2013年2月27日 星期三

病病病

蛇年真係唔係太順,一入蛇年全家輪住病﹗

年初一小丸子第一個病 - 支氣管炎﹗發燒燒咗 5日

小丸子好返之後,上星期一開始就我病,放工返屋企覺得個攰攰地,食咗 PANADOL 瞓一覺以為無事﹗第2日開始發冷,之後仲傳染埋比大頭妹﹗

之後成個星期都發燒,不過我只是請咗一日假,大頭妹就一直無返學。

去到星期六,明明大頭妹都退咗燒,點知半夜 2點又再燒過,仲上返 39.5度﹗

我 就仲衰,其實都未退過燒,仲日日都總有一兩個時間上返 39.5度﹗好彩星期日都有醫生睇,醫生話覺得我似甲型流感 (後來我上網睇好似即係 H1N1/ 豬流感?),佢話我一個星期都唔退燒,仲要日日都上到 39.5度係十分唔正常,問佢要唔要入院,佢又話唔洗,入院只是等退燒,無野做到。不過其實我上次坐月的時候都係咁,最後去醫院驗血又唔係甲型流感,仲一 驗完就退燒﹗其實我覺得係我身體差咗,唔夠力打啲病菌就真﹗﹗﹗

大頭妹醫生就話大頭妹係 "支氣管炎",要食抗生素﹗食咗 1日抗生素就退燒啦﹗不過都無比佢返學,休息多一兩 日先啦﹗又成個星期都冇返學啦


第一次病到要食特敏福﹗不過食完之後又真係退過燒,但一樣又會返上 39.5度﹗


寫得 BLOG的今日已經好返好多架啦﹗已經退咗燒一日﹗只不過...依家我同大頭妹都好返少少,又到小丸子再病過......全家得返鐡人爸爸支持住咋﹗真係辛苦晒啦﹗

2013年2月22日 星期五

補祝情人節

今年情人節約了小娜執媽,當時佢問我佢會唔會做咗 "大電燈膽",我話我地一向都無慶祝,其實我都真是唔記得,到底以前有冇慶祝呢?﹗我無CHECK返啲BLOG,我估一向都無好正式咁慶祝,"應該" 都是係屋企食西餐就當慶祝咗﹗我記得有一年就一齊去上烹飪班,不過都唔係正日﹗今年都一樣,我都安排咗一樣情人節活動,就是影家庭相啦﹗﹗﹗

HEHHEH... 之前是YAHOO團購買了 SENS STUDIO的 PACKAGE,之前一直唔記得BOOK (仲有 FACE STUDIO的團購都未BOOK,要WALK-IN BOOK...真是有點...XYZ),其實想早啲去影細少少的小丸子,因為我想影 "光光豬" 相呢﹗最後BOOK的時候先發現原來勁 FULL,不要說是 WEEKEND,連 WEEKDAY都 FULL晒﹗﹗﹗但又唔知點解,佢地忽然留咗個星期六位比我,我本身BOOK咗星期三的下午的﹗咁岩個時間又唔撞小丸子同大頭妹的課外活動,我當然即時 CONFIRM佢星期六個BOOKING啦﹗咁我同阿旺都唔洗請假嘛 (只是要加 $150假日費)﹗

無問到STUDIO可唔可以自己影 幾張,ASSUME佢唔比自己影,所以依家好心急等 3月中睇相﹗不過個PACKAGE好似只包 11幅相...心情好矛盾...如果影得靚,要補錢加相又好大鑊。如果影得唔靚,又好似唔好幾好。影之前已經問咗,加一幅要 $100架﹗呢一刻我打算唔加架﹗﹗﹗

不過有少少失望的地方是之前睇幸福小女人DIANA的BLOG,佢地之前都去咗 SENS STUDIO影家庭相,佢地其中一個BACKGROUND是 "立體LOVE",我去到唔見有, 佢用咗個英國國旗的BACKGROUND幫我地影,老實講...我麻麻地,話我老套都好...我是中國人﹗不過我都唔想係中國國旗前面 影...HHEHEHEH...我只是想清清地,又長青少少的就OK﹗

