迪士尼樂園「怪獸大學迎新日」

多謝迪士尼的PR邀請我地一家入去迪士尼樂園參加「怪獸大學迎新日」﹗上星期四，我同阿旺請了一日假，陪大頭妹同小丸子入去迪士尼樂園玩。其實星期六有另一場，不過小丸子要返 PLAYGROUP，大頭妹又要返唱歌班，佢地先 1-3歲，我已經發現我星期六好忙，大啲真係唔知點算﹗

我地今日的目的地 「怪獸大學」﹗

首先幫大頭妹同小丸子到「怪獸大學行政大樓」辨理怪獸大學的入學手續 (有入場卷/ 年票都可以影相，影相係免費的，怪獸大學學生證$40)，做返張 "怪獸大學" 學生證，成為怪獸大學生！之後可以係迪士尼網站下載畢業證書，慶祝怪獸大學畢業！

哈哈哈，我返屋企DOWNLOAD咗啦﹗小丸子牙都未出齊，就已經有大學畢業證書啦﹗

 

之後再一家人來個合照先啦﹗(多謝MANCENT爸爸影得我咁修長﹗)

等學生證的時候，小丸子要飲支奶，補充返能量先﹗

HEHEH...大頭妹話個PASS係佢的手袋﹗

個PASS有個位可以放頭先影的學生證架﹗大頭妹個張影得都OK，小丸子就無望鏡頭﹗

做完學生證就出發去 "怪獸大學" 的 CANTEEN (火箭餐廳) 食怪獸大學午餐盒啦﹗

今次仲出咗幾款唔同的夏日特飲 (美國大街餐廳先有架)﹗

扭眼瞓中的MONSTER丸子﹗

小丸子今日果然學到啲 "驚嚇絕技" 喎﹗﹗﹗扢鼻屎...都真係幾驚嚇...

豬腳丸子﹗


大頭妹好鍾意火箭餐廳呢﹗

限量版怪獸大學迎新套裝$238，包括怪獸大學學生證、怪獸大學午餐盒連大眼仔漢堡包，大眼仔杯墊及怪獸頸繩！

有阿旺係度，我咩都唔洗做，通常佢一個都搞得掂 2隻囡，我可以影下相﹗

今日好乖，肯自己食﹗

其實因為見到MANCENT都自己食﹗

食完下午茶，我地就去上由動畫藝術教室開辦的大眼仔繪畫班啦﹗

睇下大頭妹幾專心，唔知佢平時上堂係唔係都係咁專心呢？好似又唔係...老師話佢成日同同學傾計。

我老公...真係好 CHARMING，尤其係教囡的時候﹗

估唔到小丸子都好鍾意畫畫﹗

畫到成張紙滿晒架﹗不過唔知畫咩之嘛﹗


大家請叫我 "畢加丸"﹗

幾有大師風範？﹗

HEHEH...完的時候好多人拍手，佢以為人地讚佢...睇佢個樣就疑惑？﹗

媽媽畫的...畫得一啲都唔似嘅？﹗

之後仲食咗大眼仔綿花糖﹗

表情咁一致嘅？﹗

又扭計...

呢幅係爸爸同大頭妹一齊畫的，不過因為一開始我畫得個圓形太細，所以佢地隻大眼仔好細...

最後去商店街睇新出的 "怪獸大學" 公仔/ 服飾/ 文具﹗

開學可以買新文具啦﹗

睇下大頭妹幾肉緊﹗

佢好鍾意隻毛毛，佢好似對啲...唔友善的動物情有獨鍾...例如 TOY STORY的 LOTSO﹗

最後我地自己影下大合照啦﹗

之後我地再玩咗木馬﹑小小世界﹑咖啡杯，再食埋晚餐先走﹗原本想同大頭妹玩小飛象，不過太多人排隊，所以放棄咗﹗

如果大家想知道多啲怪獸大學的入學詳情，就去呢度睇下啦﹗