電視 SKYPE﹗﹗﹗我真係覺得好神奇,HEHEHE...好似 "叮噹" 入面的情節,用電視來視像通話﹗

最初收到的時候怕好難裝,但見阿 旺裝,原來好容易咋喎﹗佢話有 INTERNET同 HDMI 線就可以裝到﹗當然屋企要開多一個SKYPE的 ACCOUNT,咁就可以用手機的SKYPE ACCOUNT 打返去屋企的 SKYEP ACCOUNT啦﹗HEHEHEH...以後 LUNCH TIME/ 老闆唔係OFFICE的時候,就可以用 SKYPE打返去屋企同大頭妹傾 2句,唔洗等佢成日咁悶啦﹗

佢的SIZE 同 WII 的 KINNECT 差不多大 (比 KINNECT 大少少)﹗另外仲有個搖控﹗


最近大頭妹好鍾意叫我地估下盒入面有咩?﹗其實我當然知盒入面係咩啦﹗係你唔知之嘛﹗


HEHEHEH...洗唔洗咁誇張呀﹗你知係咩野咩?﹗

插好 INTERNET同 HDMI 線,再登入SKYPE ACCOUNT就可以用啦﹗

HEHEHE...婆婆同大頭妹揮手﹗


小丸子: 我同家姐係度 SKYPE緊呀﹗

HEHEHEH...其實 LOGITECH TV CAM HD 當然唔係預比你係廳同房用啦﹗我地方便影相同TESTING先咁用啫﹗

爸爸放得個電話太高﹗大頭妹要不停跳先見到個畫面,我地係廳笑到癲咗﹗


就係咁架﹗笑到肚都攣﹗

之後放返係一個大頭妹用到的位﹗

EHHEHEEH...見到係廳的婆婆同小丸子﹗


我地見到的畫面﹗即係如果第時我打返屋企,大頭妹就會見到咁大個頭的我啦﹗哈哈哈﹗

睇下大頭妹玩得幾開心﹗真係 2歲小朋友都識玩 SKYPE﹗


自己拎起個電話係度講﹗

大家可能同我都有同一個問題,咁係唔係要長期開住部電影呢?當然唔洗啦﹗只要你打返去屋企的 SKYPE ACCOUNT,部 LOGITECH TV CAM HD就會好似電話咁 "響",咁你先開電視,轉去岩的 INPUT位置就OK啦﹗

如果大家有興趣,想知更多資料,就去佢地的官網睇下啦 : http://www.logitech.com/en-hk/product/tvcam-hd?crid=34

2013年1月22日 星期二

DONKI 美食PARTY@ MY HOME

之前都有講過,阿旺的好朋友開了一間高級食材網上商店 DONKI,剛剛的星期六,我地開生日PARTY,正正是 DONKI 老板的生日,靚靚牛扒就當然唔少得啦﹗我都是身一次食 A5和牛咋﹗果真是入口即溶﹗另外仲有特大帶子刺身﹑特大牡丹蝦刺身﹑半熟青口﹑生蠔

另外我自己就煮咗焗雞﹑羅宋湯﹑什果沙律﹑啫喱糖同藍梅芝士蛋糕
﹗全部大頭妹都有份幫手整架﹗阿旺話今餐有好多肉,煲返個羅宋湯平衡下﹗但又堅持要食焗雞...自從上次...用過新鮮雞嚟整焗雞之後,佢就成日都話要食,真是識食﹗
美國西冷扒 - 我比較喜歡這一款,又夠牛味,肉質又夠腍


美國豬扒 - 如果可以厚身少少會更加好﹗


美國和牛 - 我個人覺得太重牛味,即是有少少 "蘇",其實鍾意 "蘇" 味的會覺得好好味,例如阿旺﹗
(因為已經解凍,所以有些血水,大家購買的時候不會是這樣的啦﹗)

牛柳 - 平靚正之選﹗

宮崎 A5和牛,第一次真正明白什麼是入口即溶﹗好好味﹗不過一口就已經要 $50﹗當然如果出去食,就更加貴啦﹗

20個月的PARMA HAM﹗


翡翠螺 - 個人覺得一般。

半熟青口,朋友話可以直接食,我就加白酒﹑忌廉煮,我煮完當然好食啲啦
(都是因為已經解凍,所以有些水呢﹗)


我煲的羅宋湯,分咗 3款,包括是比小丸子的 (零調味),比大頭妹的 (加茄膏,無鹽糖),大人的VERSION﹗


白酒忌廉青口﹗
呢個時間原來好難買到哈蜜瓜/ 蜜瓜﹗

阿旺咁切個檸檬...我真係佩服...


生蠔
什果沙律


嘩嘩嘩,特大帶子刺身﹗好鮮甜﹗

手掌咁大的牡丹蝦﹗好鮮甜,仲好多膏﹗


牛扒SSS


燒雞

啫哩糖


藍梅芝士蛋糕

呢餐由 8:00食到 12:00﹗真係夠晒誇張﹗最後上面的食物,10個人全部清晒﹗
Related Posts Plugin for WordPress, Blogger...