2013年1月7日 星期一

大頭妹的第一堂興趣班



自 從大頭妹上年8月開學之後,我地星期六就無再上任何PLAYGROUP啦 (因為本身大頭妹都是在自己的幼稚園上PLAYGROUP,開學之後就沒有PLAYGROUP班啦)﹗其實都覺得既然都已經返學,到底仲要唔要上 PLAYGROUP/ 任何興趣班呢 (才2歲半嘛)?﹗其實我本身都不是太 "怪獸",哈哈...又或者是一隻 "懶怪獸',無計畫過要比大頭妹上什麼什麼興趣班,訓練十八般武藝﹗不過開始見佢星期六/日好似悶悶地,我同阿旺又太 "宅",有時真是比較少帶大頭妹出街,所以我最近就決定幫大頭妹報興趣班﹗

考慮到可持續性問題,我決定睇下附近的興趣班的資料,其實都已 經好多選擇。阿旺一早已經同我講最多只可以報2個興趣班,其實我只是打算報一個,大頭妹只是 2歲半人仔,我都唔想一次過迫佢學太多。畫畫/ 音樂/ 跳舞三樣之中揀一樣,我覺得我自己可以教畫畫,反正小朋友都是亂畫一通,即是跳舞同音樂二揀一﹗其實最終都應該會比大頭妹學跳舞同一種樂器 (現在的社會學一種樂器是最基本的啦﹗),而屋企附近的音樂學校比較多,有通利/ 柏斯/ 葉氏,所以就由音樂開始先啦﹗

最後我選擇了報 葉氏,主要原因是課程結構比較簡單﹗適合2歲半小朋友上的只有2種課程,而2個課程其實都大同小異,只是一個是1小時,另一個是2小時 (增加美勞﹑圖畫課程,同有茶點時間),我比較喜歡 2小時的一個課程,反正價錢也差不多,可惜上課的時間是平日,要工人姐姐帶大頭妹去上堂,我怕佢一個好難帶2個出街,雖然都只是經商場,再過一條馬路,但 是我自問要我做我都無信心,如果2個都瞓咗就大件事,所以最後都只是報了1小時的課堂,星期六下午上堂,我可以自己帶大頭妹返學 (大頭妹要自己上堂,不設家長陪同)。

其次是佢可以一路讀上去,3歲前讀P班,不用考試,3歲之後每個學期要考試合格才可以升班,
每3個月是一個學期,一年4個學期,即是我報咗之後,只要大頭妹唔好考試唔合格,短期內都不需要再為讀什麼興趣班而煩惱,可以讀到5歲,再決定上合唱團/ 學習其他樂器 (當然可以報晒啦)﹗

不 過報名的時候才知道原來入學都要 "面試”?﹗不出我所料,大頭妹的確 "十問九唔應"﹗叫佢叫爸爸都唔肯,叫我都是好細好細聲叫 "咪咪"﹗之後老師叫佢一齊讀 DO RE ME就有讀,點知比老師一讚完就想喊 (大頭妹唔知點解唔讚得,一讚就喊...),再叫佢唱首歌比老師聽,佢就唔肯啦﹗我不停氹佢,唱佢平時最鍾意唱的歌,佢最後竟然唱... "我食魚﹑我食魚",阿旺仲 "噗" 一聲笑出來,老師問我是咩歌?﹗我都只有照直話唔知佢邊度學,不過學校教咗 "魚" 字之後,佢就成日唱呢首歌,但我問過幼稚園老師,學校無教過同魚有關的兒歌。

之後老師有簡單講下個課程,每8位小朋友就會有一位老師,最 少 2個老師,老師會是讀幼兒教育/ 音樂的 (各一),一班最多 28人,會有 4位教師﹗一個學期會學 5首歌,都是英文歌(順便學英文﹗GOOD﹗),最初會學唱 MAJOR,之後才學唱 MINOR,升班之後考試就是由5首歌當中抽1首去唱﹗

老 師都有講到,現在上音樂唱歌班的目的主要是陪養小朋友對音樂的興趣,亦可以慢慢學習樂理,到大少少學樂器的時候,就不會太易放棄啦 (即是我...)﹗佢地建議學習樂器的年齡是 4歲半。哈哈...咁我唔洗再成日心思思諗幾時比大頭妹學樂器啦﹗學校都話最好 4歲半先開始,我就比少少耐性等下啦﹗

沒有留言:

張貼留言

Related Posts Plugin for WordPress, Blogger...