2013年4月25日 星期四

小丸子 1歲健康院檢查 + 打針



2013年4月19日 (星期五)

小丸子生日正日帶佢去健康院打針,比大頭姨姨話我安排失當
,其實是"天意",之前搵師傅幫小丸子改名,佢話小丸子唔可以慶祝生日,之後我有問朋友如果慶祝又點呢?朋友話...會病囉﹗呵呵呵...打完針咪發燒囉...我只是順應天命啫...我到依家都覺得,唔可以唔慶祝生日囉﹗﹗﹗雖然最後我都只是好低調咁入迪士尼慶祝就算﹗﹗﹗

講返個健康院檢查先﹗今次體重終於合格唔洗再減肥啦
(唔怪之得個個都話小丸子瘦咗啦)﹗其實佢都是 97%線 (10.8KG),身高就 90%線 (77CM),不過同之前體重超 97%線好多 (120%線...我自己作的),而身高只有 50%比,已經叫做減肥成功啦﹗哈哈哈...可以比返足奶奶佢飲啦﹗

見 護士都是問簡單的問題,開始食飯仔未 (唔係好識食)?﹗識唔識用手指拎野 (識,食星星餅學返嚟),識唔識放野 (識),識行未 (未)?﹗開始學講野未 (我覺得算識幾多架啦)?﹗小丸子識講: 媽媽﹑爸爸﹑嫲嫲﹑家姐﹑姐姐﹑打﹑MUM MUM﹑奶奶﹑唔好﹑NO﹑跟我講過幾次 JANICE。試過一次飲完奶好清楚咁同我講 "唔要啦",我同大頭姨姨都一齊聽到...但阿旺話係我地幻聽,又話係唔係大頭妹講...到依家都係一個瞇﹗

1歲要打 2針...喊得好陰公﹗


呢個樣真係好可憐...
等食通粉﹗

睇 返小丸子 5個月的時候的相...又真是誇張咗少少嘅...出街成日比人投以奇異的目光,我試過偷聽到有啲人話佢好似就快 "爆開" 咁 (唔止一次),又話洗唔洗比咁多比bb食...其實佢頭 3個月都是食媽媽奶,我仲埋身餵,佢食幾多是自己決定嘅...我都唔知點解...


6個月已經同家姐一樣size﹗

不過其實佢食野無大頭妹咁叻 (講返大家都係 6個月的時候)
。就算bb的時候埋食餵,小丸子都是食 20-30分鐘,大頭妹可以食足 40分鐘﹗其實是吸唔吸收的問題﹗


之前意圖想幫小丸子每一個月同隻 KITTY影一次相,不過失敗咗,只是 1﹑2﹑3﹑6﹑9個月的時候影過﹗

100日的小丸子﹗


小丸子 5個月﹗


小丸子 1歲﹗


睇返岩岩出世的小丸子...覺得就好似係噚日的事...原來已經 1歲﹗


小丸子,I LOVE YOU﹗

沒有留言:

張貼留言

Related Posts Plugin for WordPress, Blogger...