型出個未來- 大頭妹篇

之前都有講過我帶大頭妹參加 KEN SIR的 "型出個未來"，睇下大頭妹熟於邊一種學習型 (分視覺/ 聽覺/ 觸感)，從而好好掌握教大頭妹的技巧。做完評估之後，評定大頭妹熟於 "聽覺" 學習型 。

聽覺型的小朋友原來係性格上相對較熱情，學習時間快 (但不代表聰明)，較有領導力，喜歡做管家，不怕嚕囌，喜歡說話，愛發問。KEN SIR話佢覺得三種之中，聽覺型是最難管教，因為佢地最叻 "選擇性失聰"。但讀書上，聽覺型是 "最著數" (唔計 IQ)，最重要是訓練小朋友的專注力，因為佢地可能聽到少少聲就已經分咗心﹗

最 令我開心的是，當日做測驗的時候，大頭妹一坐底玩唔夠 5分鐘，KEN SIR問咗我幾條問題 (都是學校有關的)，就話我揀岩學校，有 "專業人仕" 同我講我揀岩學校，真係好大鼓舞﹗後來 KEN SIR都有講返，因為大頭妹的幼稚園剛好就是著重兩文三語 (其實是三文四語，仲有日本語)，所以比較適合"聽覺" 學習型的小朋友。佢話聽覺學習型比較適合傳統大班教學，多啲小朋友一齊上堂，多啲討論都有助學習﹗

仲未戒食手指...我成日同佢講...4歲就唔可以再食啦﹗

heheheh...唔知呢隻豬又係咩型呢？﹗我估佢都係聽覺型多，等佢 2歲，又帶佢去做下﹗

大家記得 LIKE埋我地個FACEBOOK PAGE呀﹗