2013年7月24日 星期三

大頭妹第一次學溜冰@吃喝玩樂在 MEGABOX



好多謝 MEGABOX MARKETING的安排,
上星期日我 ﹑大頭妹﹑小丸子﹑大頭姨姨﹑大頭婆婆一齊去咗 MEGABOX 玩足半日呀﹗同場仲有天使媽媽一家,大頭妹好鍾意TOBIA呢,佢一向都鍾意同大過自己的小朋友玩嘛,佢係咁攬住TOBIA,連天使媽媽都話大頭妹咁熱 情...WAHAHAH...其實佢平時唔係咁架...不過一見到小朋友...就係咁...

今日的行程好豐富,第一站去 RAMAN CHAMPION食拉麵,之後去溜冰,大頭妹第一次學溜冰咋﹗之後影下今期 MEGABOX 的主題,是 WINNIE THE POOH呀 (我地最近話小丸子好似 WINNIE THE POOH)﹗最後去埋 PLAYHOUSE,大頭妹同小丸子玩到唔捨得走,玩到 3:00先走 (兩個仲要用好 "怨恨" 的目光望住我...)﹗大頭姨姨話佢第二日全身骨痛,問我帶咗佢去邊﹗HEHEHEHEH...我比大頭妹同小丸子訓練有素,我又無事喎﹗

11:00去到 RAMAN CHAMPION,大排長龍呀﹗好彩PR姐姐一早到咗排定隊咋﹗不過佢入面地方好大,所以都入得晒,不過到我走的時候,正值 LUNCH TIME,仲係好長龍呀﹗


落完ORDER之後,會有一個 "牌仔/ 機仔",拉麵 READY的時候就會 "著燈" (右上的一個就岩岩著燈啦﹗)。



唔好話大頭妹覺得新奇,我都覺得好新奇呀﹗



我同大頭姨姨一致覺得呢款最好味﹗應該話係最岩我地口味啦﹗

同上面個碗係同一款,不過呢款係 "健康多菜" 版﹗


大頭婆婆的﹗


我同大頭妹 SHARE食呢一款,佢自己一個人食咗半碗,好似有少少麻醬,好香口﹗


PR姐姐的﹗

佢扮野架咋﹗佢未識用筷子架﹗佢只係用筷子點醋食﹗

小丸子都有份食...所以特別生猛﹗


佢都食咗好多...我要餵大頭妹同小丸子...自己都無得食,佢地好醒呀﹗小丸子見我餵咗大頭妹 2啖,未餵佢就會叫架啦﹗邊個話細的唔識呷醋﹗


有免費冷熱綠茶提供﹗


食飽飽就出發去溜冰啦﹗睇下啲小朋友幾興奮﹗

原來TOBIA同ARTEMIS都學過溜冰架﹗之後我問 TOBIA可唔可以幫我睇住大頭妹,佢答我可以,仲強調佢學過 20次溜冰,今次係第 21次,有時同小朋友講野真係好搞笑又好開心﹗

HEHEHEH... 未著溜冰鞋之前仲好開心架﹗一著完發現行唔到,之後仲跌倒,就開始話唔溜冰啦﹗﹗﹗其實我之前已經不停同佢講,學溜冰一定會跌倒,叫佢唔洗驚﹗所以拿拿聲 買對手襪比佢,我見 TOBIA 同 ARTEMIS 好重裝備架﹗我仲比佢地問我點解咩都無預備添呀
﹗WHAHAHA...因為姨姨同天使媽媽好唔同...我只係個傻媽媽咋﹗

HEHEHE... 我都一齊入去溜冰,本來係想近距離啲睇大頭妹...結果...我一落場就想 "縮沙"啦﹗畢竟...我已經 20年無溜冰啦﹗真係足足 20年﹗其實我小六的時候學過溜冰架﹗之後我諗其實我仲識唔識踩單車呢?﹗不過為咗要做個好磅樣比個囡睇,我點可以 "臨陣退縮" 咁衰女呢?﹗


好彩大頭妹落到場,有教練睇住,都肯參與﹗




小朋友學野係快啲,我見 30分鐘落堂的時候,大頭妹都溜到幾下﹗



教練仲會教佢地點樣跌,同跌倒之後點起身﹗


阿囡...做人同溜冰一樣,最重要係學識跌倒之後點樣起返身﹗

玩完問佢下次仲溜唔溜,佢又話溜架喎﹗

HEHEH...跌倒都笑得咁開心﹗


落堂啦﹗同老師影返張合照先﹗

HEHEHEHE...可能我太慢啦﹗教練帶返我返去﹗


大合照﹗

之後帶小丸子去 9/F的育嬰室換片﹗地方好大,仲好 COLOURFUL﹗


設備仲好齊全﹗HEHEHE...我都係第一次用熱的濕紙巾﹗



仲有個好靚的 "餵奶室",好開心見到越來越多媽媽選擇餵媽媽奶,而商場的設施亦越來越好﹗


之後去影 WINNIE THE POOH啦﹗HEHEHE...要 4個小朋友一齊望鏡頭...好似無咩希望,同中六合彩三獎差唔多﹗


TOBIA好識擺 POST﹗


有冇覺得小丸子好似 WINNIE THE POOH,個肚腩同個傻樣都好似﹗


我都唔執書影返張先﹗







最後一站去 12/F 的 PLAYHOUSE,佢地岩岩係 7月12日係 9樓擴充搬上 12/F,佔地 1萬1千平方呎,係全香港最大的 PLAYHOUSE﹗




入面都分好多個區域,我最鍾意 LEGO區﹗





Ming &
Friends 迷你劇場
Ming & Friends 遊世界迷宮


真係好大地方﹗

HEHEHEH...小丸子第一次玩咁多波的波波池咋﹗


佢玩得好開心,玩到唔捨得走﹗


個 小朋友想攞小丸子玩緊個波波,佢將個波波收埋後面,然後合埋眼。因為平時大頭妹同佢搶的時候,搶唔到會打佢個頭囉﹗小丸子好大力架,如果佢唔放手,大頭妹 係唔會搶到佢手的玩具,不過會打/ 推佢囉﹗又好彩大頭妹唔夠力推跌佢﹗自從有 2個小朋友之後,真係習慣晒﹗通常小事我都唔會出手,如果打人就會叫停,然後叫打人個個道歉,最後要佢地握手﹗


所以我覺得有 2個小朋友係訓練佢地同人相處的最好方法﹗

得大頭妹一個的時候,邊有人同佢爭,咁可能一係會唔識 "讓人",又或者唔識同人爭﹗當然...最好就會學識 "一齊" 玩啦﹗


一個商場真係夠我地玩足一日,我仲未行 IKEA 同 AEON,童裝樓層都未有時間行﹗行埋真是食埋晚飯先走都得﹗不過因為之後要帶 2個寶貝去探姑婆,所以比佢兩個用怨恨的目光望住,我都要帶佢地走,下次再去玩過啦﹗好近爺爺嫲嫲屋企之嘛﹗又近姑婆屋企﹗

Mega Box: http://www.megabox.com.hk
Mega Ice: http://www.megaice.com.hk

沒有留言:

張貼留言

Related Posts Plugin for WordPress, Blogger...