2日1夜生日之旅 - 外傳

我的愉景灣酒店生日之旅，因為影咗好多相，有啲係我手機，有啲係阿旺手機，有啲又係大機，仲整理梗，應該下星期有得睇架啦﹗今日睇住個外傳先啦﹗

話 說我其實仲約咗朗朗媽星期日一齊食LUNCH，順便比2個細的玩下，不過因為阿旺同小丸子坐SHUTTLE返市區，所以得我同大頭妹。其實愉景灣真是好岩 小朋友玩，我地買灣仔之前，其實都有考慮過愉景灣，應該是我有考慮過愉景灣，不過比阿旺否決咗，佢話交通費太貴，一日唔食，淨計坐船來回返工都要 $60 (我地當年睇樓的時候，船費是 $26，一個STUDIO FLAT是$100萬﹗)。今時今日住得市區太耐，已經一定唔會考慮啦﹗住過灣仔，我依家覺得太古都好遠﹗

我地去 ZAKS 食 LUNCH，我地叫咗一個 PIZZA，一客意粉，一個小食，埋單 $420，不過原來假日係PLAZA的餐廳食LUNCH滿 $100就有一張船飛，咁又幾抵喎﹗我地已經約咗朗朗媽下次一齊去沙灘玩﹗

ZAKS HOUSE SPECIAL PIZZA


CARBONARA是朗朗媽的推介﹗果然無介紹錯﹗

椒鹽魷魚

睇下大頭妹食到幾污 "租" ﹗

朗朗食野好乖，2次見佢都係自己食﹗


朗朗好惜細佬，食完魷魚好味，仲即刻拎比細佬食﹗


可惜細佬唔領情...HEHEHE...因為...朗朗太好服務，點完辣椒醬先比細佬食﹗


朗朗媽仲專登帶埋架滑板車比大頭妹試玩。

朗朗已經玩得好叻架啦﹗

大頭妹第一次玩，朗朗媽話佢一開始玩的時候，行得仲細步過平時行路﹗

睇朗朗表演啦﹗

大頭妹係後面睇到拍晒手﹗仲話 "嘩﹗佢好勁呀﹗"。

比女仔讚一讚，朗朗即時開行turbo啦﹗

大頭妹施展佢嘅 "凌波微步" ﹗

行得仲慢過平時...

都係拍下手算啦﹗

哈哈...大頭妹好鍾意架滑板車，好彩又無扭話要買，不過有個身痕的媽媽，想買比個囡玩下，我真係要忍下手，我唔想佢地咩都 "垂手可得"，有時做家長真係好矛盾﹗

最近當然要影返張大合照啦﹗

HEHEH...阿囡，你做咩笑成咁﹗


大家記得LIKE埋我地個FACEBOOK PAGE呀﹗