小丸子幼稚園大作戰

香港地真是一個壓力迫人的地方，小丸子先岩岩開始識行，就已經要諗定報幼稚園﹗經過大頭妹一役，更加明白唔可以掉以輕心。之前在 BLOG講過，沒有替大頭妹考 K1，之後成日都比人問我點解唔幫大頭妹考 "龍校"， 第一，龍校都不是話考就考到。第二，就算比大頭妹咁叻考到，之後 6年的學費 (大部份龍校都是私/直資小學)，又是另一個問題，如果得大頭妹一個都OK，加埋小丸子，2個一齊要比 6年小學的學費，條數都真是幾襟計﹗難怪好多朋友都話生一個就算，要將所有資源 "集中投資"﹗

講返幫小丸子預備考幼稚園，我地怪獸家長當然要 "參考" 一下幼稚園的排名啦﹗同大頭妹一樣，我唔打算比小丸子 "垮區" 考幼稚園，但又不致於 "求祈" 考屋企留下間屋村幼稚園，即是只集中考東區幼稚園﹗維多利亞太貴唔考慮﹗基於以上因素，原來我只需要幫小丸子報 3間幼稚園﹗
小 丸子有一個 "優勢"，就是大頭妹已經入咗 3間的其中一間，而大頭妹間幼稚園，好似是 "優先" 收兄弟姊妹的，所以小丸子可以算是有一間 OFFER。但是大頭妹個間都是 3間之中，唯一一間沒有學卷的，我當然希望小丸子考到有學卷的啦﹗不過又是名校，又有學卷，仲要是龍B，考到的機會都幾 "渺茫"﹗

3間都是 9月先開始報名，印象中都是 11月面試，到時再講下報名同面試的情況﹗

資料來源: http://www.hkpep.com/2013/images/Kindergartens.jpg