2013年6月28日 星期五

開心星期日﹗



上星期日節目好豐富,中午先同兩個心肝去樓下公園玩,下午去飲下午茶,之後再去東區室內泳池游水。

其實大頭妹已經算好唔怕水,當年第一次同佢去游水(都是東區室內泳池),佢已經玩得好開心,估唔到小丸子仲厲害,佢玩水玩得超開心,坐住水泡不停拍水都不特止,我地上水的時候,佢仲自己走返落水,浸自己個人落水,真是超大膽﹗我估佢都飲咗幾多泳池水﹗

不 過我地今次係第一次星期日去公眾泳池游水,原來星期日好多人架,本身都知 5:00完下午的一節,我地已經 4:00先出門口,打算游 30分鐘到都ok啦﹗點知去到去排隊入場,成 4:30先入場,5:00就要上水﹗游咗都唔知有冇 15分鐘,不過對小朋友嚟講都差唔多啦﹗因為大頭妹上水都凍到震晒,應該都唔可以再游耐啲﹗小丸子可以 "脂肪" 多,又無事喎﹗


岩岩開始玩已經成頭汗﹗

大頭妹睇咩呢?﹗


因為嚟公園的時候見到隻蝸牛,佢不停問我蝸牛去咗邊﹗


超初大頭妹話好驚蝸牛喎﹗我同佢講,蝸牛一直都係住係公園,我地去探佢嘛﹗


兩姐妹 "sir" 滑梯﹗

小丸子好大膽,又無咩安全意識,同大頭妹真係差得遠﹗

睇下...一齊 "sir",小丸子都要 "sir" 先﹗


叫佢兩個望鏡頭,佢地 "睬我都傻"﹗

玩到成頭大汗﹗


比紙巾佢自己抹﹗

係唔係個個小朋友都鍾意抹野呢?﹗


之後吹bubbles﹗




大頭妹都仲係未識吹...



未識吹都覺得好好玩,不過我就覺得好無聊...成日帶佢吹...佢吹唔到就係咁點我吹...

返屋企食雪糕﹗


勉強都叫肯同妹妹 share﹗


不過整到阿妹塊面一面都係雪糕﹗

2013年6月26日 星期三

蕃茄白酒煮青口 (附食譜)


 
上 次阿妹生日的時候,去百佳買咗一包好普通的 "急凍青口"。之前一直想試,見 $2x.x一大包,但又唔知點解次次都無買,上次又唔知點解,買咗又唔記得煮。上星期六,忽然又記得,即刻試煮。又煮忌廉蘑菇通粉,仲有 parma ham & melon﹗parma ham 係 aeon 做 discount,個哈密瓜係 facebook睇到 "雀后" 話百佳賣 $19.9,見咁抵又去買﹗

我真係好鍾意食 parma ham﹗又好愛哈密瓜﹗


雖然只是 $19.9一個,不過都幾清甜,連大頭妹自己一個都食咗一碗,媽咪第2日又買多一個。


蕃茄白酒煮青口,阿旺話味道有驚喜,最重要是包急凍青口只是 $2x.x。包蕃茄係媽咪係 aprita 買,好似仲貴過包青口﹗


又係佢...忌廉蘑菇通粉﹗上癮ed﹗


蕃茄白酒煮青口

材料: 新鮮車厘茄 1盒 (切半)/ 急凍青口 1包 (吐沙)/ 蒜頭 2瓣/ 白酒
調味: 糖/ 鹽/ 白胡椒
做法:
1. SAUCEPAN中加入OLIVE OIL,油未熱就加入蒜片,到嗅到蒜香的時候就加入蕃茄,略炒備用。
2. 加油,放入已解凍的急凍青口,再加白酒,煮青口至熱,加糖﹑鹽同胡椒調味﹗唔好加太多鹽,因為青口本身都有少少咸味﹗
3. 加入 step 1的蕃茄,MIXED埋就完成啦﹗
*其實有冇蕃茄都可以,上次我就落洋蔥,加雞湯﹑白酒﹑忌廉,扮 ruby tuesday 個忌廉白酒煮青口﹗

大頭妹週記



小朋友去到大頭妹這個年紀,說話經常似懂非懂,十分搞笑﹗

有一晚大頭妹飲剩 1 oz 奶,我通常都會又迫又氹要佢飲晒,唔可以浪費,其實平時每當佢食唔晒/ 玩食物,都會同佢講唔可以浪費食物,世界上有好多小朋友想食都無得食,不過對大頭妹來講,佢其實無 "概念" (都怪香港的生活太豐足)。

