2013年6月12日 星期三

小丸子戒片進度 - 1



之 前都有係 FB PAGE講過,我新的工人姐姐 (其實都做咗一年,都唔新啦﹗不過表現仲好 "新"...HEHEHEH...所以我仲係叫佢新工人姐姐),佢手脚慢,人又蠢,不過就好惜小丸子 (可惜唔惜大頭妹...),見天氣熱,小丸子又成日都會PAT PAT出紅疹,佢就自己自動波幫小丸子戒片﹗﹗﹗

其實我當時心諗,咁細個 戒片,13個月咋喎,但我當然唔會打沉佢啦﹗當你係老闆的時候,你下屬主動做野,你無理由叫佢唔好做架嘛﹗結果,第一日我放工返到屋企,間屋一陣 "壓" 味,成個窗口都掛滿小丸子的底底﹗當我以為佢第2日會放棄,佢一早係我房接咗小丸子就同小丸子去POTTY,然後就除片啦﹗

如是者已經 2個星期,我個工人姐姐仲好堅持,我都好佩服﹗咁到底小丸子戒片未呢?﹗


當 然係 "未" 啦﹗不過我發現佢已經好咗好多,一開始的時候有時每15- 20分鐘就瀨一次 (應該係一篤尿分幾次痾),到依家已然可以 1-2小時先一次,帶佢去廁所 WEE WEE的成功率,都有 50%以上,尤其係如果係小丸子自己 "主動" 行入廁所,成功率有成 70%以上﹗佢開始明白去廁所,自己成功咗,會自己拍手﹗依家仲 "巴閉",坐上TOILET之後要我地關門﹗上個星期六,一個早上 8:00到返 PLAYGROUP 12:00前,無瀨過尿,係 POTTY同 TOILET各 WEE WEE咗一次﹗




又再一次証明唔好睇小小朋友,我覺得同13個月的小朋友戒片,同我上次同 2歲的大頭妹戒片,好似差唔多﹗仲因為小丸子細個,覺得佢瀨尿係正常的,少咗上次大頭妹的 "血淚"﹗﹗﹗

提外話,今次戒片發現 "開奶茶" 係真係有 "利尿" 的功效,飲咗開奶茶個日,真係多啲尿架﹗﹗﹗

再提外話,其實小丸子好細個就開始用POTTY架啦﹗佢依家都係鍾意直接去TOILET,不過...我發覺...大頭妹用開的兒童廁板...小丸子...好似...就快迫唔落啦

沒有留言:

張貼留言

Related Posts Plugin for WordPress, Blogger...