影咗個半鐘,一影完就好肚餓﹗唔想叫工人姐姐煮啦﹗又唔知幾點先有 得食架啦﹗去咗 PIZZA HUT﹗阿旺話難得 "飛起" 咗工人姐姐,我地自已一家食當補充情人節﹗OK...當你已經係一個已婚5年,生咗 2個小朋友的媽咪...你真係唔好期望仲可以去酒店去BUFFET/ 高級西餐慶祝情人節﹗﹗﹗PIZZA HUT就 PIZZA HUT啦﹗

去 到 PIZZA HUT,點了一個 2人套餐 2大2小一齊食,唔知阿旺飽唔飽呢?﹗佢個湯入面的湯料,全部比小丸子食晒﹗最後,小丸子食咗成碗湯入面的紅蘿蔔同椰菜,PIZZA的麵包部份,仲食咗幾 啖飯...佢真係夠晒威,以前大頭妹 1歲之前都未食過有味的食物架﹗﹗﹗


未食得之前自拍一下﹗




小丸子不停同隔離枱的姨姨玩﹗




等咗大半餐都未有 BB櫈...其實一間PIZZA HUT到底有幾多張BB櫈呢?好彩阿旺已經是熟手技工﹗




意大利手制 PIZZA?﹗我地LIKE佢的大大塊 CHEESE﹗




個飯是為大頭妹以設的...不過可以小丸子食得多過佢﹗




就是為咗呢個什菜湯...我地要堂食...以前外賣都可以轉,個日唔比我地轉...




其實...如果大頭妹肚餓,佢都肯自己食幾啖嘅...

2013年2月21日 星期四

開年飯

因為媽咪今年新年去旅行 (其實佢年年新年都去旅行),初七先同媽咪拜年,仲要佢去太古搵我地,仲要叫阿媽去酒樓等位...我阿妹問...我地會唔會比雷劈?﹗其實自從我生咗 2個 "化骨" 可愛小公主之後,出去食飯/ 做節/ 生日,阿媽都爭住比錢﹗次次返娘家,佢就由晏煮到晚,我諗呢啲係做囡的 "福利"﹗我依家唯有諗下母親節點報答返媽咪啦﹗﹗﹗

我的灌湯餃


新年的特別版﹗


福建炒飯

又是新年的特別版豬手﹗

鳳爪


自從試過比小丸子 "埋枱" 食飯,依家佢次次都扭計要食﹗


呢福我影唔切,阿旺呢啖飯係比自己的,不過小丸子一見到咁大啖飯就好興奮又笑又跳...笑到坐係對面的大頭姨姨同我傻咗﹗

之後晚餐有我煮的韓國菜﹗

LE CREUSET 鍋飯


炒年糕

韓式炆牛筋條


最後當然唔少得鮑魚啦﹗

2013年2月20日 星期三

我的大頭甜心

話說前日放工返屋企的時候,開始發燒,初初只是微燒 37.8- 38.2度,不過就成身無力,食了兩粒 PANADOL,走去瞓覺。大頭妹習慣我返屋企會陪佢玩,佢就跟我入房,以下是我地的對話:

我: 媽媽發燒呀﹗要瞓一陣﹗

大頭妹: 媽媽發燒呀?﹗睇咗醫生未呀?﹗

我: 未呀﹗

大頭妹跑出廳。

我以為佢見我瞓就自己走啦﹗

之後,大頭妹又跑返入房,仲手持HELLO KITTY醫生工具箱﹗

大頭妹 (走入被窩): 媽媽我陪你瞓吖﹗

結果...傳染埋比大頭妹...(呢個是錯誤示範,大家唔好學我咁無安全意識﹗)

2013年2月19日 星期二

小丸子的第一堂PLAYGROUP

2013年2月16日 (星期六)

