2014年2月28日 星期五

初試羅麥記

星期一阿旺要考試,我同大頭姨姨 2人世界去食羅麥記﹗其實想試好耐,之前 groupon 有半價 coupon,不過我地買唔到,見好多人去食﹗最近終於好似少返啲人,可以去試下啦﹗之前食過一次早餐,我見大頭妹同小丸子嘅 feedback都唔錯,尤其是小丸子,一個人食咗大半個餐,仲要自己食,小朋友會自己食...即是好味...

今次叫咗麵包焗豬扒飯同奶茶紅豆冰,其實仲想試下個芝士撈公仔麵,不過驚食唔晒,好彩無叫,我地 2個真係連一個麵包焗豬扒飯都食唔晒﹗

十大必食之一: 奶茶 紅豆冰 (可轉咖啡)
好味道呀,我平時唔太飲奶茶,不過呢度嘅奶茶又真係幾好飲﹗
跟飯 + $25,單點就 $35,不過其實唔係太食到紅豆,下次加 $9飲凍奶茶都可以了。

十大必食之一: 麵包焗豬扒飯
我之前經過見到以為係麵包雪糕 (pokka cafe個啲呢),原來...係焗豬扒飯﹗
呢個真係好好味﹗份量超大,我同大頭姨姨 share都食唔晒,我見好多人都無食個包,真是有少少浪費,其實個包都好好味﹗

個飯都唔錯架﹗好乾身﹗

2014年2月27日 星期四

Happy Friday@夢見屋

阿旺今個星期要考試,整個 2月除了新年的時間,我地都什少出街晚飯,為免 "悶壞" 兩個小寶貝,上星期四都問阿旺星期五可唔可以出街食﹗出年小丸子讀埋幼稚園,可能連一星期一次 happy friday 都無埋...事關今日睇報紙話月入 5萬家庭都是月光族,我和阿旺又何嘗不是 (我們仲沒有月入 5萬),單計大頭妹學費加興趣班,就已經花掉 $6000,我依家明點解小朋友叫化骨龍...HEHEH...其實笑唔出...﹗到小丸子一齊讀書,兩個嘅學費加埋,真是等於供多層樓有多﹗

又比我講到出公海,講返餐飯先﹗我忽然想食西餐,平時都是食和民多,今日其實我想食 POKKA,不過星期五要等起碼半個鐘以上,小丸子可能已經拆咗 AEON,最後食旁邊嘅 "夢見屋" (唔洗點等位...)﹗

夢見屋嘅白汁意粉都唔錯﹗今次點了套餐,$75有意粉﹑餐湯﹑飲品﹗

hehhehehe...古靈精怪...原來在照鏡﹗

三文魚 PIZZA...好難食...

白汁烏東...都OK嘅...都係意粉好味啲﹗

餐湯是磨菇湯...難飲...

小丸子食野真係好恐怖...唔比人幫要自己食...

食完又去夢之島玩﹗

睇下小丸子笑得幾開心...咁媽咪唯有努力啲搵錢啦﹗日日出門口返工都扭計唔比我出門口...我唔返工...你邊有得去玩呀﹗

打波寧 (大頭妹叫法)

有爸爸係度可以玩籃球﹗

又玩 "扑傻瓜"﹗

最後玩直昇機...原來真係要轉個手制先會飛...今次小丸子坐機司位...全程都無昇起過...

回程行百佳買咗盒士多啤梨﹗




2014年2月26日 星期三

小丸子@Jolly Kingdom - KinderGenius 3


自 從小丸子轉咗去 Jolly Kingdom 上 playgroup,原來 3個月以來,阿旺一次都無帶過佢上﹗想當年大頭妹差不多一半以上時間都是阿旺同佢上,所以佢又比我話佢 "偏心",佢就話是咁岩得岩橋,因為大頭妹返playgroup時,我陀住小丸子帶唔到大頭妹上,佢先多機會同大頭妹上之嘛。

 上完堂我都有問返阿旺上後感,佢覺得上堂嘅流程都唔錯。一開始有 10-15分鐘 warm up 時間,因為班房比較大 (依家租金貴,好多 playgroup嘅班房都好細),小丸子可以自己玩下滑梯﹑tunnel﹑彈彈波﹗

Warm up 完就大家坐定定上堂,老師會先教天氣,再教英文字﹑顏色﹗教顏色嘅時候,老師會倒晒啲顏色波波出嚟,叫小朋友自己去執,次次呢一 part佢地都好興奮﹗之後又會再坐底唱下歌,同用棋子學寫英文字,最後圍圈唱 good bye song﹗


成日都有人問我上 playgroup 有冇用 (可能見我帶 2個囡上得多)?﹗

初 初同大頭妹上嘅時候,我都有同一個問題,咁細個小朋友上 playgroup,其實學咩架?﹗係唔係真係學到野先?﹗其實正正係因為自己唔識教,亦唔知小朋友嘅發展,先要上 playgroup﹗如果自己係教師/ 幼兒教育工作者,好了解小朋友嘅發展,覺得自己教都ok,當然唔一定要上 playgroup啦﹗而且...依家歲幾人仔就要 interview幼稚園,唔上 playgroup學返 "一招半式",interview 時真係蝕低啲﹗

2014年2月25日 星期二

親子入廚樂 - 芒果布丁

經常都會同大頭妹一齊下廚,當然會選擇一些安全又容易的食譜,仲要是大頭妹喜歡吃的,芒果布丁是最常煮的﹗不過今次都出了少少意外,但因為這個意外,意外令我發現,生活中不停少少少少的 "灌輸",小朋友是有慢慢慢慢學識的﹗