我: 要飲晒啲奶奶架﹗你知唔知道世界上有好多小朋友想食都無得食架?﹗
大: 爸爸媽媽買囉﹗
我: 佢地爸爸媽媽無錢買架﹗
大: 吓﹗佢地爸爸媽媽唔記得買呀?﹗佢地爸爸媽媽唔記得買雞食呀?﹗
我: ...... (食都無得食,仲想食雞?﹗)


其實我很少返工時間打電話返屋企 (應該是從來沒有),最近覺得大頭妹已經 3歲有多,但說話經常語無倫次,所以先兩日午飯時間會打返屋企同大頭妹傾返兩句﹗有一日:

大: 我同你玩吖,我地去公園吖﹗
我: 不過今日落雨喎。
大: 媽媽抹乾淨比我玩吖﹗
我: ...(唔通做阿媽,真係連公園清潔都要做埋?﹗)



事原因為上星期日去公園的時候,滑梯有少少濕,我叫大頭妹唔好 "SIR" 住,等我用紙巾抹乾先,所以佢可能覺得如果濕,媽咪抹乾就可以繼續玩囉﹗


同場加映小丸子,小丸子性格好古怪,佢好嗲,但又好惡﹗

佢會成日好嗲嗲咁爬係大人的大腿上面﹗

大頭妹好似好少會咁樣﹗


比佢攬一攬,個人即刻 LUM 晒﹗

HEHHEHE...其實大頭妹 "有時" 都幾惜妹妹架﹗(不過妹妹又唔領情)

大舊飯丸子﹗

2013年6月25日 星期二

FRUIT ART@TEAPOT



多謝飛媽的邀請,父親節正日,我地一家去咗 TEAPOT,參加<<餐前果x Fruitart Party>>學 FRUIT ART﹗今次的主角當然是水果啦﹗將水果變成各色各樣的卡通人物、動物、造型、fruitcake等,目的是希望培養小孩多吃水果的習慣。

好 慚愧,其實我唔係好清楚小丸子食生果的習慣,我只是不停買,要求工人姐姐日日比生果小丸子同大頭妹食,但就從來都無 "監察" 過﹗即是佢地有冇食,我都唔係太清楚,只係如果到我再買生果的時候,仲見到成雪櫃都係生果,先會問工人姐姐點解無比生果佢地食﹗以前得大頭妹的時候,我就 會日日問住姐姐食咗咩生果,食咗幾多,所以我見大頭妹都幾肯食生果,小丸子就真係差少少﹗

大家唔好睇小丸子大大隻,佢食固體食得唔係幾好,個日同 MANCENT 媽咪講起,原來 MARCUS一餐可以食 2碗粥,一日食 4碗架﹗小丸子一餐通常都係食半碗,以前大頭妹都食到碗半,所以如果食固體,其實佢食得少過大頭妹架﹗佢係飲奶叻架咋﹗

又見到 MANCENT,同笨C啦﹗

最近都成日見,一坐埋就一齊玩啦﹗


小丸子點解舉手呢?佢想要咩呢?

小丸子好鍾意畫畫﹗

之前飛媽問定大頭妹鍾意咩 CHARACTER,去到真係預備咗 MINNIE呢﹗

大頭妹自己揀的 PANDA﹗


仲有好多唔同做形的卡通人物﹗呢個我都唔識...我OUT啦﹗

玫瑰花做形的士多啤梨,最得女士的歡心啦﹗


太陽花菠蘿,真係睇見都想食﹗

西瓜雕成的花花蛋糕﹗


蘋果切成麥當奴薯條,小朋友最喜歡啦﹗

BELLE﹗
水果 BUFFET﹗

其實每種生果都好唔同的好處,我地真係要多食水果呢﹗

蘋果加巨峄車車﹗


大頭妹自己話要影相﹗

食完生果,老帥開始教我地 FRUIT ART啦﹗

原來個玫瑰花士多啤梨唔難整架﹗
之後阿旺就開始開工啦﹗


大頭妹都有幫手﹗

佢不停幫手抹 "拈板",睇佢抹得幾乾淨﹗



阿旺整嘅﹗

個朝比我剪咗髮的小丸子﹗

玩得好開心呢﹗


呢個小朋友就不停走來走去﹗
                       
如果大家有興趣,都可以去 TEAPOT 的 FACEBOOK PAGE睇下,佢地仲有好多唔同的手工藝班/ ART JAM 比大人同小朋友架﹗
https://www.facebook.com/TeapotHK

Related Posts Plugin for WordPress, Blogger...