2014年4月22日 星期二

一家四口台北之旅- DAY 1 (上): 台北車站﹑北投﹑北投春天酒店

2014年 4月 11日 (星期五)

對上一次去台灣已經是 3年前,大頭妹才 1歲,今次襯小丸子未夠 2歲,仲可以買 BB機票的時候再去旅行,其實 PLAN咗成 1年架啦﹗我地上年已經用 ASIA MILES 換了我和阿旺的機票,仲要是復活節黃金假期﹗就是因為就小丸子,改成早一個星期去,結果...原來短線機,BB和小童機票只是差 $600﹗但是我和阿旺都要請假,大頭妹要逃學...HAHHAHA...完全計錯數﹗好彩之後阿旺公司復活節假有 EVENT,佢原來復活節假要返工囉﹗

先講講今次行程的洗費,大頭妹小童機票 $1600,小丸子 BB機票 $1000,3晚酒店分別是: 北投春天 $1700/晚, 神旺酒店 $1250/晚,在香港換了 HK$4000 (有 NT$15100),最後在機場簽了 $400卡,總數大約是 $11200。 其實真是沒有計過,買自由行 PACKAGE 會更抵嗎?﹗


行程: 香港- 台北機場- 台北車站- 北投- 北投春天- 淡水- 酒店

 同上次一樣,訂了 10:00AM的飛機,7:30AM 出門口,去台灣之前已經不停同大頭妹講,去旅行要自己行,上次去新加坡的時候,因為在郵輪,又因為有爺爺嫲嫲,相對唔洗點行,又有多 2對手抱,今次我地 2大 2小,1大 1小行李,再加車仔,真是無手抱啦﹗

不過好可惜,只是去等巴士去香港國際機埸的時候,大頭妹已經開始扭抱﹗

比媽媽訓話完,個樣無晒心機,有時我都唔想咁惡,明明開開心心去玩,都要比人訓話﹗

可能因為早起,小丸子一上車就瞓,但我想你上飛機先瞓喎﹗

大頭妹去到機場已經超興奮,所以人地話小朋友 3 -4 歲先帶佢地去旅行,太細個去根本都唔識﹗就好似小丸子...佢只是以為自己去 "柴灣",教佢講 "台灣" ,佢次次都是講 "柴灣" ﹗

HAHAHAH...幫手搬行李﹗

等 CHECK-IN的時候又自己睇報紙, 4歲人仔都未夠,識幾多字?﹗學人睇報紙﹗

入閘後阿旺怕 2個囡一陣肚餓,即刻去食早餐,已經唔記得幾多錢,只是記得大約是 "好過去搶" 價﹗

出發啦﹗

今次訂小童/ BB機票的時候好好,CX 的 STAFF主動幫我地 MARK 位,原本我地用 ASIA MILES 換飛是無得 MARK 位架﹗點知 ONLINE CHECK IN的時候先發現阿旺被調走咗,但佢地的 STAFF好 HELPFUL (是我的 BLOG友仔),幫我搞返好個位﹗真是要再講多次唔該晒 (如果你有睇我的 BLOG的話)﹗

小童餐...大頭妹出奇地食晒﹗

小丸子去程時都有 BB飛機餐,不過佢要食我個炒麵﹗

出發前 1日先記得要買定啲小玩意/ 零食比佢地打發時間,最後在 $12店買了一個小畫板,另外再買多 1 SET筆﹗我想話真是非常非常幫得手﹗﹗﹗仲要只是 $24﹗

以往的習慣都是去到台灣的機場才換錢的﹗今次因為帶住 2個囡,一早在 "百年" 換了台幣,結果好開心,百年個 RATE又好啲 (3.78),去到台北機場 (3.73,仲要NT$30手續費)又見找換店大排長龍,即刻覺得自己在百年排了 30分鐘都是值得﹗﹗﹗

今次坐國光巴士去台北車站 (總站),再轉捷運去北投,單程台幣 $125。其實應該是去民權西路站才對,不過因為我地一去到就見到架去台北車站的巴士,仲要話 5分鐘之後就開,之後阿旺一支箭跑去買飛,我都同唔切佢講,應該買最快出發去民權西路站的巴士飛。

第一,由機場去民權西路是快過去比台北車站。第二,民權西路站比台北車站近北投,好似差 2-3個站。第三,台北車站是大站,入去轉車行都行得耐啲。前後應該可能差咗 1個小時啦﹗我睇返上次個 BLOG,我話 2:00就入到北投,今次差不多 3:00先到﹗


