PCCW x 海洋公園 『親親動物玩學團』

好多謝 PCCW邀請我地參加佢地係母親節當日舉辦的 PCCW x 海洋公園 『親親動物玩學團』，由於阿旺 5月尾要考試，當日得我一個帶大頭妹入海洋公園，我都係第一次自己帶大頭妹去咁遠的地方玩，一開始時仲落雨，搞到好狼狽，好彩最後我都順利完全任務﹗

「親親動物玩學團」係為3-9歲小朋友度身訂造的玩樂團。其中分為 3-5歲同6-9歲2組，每個年齡組別又分成 "大熊貓"﹑"小熊貓"﹑"小企鵝" 同 "雪鶚" 4組，課程包括近距離接觸海、陸、空動物，亦可進入海洋公園的後勤基地，與北極雪鶚合照、採訪企鵝BB等等。唔同組睇唔同動物架，我地係大熊貓組，可以睇海獅﹑大熊貓﹑鱷魚﹑海星﹗

完成「親親動物玩學團」之後，會獲頒由PCCW，海洋公園及BBC旗下頻道Cbeebies聯合頒發之證書。同時獲贈總值六個月MEDIA網上娛樂服務(可收看由英國廣播公司BBC旗下Cbeebies製作的兒童節目)。

講咗咁耐，不如睇相啦﹗

相信大家都唔會 "陌生"，左至右係笨B媽媽的笨C，國王的婚禮的MANCENT，同大頭妹啦﹗(其實係第一次見MANCENT呢﹗)

入場之前開始落雨﹗2個海洋公園的職員，要帶住 10個 3-5歲的小朋友，其實我作為家長都有少少擔心﹗

不過其實佢地都好細心，年紀較小的小朋友，一係就企頭位，一係就守尾門，總之都係企係最近海洋公園職員的位置，方便照顧﹗

鴨仔團出發啦﹗

第一站去睇海獅表演﹗大頭妹 1歲多啲已經睇過架啦﹗不過我估佢已經唔記得咗﹗不過佢當時都好開心﹗

睇佢睇得幾專心？﹗

落完一陣雨又出陽光﹗

之前見天陰陰仲無搽防曬﹗好彩有戴帽﹗


大頭妹玩得好開心﹗﹗﹗其實好難得有戶外活動比差唔多年紀的小朋友一齊玩﹗平時上PLAYGROUP/ 興趣班通常都是室內的﹗


第2站去睇大熊貓﹗大熊貓真係好可愛﹗﹗﹗

大頭妹睇到唔捨得走﹗

之後仲有填色時間﹗

睇下大頭妹個樣幾認真？﹗


一班小朋友一齊上堂﹗

第3站去睇鱷魚﹗

唔知大頭妹睇唔睇到，我依家先知，原來如果係上堂MODE，佢係好守規矩，佢唔肯放開手個圈圈，所以有時企啲位根本就咩都睇唔到，無論我叫佢幾多次，佢都唔放手，之後海洋公園姐姐叫佢放，佢就即放﹗﹗﹗

最後一站是海洋館﹗可以摸海星同海參，不過大頭妹唔肯摸，試咗 3次佢都唔肯，我都唔係好明白，同狗仔玩又咁開心，上次同佢咁高的拉布拉多玩，我仲驚過佢﹗

佢係第一個開始，亦係唯一一個唔肯摸﹗

見完MANCENT摸，佢都係唔肯摸﹗


我返屋企有問佢，佢話佢覺得好驚喎﹗都唔知佢驚咩﹗

畢業啦﹗

小朋友要自己坐，訓練小朋友獨立都是今次活動的其中一樣目的﹗


完成之後每個小朋友都有一張畢業證書﹗

走的時候見到鱷魚話要影相﹗

仲無啦啦玩變手指﹗


6月2日仲有另一場，5月27日就截止報名啦﹗有興趣的朋友就唔好錯過啦﹗之後要到 9月先再開班啦﹗

Website: http://media.netvigator.com/media/static/category/kids/kidsop/home.jsp

Facebook page: http://www.facebook.com/MEDIA.now.kids