SHOPPING@BEBE DREAM

朋友的 BB就快出世，想買禮物送比朋友BB!上上星期日我同阿旺帶埋大頭妹去海港城行街，經過BEBE DREAM，就入去睇下! 之前大頭妹出世的時候，有好多朋友都係去BEBE DREAM買禮物比大頭妹架﹗

入到去店員都好專業， 對每個品牌的產品都相當了解，有別於大百貨公司，可能好多時服務員其實是個別品牌的推廣員，BEBE DREAM的店員可以中立地介紹合適的產品﹗有時真係要有多啲牌子比較下先知邊樣好嘛！

呢度都有幾多BB玩具，仲有好多開咗出嚟比小朋友試玩，當我四圍睇的時候，大頭妹就去左玩！

順帶一提，佢啲玩具大部份都是啟智玩具/ 布玩具，仲係日本進口，大部份都是適合3歲以下的小朋友。

呢度有好多款MINIMOTO的BB衫，同BB用品﹗毛巾被幾好用，相信好多人屋企都用緊，一來100% cotton，而且是通花的，唔怕會焗身﹗﹗大頭妹同小丸子都是用佢架﹗仲有 MINIMOTO BB浴盆，由大頭妹出世用到依家，啲膠仲係好靚，價錢是比其他牌子貴少少，不過就好耐用﹗

MINIMOTO 仲有出好多BB用的小配件，好似食物剪﹑BB車掛鉤﹑奶樽用吸管，產品細心又多樣化﹗好多日常生活既用品佢都有出，好符合到我地一眾媽媽既需要！

MUSTELA的產品十分齊全﹗我都買左支body lotion同 face cream比大頭妹同小丸子！大頭妹好多時都會敏感，呢個牌子佢用開，非常放心! 最重要係我都用得﹗我好鍾意佢嘅 BB味 body lotion架﹗

呢度連BB專用的 SPA PRODUCT都有﹗而家出世既小朋友真係幸福，細細個就可以咁嘆！

大頭妹岩岩唔見咗梳，即刻買返先﹗

呢度有好多唔同既小朋友梳，最後店員向我推介咗呢款，因為佢梳齒是軟身，就算比小朋友自己用，都唔怕佢地唔識用力，整親頭皮﹗大頭妹而家好多時候都要自己爭住做好多野，所以更加要小心比佢用既野！

仲有呢樣不得不推介﹗想當年我不知搵咗幾多地方先係 BEBE DREAM搵到岩心水的 "餵奶BRA"﹗

一般的內衣店都唔會有 "餵奶BRA"，但又唔知點解有啲專賣孕婦用品的地方，賣的餵奶BRA竟然有 "鐡線"，有鐡線好容易會導致乳線發炎架嘛﹗﹗﹗我當初幾辛苦先搵到個款又靚，又舒服的餵奶BRA﹗

就係呢個喇！！集功能與美觀於一身﹗仲有雖然ＢＲＡ唔係比人睇，但係好多都會係育嬰室餵奶，都想有個款式靚啲架嘛﹗

行行下比我見到好得意的牙膠﹗

HEHEHEH...真是好可愛﹗不過小丸子而家唔洗用，如果唔係我一定買比佢！

我買咗呢套玩具比小丸子，上次上PLAYGROUP見佢好鍾意﹗呢個係可以訓練佢手腦協調，又可以一次過教顏色﹑數字同英文字母﹗哈哈哈﹗益智的玩具永遠唔會嫌多嘛 (媽媽買野的藉口)！！

大頭妹同小丸子都是用 COMBI 餐具架﹗

其實屋企好多學習筷子，不過COMBI的有盒，方便帶出街，所以我又買咗﹗要比大頭妹快Ｄ學好用筷子！！

原來BEBE DREAM每個月都有唔同的優惠﹗咁就唔洗等BB展啦﹗

最後，我地仲買左個媽媽袋！款式同格數都幾好！入面有好多暗格，可以好方便就將 BB的用品分好擺放，咁推住車要攞野的時間方便好多啦﹗款式都好重要，一定唔可以老土，雖然叫媽媽袋，但好多時用果個都係爸爸嘛﹗

行完之後我地就坐船返屋企﹗原來咁樣返屋企好快，由尖沙咀坐船去灣仔，再轉 720﹗

又比大頭妹望下海﹗

同渡輪來個合照﹗

大家有興趣既就上去BEBE DREAM既網頁睇下啦: http://www.bebedream.com.hk/souce/c_index.asp

BEBE DREAM FACEBOOK專頁: https://www.facebook.com/BeBeDream.HK