小丸子今次仲病得好甘﹗燒到成 41度﹗明明星期日的時候都好地地，連續星期六﹑日的心情都不知幾靚，全日笑咪咪，星期一早上都未有事，下午突然收到工人姐姐的電話話小丸子 38.8度，我叫佢比高燒退燒藥小丸子食啦﹗之後5點幾再打返屋企，竟然 39.8度﹗拿拿聲打去何醫生診所掛號啦﹗已經 fully book，要 7:30 walk-in等﹗
明知 walk-in等一定等好耐，不過又唔敢唔 7:30去，結果 8:30都未有得睇﹗去到 8:20護士同小丸子探熱，竟然去到 40.5度﹗﹗﹗護士都即時好緊張，仲即刻幫小丸子 "塞肛"﹗﹗﹗呢個經歷真係好恐怖，小丸子一向 "痴身"，要放底佢一定喊爆，之後一開片，明明已經換咗片先落樓，竟然....有少少屎﹗﹗﹗我又無帶片，連濕紙巾都無帶，護士話塞咗先，返屋企先清潔， 室咗2次小丸子都 "必" 返粒藥出嚟﹗當時小丸子已經喊爆，我同護士講唔得架啦，我要抱起佢，唔係一定嘔，護士叫我比多少少時間佢，小丸子已經忍唔住要嘔啦﹗護士姐姐可能唔記得 咗...仲用隻有屎的手奪接住小丸子的嘔吐物...我幾驚佢掂到小丸子...之後護士姐姐攞咗啲 KITCHEN PAPER比我清楚小丸子同自已，佢就清潔地方，真係唔好意思啦﹗不過無辦法啦...
之後即刻有得入去見醫生啦﹗不過因為小丸子不停喊，其實我都唔係好聽到醫生講咩，主要都係同我講 "塞肛藥" 點用，點食退燒藥，BB保礦力點飲，開奶要放少啲奶粉，同分開幾餐咁比佢食﹗
等比錢的時候，前面5個小朋友，全部都係肚痾，即是今期的菌係 "肚痾" 啦﹗大家都要小心啲啦﹗
* 塞完肛之後，真係好快退燒，11:00幾就已經去返 36.5度，不過今次隻菌好勁，明明 12: 30的時間都係上返 37.6度，諗住應該唔洗塞多一次啦﹗點知 1個鐘頭內，可以由 38度上到最高 41度﹗2:30的時候 (6小時後)要再塞啦﹗不過今次無係診所咁反抗啦﹗今朝已經好返好多啦﹗仲有發燒，不過就唔係高燒，但又到大頭妹 37.6度啦﹗真係暈底...希望小丸子同大頭妹都快啲好返啦﹗唔係阿媽真係要搵個風水師傅睇下風水啦﹗
病病豬的時候特別嗲﹗要成個人痴住我﹗
後 記: HEHEH...可能小丸子見自己小出場，比個機會我寫下佢﹗因為我最近將大頭妹日誌分返開 0-12個月，12-24個月，24-36個月，先發現...大頭妹 1歲前足足出咗 100幾個 BLOG...小丸子依家先得 40幾個咋...我真係要寫多啲小丸子先得啦﹗唔可以偏心嘛﹗
沒有留言:
張貼留言