今日真是超級忙碌的一日,一早起身阿旺打去醫務所幫小丸子掛號,小丸子由年初一開始發燒,我記得大頭妹 上年/ 前年都是,其實小朋友一去多人的地方都真是好易 "中招" (又拜年﹑又坐公共交通工具),但因為新年醫生未開工,一直都是比之前的藥水小丸子食住先﹗醫生星期五開工,不過我同阿旺都開工啦﹗最後拖到星期六先同小 丸子去睇醫生,真是慘慘豬﹗拖到好返先去睇醫生﹗醫生話要比小丸子 "聞" 2日氣,已經是第 2次要聞氣啦﹗

10:20去到診 所,11:30先睇完醫生,之後12:30又要帶小丸子上第一堂 PLAYGROUP,其實好多人都問...點解要咁早上 PLAYGROUP (大頭妹的時候,到 15個月識行先上),當年都覺得好多父母好 "怪獸",BB 6個月就上 PLAYGROUP,根本就是父母上堂,BB只是一個 "道具",依家小丸子 10個月就上 PLAYGROUP﹗其實都是想有同小丸子 "單獨" 相處的時間﹗雖然一開始要生 2個,就是想小朋友有個伴,但成日都覺得小丸子從來都得唔爸爸媽媽 "完整" 的愛,是好唔公平的﹗可惜今日阿旺要返工,只有我一個帶小丸子上堂﹗

大 頭妹之前上的SUNNY GARDEN 9-12個月的 PLAYGROUP已經沒有位,要等後補,應該要等到小丸子 12個月之後先有得上,所以之前係 FACEBOOK 問下其他媽咪東區有咩 PLAYGROUP好介紹,最後揀咗灣仔 的 CPDA,其實北角都有 CPDA,可惜上堂的時間撞了大頭妹的唱歌班,我依家開始感受到有 2個小朋友會有幾忙﹗

同小丸子上完 PLAYGROUP返到屋企已經 3:30PM,又要帶大頭妹上音樂班,4:20PM先返到屋企,又要開始洗頭化妝,因為 BOOK咗 SENS STUDIO影家庭相,等大頭妹 5:15返到屋企,同佢換好衫,又出發啦﹗今日小丸子好開心啦﹗平時少出街,一出街四圍望﹗不過揹住佢出出入入真係幾係野﹗


因為怕唔識路早咗少少到,可以係另一個課室玩住玩具先﹗


起初都有少少怕生保,但又無喊﹗難得有玩具任玩,又點會喊吖﹗


不過對小丸子嚟講,任何時間...玩具都係用嚟食的...唔係玩的﹗


導師/ 職員比波波佢,佢又OK喎,真係唔驚喎﹗佢依家唔比陌生人抱架﹗

可能課室好COLOURFUL又多玩具,小丸子好開心﹗


影比爸爸睇下課室的環境﹗

之後開始上堂,所以好難影相啦﹗因為我都要一齊做好多野﹗

食檸檬...其實我有少少擔心,因為大頭妹細個的時候,好似對檸檬有敏感﹗


小 丸子上堂都幾 ACTIVE,可能真係細個啲,唔會好似大頭妹第一次上PLAYGROUP咁驚驚青青﹗仲不停自己爬出去﹗講返少少個PLAYGROUP比其他媽咪參考一 下,灣仔的 CPDA 係有英文 PLAYGROUP 的 (小丸子就是上英文的),其實同 SUNNY GARDEN都係大同小異,都是一開始玩下玩具,之後唱 2首歌,就做少少 GYM (坐大彈彈球上下彈下咁),之後有爬行的訓練,做完一輪運動呢,有一個少少的 SNACK TIME,其實都是想訓練下小朋友的手仔 (放星星餅入口),之後玩放波仔,比較特別的是佢地有一個環節是訓練 BB嗅覺的,最後又是唱下歌仔。
Related Posts Plugin for WordPress, Blogger...