大頭妹要增肥

其實一個3歲的小朋友一日要食幾多野，要食幾多餐呢？﹗有時我真係唔知係唔係大頭妹食得太少？一或係唔吸收，總係食極都唔肥﹗﹗﹗

之 前目標係 26磅，新年前上咗 26磅架，就再想上 28磅啦﹗點知新年後病一病，又去返 24磅﹗其實次次比人問我大頭妹點解咁瘦，我都覺得好沮喪，好似係因為我做得唔夠好，其實我已經想盡辦法令佢食多啲，但是佢真係可以全日唔食 (如果唔想食的話)。之前有blog友仔話試下唔比佢食，等佢餓下就知驚﹗我個人認為呢個方法用係大頭妹身上係唔work的﹗唯有就係煮多啲佢鍾意食嘅野 啦﹗壽司﹑意粉﹑烏東之類啦﹗星期一至五，工人姐姐都係比佢食飯多，有時同妹妹一齊食粥，我都諗緊好唔好plan晒一星期期的餐單，叫工人姐姐照煮，等佢 唔洗日日食飯/ 粥咁悶﹗

星期日有媽媽煮啦﹗肉醬意粉﹑一片芝士加半個橙﹗

識得用叉自己食意粉，未識用筷子﹗

意粉麵條類的，佢都ok架﹗不過都係食咗半碟﹗芝士就食晒﹗橙...食咗一啖﹗

佢話好味架...


食到豬晒咀咁﹗

不過都只係食得半碟﹗

通常頭 3啖都肯自己食，其實識自己食架啦﹗不過...食飽少少個肚，就開始扭計要人餵﹗

大頭妹: 好味道﹗

又有blog友話去多啲公園放下電就會食多啲啦﹗我都同意，我都發覺佢返學的日子，放學返屋企係食得好啲﹗

買褲比佢就難囉﹗買 2t就甩褲，買 24m就吊腳﹗

唔知點解啲小朋友總係特別在意地上的垃圾﹗

睇下佢個樣幾唔高興﹗


囡呀囡，你要食多啲野，肥啲呀﹗