小丸子 13個月

好似成日都唔記得寫小丸子的成長誌﹗明明應該係細B多啲野寫，多啲野要記低，不過可能因為大頭妹個時已經寫過一次，依家成日都唔記得要幫小丸子寫﹗
小丸子 13個月，依家大約 24-25磅，其實KEEP住呢個磅好一段時間，所以都好多人話小丸子瘦咗，不過都仲係加大碼B啦﹗高就應該都係大約 77-78CM呱﹗

食野方面: 其實我覺得佢食 "固體" 食物，好似無大頭妹同時期咁好，小丸子好少可以食到一碗 COMBI 碗的粥仔 (我未見過，工人姐姐都係話佢好少時候得)，但大頭妹以前係一定食晒一碗架﹗10個月開始食 "爛飯"，但工人姐姐依家都仲係成日煮粥，可能佢唔識，我又無示範一次比佢睇﹗夜晚有時都會比小丸子 "埋枱" 同我地一齊食，咁又呃 2湯匙飯食下﹗食奶方面就叻過大頭妹好多，一日3餐奶，早上同中午都是 6 OZ，臨瞓前一餐就 8 OZ，佢仲食緊雀巢能恩 1號仔，因為之前醫生話佢氣管唔係幾好，叫我地KEEP住食 1號 (我當時仲問何醫生可唔可以直接跳去 3號...平啲嘛﹗答案當然係唔可以啦﹗﹗﹗)。

TIME TABLE: 7:00 早奶 -> 10:00 早餐 (麵包/ 芝士/ 生果) -> 12:00 午餐 -> 4:00 下午奶 -> 6:00 晚餐 -> 8:00 呃2 啖飯/ 生果 -> 10:00 睡前奶，都係時候要姐姐MARK返佢個TIME TABLE比我﹗

講野方面: 好似無大頭妹咁多野講，宜家識講 MAMA，PAPA， 姐姐，NONO (最叻講NONO)，奶奶，MUM MUM，未識主動講姨姨﹑婆婆，但識講嫲嫲，識講啲其怪野:  DUCK，DOG，CAR，EGG。

行為方面: 識拍手﹑HELLO/ BYE BYE(揮手)﹑BYE KISS﹑KISS KISS ﹗未識得指自己想要的物件，但會大叫 (佢真係好大聲)﹗我見過佢行去廚房門口向雪櫃大叫，之後姐姐拎咗 CHEESE比佢，佢就自己坐低食。暫時都未認人/
認地方﹗

活動方面: 識得自己企啦﹗岩岩可以自己行幾步，不過未係行得好好﹗希望今個月可以學識行，咁可以同大頭妹去公園一齊玩﹗

朋友新開 STUDIO幫小丸子影的相﹗


又比大頭妹豬面﹗


嗲嗲囡，小丸子比大頭妹嗲好多﹗


開始自己刷牙啦﹗仲好鍾意食牙膏添﹗

大家 LIKE咗我地個FACEBOOK PAGE未呀﹗有多啲相同 VIDEO睇架﹗