去到台北車站,叫阿旺去買電話卡,怕去到北投很難找,結果...小丸子等得唔耐煩...要發惡啦﹗

大頭妹就幾時都咁乘﹗佢除咗唔食野,其他大部份時候都好乖架﹗

HEHEHEHE...之後出動動物餅 "制伏" 小丸子﹗

真是抱唔到大頭妹架啦﹗但原來 BB車可以咁企,今次行程好多時都是叫佢企車仔﹗

最近係 FACEBOOK 見到原來日本有啲專比小朋友企嘅 BB車 EXTENSION,真是幾好,日本人真是創意無限,早啲見到就買咗去台灣用啦﹗

去到北投站一出轉右,就是春天的 SHUTTLE BUS STOP啦﹗

酒店 WEBSITE 有 SCHEDULE,可以 PRINT定出嚟,去到再自行決定坐 SHUTTLE 定 TAXI,坐 TAXI就大約 NT$130,因為 SHUTTLE 1小時 1班車,走咗車都有排等﹗

我地剛好只要等 5分鐘﹗當然坐 SHUTTLE啦﹗

其實上次去台北都有去北投,當時已經想訂北投春天,不過酒店 FULLY BOOK,要 HK$2700一晚都未知訂唔訂到,所以最後訂了 "水美溫泉會館",今次一早就電郵去酒店訂房,今件的價錢平了很多,只是 HK$1700/ 晚,但原來比上其他酒店網站/ 旅行社貴﹗因為我要 2大2小房,上 HOTELS.COM 顯示唔到,又唔敢訂 2人房,怕我地一陣 2大 2小去 CHECK IN 會有問題,但是到我們 CHECK IN時,發現我地的房間都好似只是 "有偏廳的 2人房",得一張大床,職員 email 有問我要唔要 BB床,不過...即是訂 2人房都可以 2大 2小入住?﹗咁我咪蠢咗囉﹗

如果大家將會去北投,都可以睇下我之前個 BLOG架,介紹咗好幾間北投的溫泉酒店,當然除咗我入住的一間,其他只有外部的相啦﹗不過都可以了解下個 LOCATION﹗

一入房有個玄關位。

旁邊有個小偏廳。

之後就是大床啦﹗


浴室真是比水美的豪華,上次去水美的時候,覺得 $1700/晚,以內部計不太值得,今次就會覺得都合理嘅﹗但水美的 LOCATION真是超好 (新北投站行 5分鐘內就到,附近又熱鬧),今次我都同阿旺不停討論,如果下次再去北投/ 如果有朋友問,住水美/ 春天好 (價格差不多)?﹗最後都沒有結論﹗



因為春天的 FACILITIES 比水美多,今次我 BOOK春天的原因都是因為佢地個露天溫泉﹗呢PART只是 1/4 - 1/5,是小朋友區,是暖水來的﹗入面有其他人在浸溫泉,所以我沒有影相啦﹗

下篇 BLOG講到去淡水﹗大家記得留意呀﹗


大家 LIKE咗我地個 FACEBOOK PAGE未呀?﹗未就快啲 LIKE啦﹗



8 則留言:

  1. 好似好好玩, 諗緊下次會唔會去台灣呀!

    回覆刪除
    回覆
    1. 我覺得台灣都算係好適合帶小朋友去的地方﹗

      刪除
  2. 住一晚溫泉酒店..都夠時間玩嗎...我都係諗緊依兩間酒店...如春天..咁你地幾餐喺邊度解決..? 同附近係未連便利店都無架..?!!

    回覆刪除
    回覆
    1. 係呀﹗春天係山腳上面,行落少少都好似有一間coffee shop,酒店入面啲野亦唔係天價,不過水美就真係好方便,正正酒店下面有 starbucks,有頂好 (惠康),仲有 n咁多餐廳﹗捷運行過去只是 5分鐘以內,出去玩都方便好多﹗而且春天亦唔係 "傳聞" 中豪華,可能始終唔係 international brand,所以真係要睇下你會唔會浸佢個露天溫泉﹗

      刪除
  3. 我之前都去過呢間溫泉酒店住,真係唔錯呢!

    回覆刪除
    回覆
    1. 酒店是不錯,可惜location不方便,而且有啲貴﹗

      刪除
  4. 我都想7月同我大女去TW, 兒童台證可ONLINE辦嗎?

    回覆刪除
    回覆
    1. 你意思係台証?﹗可以呀﹗我地都係 online 申請咋﹗

      刪除

Related Posts Plugin for WordPress, Blogger...