大頭妹最喜歡無印良品的芒果布丁﹗

這個要加入熱牛奶煮的﹗

其實我已經 "金睛火眼" 般望實大頭妹,但是忽然佢眼眨淚光望著我,話佢淥到手﹗

檢查一下沒有大礙,佢竟然自己話要 "敷冰"﹗可能因為有一次整啫哩時熱到手,我比佢敷冰,所以佢記得﹗其實上一次只是輕輕比熱水杯熱一下,敷冰只是想轉移佢嘅視線﹗

小丸子係都要幫家姐敷冰﹗

之後我以為佢唔敢再埋爐頭,結果佢話要繼續,慢慢將布丁溶液倒入啫哩杯﹗不過今次我唔敢影相啦﹗專心睇實佢完成佢嘅工作﹗


2014年2月24日 星期一

大頭妹@Jolly Kingdom - Jolly Phonics 3


眨下眼就上咗 3個月啦﹗已經完成咗 LEVEL 1嘅 STAGE 1﹗見到大頭妹都幾鍾意上,其實上堂撞正佢下午 nap time,不過同佢講要上 phonics,佢都會乖乖起身上堂,見到妹妹去上 playgroup又話要跟埋去﹗

 上次出完 blog之後有朋友問我點揀上 jolly phonics/ letterland,其實我都無特別研究架,不過大頭妹嘅幼稚園是教 jolly phonics嘅,為免佢混淆,又可以加強佢嘅記憶,所以我都幫佢報返 jolly phonics學﹗而且聽英國嘅朋友仔講,英國嘅小朋友都是學 jolly phonics架﹗

1月份開始上 stage 2啦﹗

其實我鍾意個課程除咗 PHONICS,仲會有其他練習做下,唔會太單調,小朋友上得開心好重要﹗

嘩﹗學到 dinosaur 咁深架嗱?﹗

http://www.jollykingdom.com/chi/

2014年2月21日 星期五

深井傅記@20140216

阿旺有好多表兄弟姊妹,上星期剛剛在英國的堂弟,和新加坡的表姐都回香港,所以就約出來吃飯,未人齊都有 13人,加埋小朋友有成 16人,真是 "大家族"﹗

講起來...我都是第一次去深井食燒鵝...今次點了一個 6-8人餐,再另外點了其他食物,8人餐有半隻燒鵝,蛋白蟹肉豆苗﹑西蘭花炒鮮魷﹑荷芹炒爉味﹑湯﹑魚,我地再加半隻,另外點了咕嚕肉﹑椒鹽鮮魷﹑ 椒鹽豆腐﹑椒鹽白飯魚﹑蝦醬豆卜鮮魷﹑炒芥蘭...呵呵呵...好豐富﹗人多食野有個好,埋單只是 $2000,每位 $154﹗

燒鵝...竟然好似新斗記好味啲﹗不過今次叫一隻,真是啖啖肉啦﹗

西蘭花炒鮮魷,小丸子食咗好多西蘭花﹗

蛋白蟹肉豆苗,好味喎﹗

ok啦﹗

我一向麻麻地魚...比咗少少小丸子食﹗

呢個good喎﹗

炒芥蘭都好味﹗

咕嚕肉都好味﹗

佢淮鹽係分開上...我成日點到太咸﹗

蝦醬豆卜鮮魷...原來我地都叫咗幾多鮮魷架喎﹗

椒鹽白飯魚...基乎點晒餐牌上嘅椒鹽,但估唔到個白飯魚最有驚喜﹗

連小丸子都食得津津有味﹗

小時候食飯嘅玩意,依家小朋友都係玩 ipad多,不過我盡量唔比佢地食飯時睇﹗

男士們...你地話你地 ready做老豆...咁你地睇完大頭妹點對阿旺先講啦﹗
話說阿旺從來唔比人搞佢個頭 (當然包括我)...連佢嘅表兄弟姊妹都睇到目瞪口呆﹗



天氣一凍小丸子就面紅紅﹗

佢今日好乖,全程自己食,食咗半碗飯,加成碗餸,食完仲自己抹餐具收返好,比個叻佢﹗

呢幅見到佢抹餐具啦﹗





2014年2月20日 星期四

年初二 - 第一次做大廚



hehehehe...出返個 "blog底貨",新十五都過埋,先出個年初二嘅 blog﹗不過一定要出返,因為今次係我第一次 "負責" 開年飯,hehehe...好有紀念價值﹗其實自從嫲嫲唔係度,媽咪又無再做節,相對阿旺家新年由年初一食飯食到初九都仲有得食,我地屋企明顯無咩節目氣氛,其實我唔介意煮架﹗今年係突然 "慶起"話買餸煮飯,只是煮咗啲家常菜,希望出年會預備得好啲啦﹗

薑蔥蠔,表姐夫係流浮山人,啲蠔係佢新鮮早上係蠔田嘅收穫﹗

蓮藕炆腩仔

盤菜,都是表姐夫係流浮山帶出來的﹗

蝦仁炒蛋,我都係第一次炒 10隻蛋﹗之後...覺得自己蠢咗,我應該分開 2次炒,每次炒 5隻,會易啲掌握﹗

三色椒炒牛柳粒

螺片豆苗

紅酒

仲有條蒸魚...唔記得影相﹗

小丸子最愛吹爉燭,會次都爭住吹﹗heheh...今日有 3個小朋友,1人1支﹗


Related Posts Plugin for WordPress, Blogger...