2013年6月11日 星期二

小丸子 KIDSQUARE第1堂 PLAYGROUP﹗



今個星期六,終於同小丸子上返 PLAYGROUP啦﹗之前上完 10堂CPDA,之後去咗 KIDSQUARE 試堂,之後一直都好忙,所以 SKIP咗幾個星期﹗﹗﹗其實上個星期六都差啲上唔到,阿旺爸爸公司明明係附近,但就日日都無上去報名。最後星期五,我打去留位,星期六上堂時先報名囉﹗﹗﹗其實我覺得一星期一堂已經好少,仲成日 SKIP堂,真係唔係幾岩囉﹗﹗﹗

上一次試堂已經覺得MISS HO 好好,唔單止教小朋友學習,重非常著重小朋友的紀律,而且仲會教埋我地家長點教小朋友﹗我以前都會覺得教小朋友無永遠的對與錯,只有適合/ 唔適合,但其實都會有一啲技巧嘅﹗我同阿旺都中咗招,我都想同大家分享一下﹗


今日的 TOPIC係 1-2-3﹗老師比咗 1﹑2﹑3 我地,叫我地教小丸子,之後分別放其中 2個數字係左同右手,再問返小丸子揀,結果小丸子 2次都揀中,阿旺爸爸話小丸子係撞彩,MISS HO都即時同阿旺講叫佢要信自己的小朋友,佢仲話一陣佢自己再同小丸子試,結果小丸子都真係揀岩咗﹗﹗﹗

之後到我同小丸子玩,今次小丸子揀錯咗啦﹗我同佢講 "錯咗啦"﹗之後課後總結的時候,MISS HO都話我做錯咗 (我先係錯果個...)﹗佢話我地今日課堂的目的是要教小朋友 1-2-3,唔係去否定佢,所以當佢揀錯的時候,應該教多佢一次,然後再比佢揀﹗MISS HO真係 "點醒" 我,我覺得對教大頭妹都好有用,我自己真係好重視 "對/ 錯" (怪獸家長特色嘛﹗),其實同佢講佢錯,對佢只會打擊自信,好多時我一話大頭妹錯,佢之後就唔會再做,所以真係要好好記住﹗﹗﹗我地無去影巨鴨,難得學校都有鴨鴨,第一時間去影相啦﹗﹗


一開始唱下歌仔熱下身先﹗﹗﹗


唱唱下...自己走咗去攞玩具﹗


我就好鍾意呢一個環節,每個小朋友要自己出去攞坐墊,要同老師講 thank you,細的小朋友當然唔識啦﹗不過老師都會教佢 "鞠躬",我見如事者幾次 (攞玩具﹑坐墊﹑教具),小丸子真係識自己 "鞠躬" 呀﹗


配合今日的 topic學數字 1-2-3﹗數下波波﹗


heheh...上堂之前唔記得換片﹗


上堂大約半個鐘的時間都要坐係坐墊上面架﹗唔比小朋友走來走去﹗


太耐無上堂,唔記得比佢瞓個早覺﹗


後半堂開始扭計,所以之後都影唔到相啦﹗


上 完 KIDSQUARE 先發現,雖然自己已經做咗 3年媽咪,但係教小朋友方面,仍然有好多不足,例如我覺得大頭妹紀律麻麻地,不過我地平時係屋企又無好好教導佢,尤其我地用工人姐姐的,小朋友真係好易變 港童,每日照顧小朋友嘅係工人姐姐,但工人姐姐係無責任幫你教小朋友,自己的身教真係好重要﹗我都要多多學習﹗﹗﹗

沒有留言:

張貼留言

Related Posts Plugin for WordPress, Blogger...