美心『剩餘麵包捐贈計劃』

嘩﹗都唔記得是幾耐之前，好似是 5月頭 (嚴重甩BLOG)，參加咗美心集團的『剩餘麵包捐贈計劃』，做義工幫手運送麵包﹗最初我仲以為是去 "派麵包"，原來派麵包會有另外的專業義工團體負責，我地只要到指定的美心西餅/ 東海堂收集麵包，再送到去指定的受惠機構﹗

送麵包之前，先有個FOOD TASTING﹗品嚐美心集團其下餅店的麵包同蛋糕﹗包括: 美心西餅﹑東海堂﹑URBAN﹑SIMPLYLIFE 等等﹗我都是第一次一次過食咁多麵包同蛋糕﹗
之後我地就出發去太古的東海堂收麵包啦 (HEHEH...平時我都係係呢間買麵包)﹗之後就坐地鐡出發去油塘的 "樂餉社"﹗成個過程大約只是 1.5小時來回，其實花的時間唔多，但就可以幫到好多人，而且又可以減少浪費，真係一舉兩得呀﹗每次大約可以運送 30-40個麵包，不過當然要視乎當日的 "餘額" 啦﹗有啲有 CREAM/ CUSTARD的麵包都唔適合﹗

呢個SIMPLYLIFE的 BLUEBERRY包包好好味﹗

美心的母親節蛋糕

呢個都係美心的母親節蛋糕，我好傻咁問...上面的花食唔食得...當然食得啦﹗

原來依家美心出咗為 "糖尿病" 病人而設的麵包，比一般麵包低糖架﹗

南瓜湯同沙律是我地今餐的頭盤﹗

之後有 URBAN的麵包﹗真是超級好味﹗今日試的都是 MINI VERSION﹗

這個龍蝦包是MINI VERSION，龍蝦都改用 MINI 版，加上帶少少咖哩味的沙律醬，好開胃，阿旺話佢最鍾意呢款﹗

另外仲有呢款和牛漢堡包，非常 JUICY﹗﹗﹗我自己最鍾意呢款﹗

希望之後都會有 MINI VERSION，呢個 SIZE真係岩晒我﹗﹗﹗

男仕就應該唔夠， 2啖就食晒啦﹗

之後仲試咗好幾款蛋糕，因為...太耐先出BLOG，有啲都唔記得咗﹗

呢款應該係焦糖 MOUSSE CAKE，我記憶中有少少甜﹗

呢 件係 SIMPLYLIFE的 SIGNATURE BANANA CAKE，真係好好好好味﹗批入面其實是CHOCOLATE BROWNIE，上面有焦糖加香蕉，我今年的生曰蛋糕就要呢款啦﹗(阿旺...你識做啦﹗) 。唯一是...我唔係太明白，點解中間的 CREAM好硬，你睇佢上面可以放香蕉就知啦﹗應該唔係 CREAM，咁係咩呢？


真係食咗好多蛋糕...仲有綠茶蛋糕同黑芝麻蛋糕﹗

東海堂 3.6牛乳蛋撻

最後仲有紅茶

同STARBUCKS咖啡﹗

影返個合照先﹗

樂餉社

所有麵包都要分類架﹗要分開有冇朱古力/ 個裝麵包/ 袋裝麵包...


呢個傻人好鍾意做義工，本身我無預佢，臨時叫 PR加佢個位﹗佢成日話中咗六合彩就全職做義工﹗

暫時未可以以個人名義參加佢地的義工計劃，希望將來有的時候可以再參加啦﹗