麥當勞開心樂園餐 x Super Mario 好玩開心聚餐

前個星期六，我地一家 (呀...其實無阿旺份) 應麥當勞公關公司邀請，出席麥當勞開心樂園餐的歡樂聚餐呀 (多謝國皇一家的介紹)﹗今期開心樂園餐的主角是深受歡迎的電子人物 Super Mario呀﹗﹗﹗

大頭妹呢個年紀的小朋友可能唔係好識 Super Mario，但是我地呢啲 70/80後家長，就由細玩 Super Mario大，由任天堂紅白機，打到 game boy，當年真是打到 "廢寢忘餐"，所以今日都好興奮﹗

今次總共有 8款玩貝﹗包括瑪利歐﹑碧姬公主﹑耀西﹗有啲仲 "暗藏機關"，又或者有 "可愛印仔"﹗小朋友一定會鍾意﹗今次好多謝麥當勞，送晒一套 8個玩具比我地呀﹗

heheh...又係佢地 3個﹗男女男...唔會嬲，仲好開心﹗

點解一圍埋...就要跳呢？﹗小朋友真係有用唔盡的體力﹗

開心樂園餐特別設計成 『1+2+3』，有主餐﹑配餐和飲品，令小朋友明白均衡飲食的概念﹗飲品仲可以揀: 優品豆漿﹑高鈣低脂牛奶﹑荳奶﹑橙汁﹑熱朱古力和利賓納。

每次參加麥當勞的活動，都會安排好多活動比小朋友玩，今次是自己設計 Super Mario 切圖﹗

大頭妹都油得唔錯﹗

2個小朋友都好比心機油...不過小丸子個張...係白紙...又比人呃啦﹗

HAHAHAH...睇嚟大頭妹對自己的作品好滿意﹗週圍 show比人睇﹗

MARIO 出場...點解會係大頭婆婆笑得最開心？﹗都話 Super Mario係大人細路都咁鍾意架啦﹗

全場小朋友即時好開心﹗衝晒出去同 Mario握手﹗

最後仲有得同 Super Mario合照呀﹗大頭妹好開心﹗小丸子有啲驚，可能真係大個囡啦﹗以前都唔驚呢啲大公仔架？﹗

大頭妹 + Super Mario

大頭妹 + 婆婆

最後當然唔少得大大大合照啦﹗﹗﹗

由 5月 16日起，食開心樂園餐，就可以帶佢地返屋企啦﹗又或者買任何套餐 (醒晨套餐/ 開心樂園餐除外)，加 $8 換購一款﹗

唔講唔知，原來麥當勞每售出一份開心樂園餐，會捐出 $0.1比 『麥當勞叔叔之家慈善基金』架﹗有得食，有得玩，仲可以做善事，真係一舉三得﹗

大家 like咗我地的 facebook page未呀？未就快啲 like啦﹗