2015年12月28日 星期一

靚媽週記[新髮型]

其實一個人的髮型真是好影響外表,可惜我真是沒有時間好好打理。每次染淺頭髮時,都深信自己有時間去keep,但我通常 3-4個月先去一次髮型屋,所以次次都失敗!其實自己知自己事,基本上已經唔會考慮電髮,最多做負離子整齊啲,但我髮量少,都唔敢做太多,聽聞好似是最傷頭髮,所以...又染返深色囉﹗

最近立志做返個靚媽,希望我個靚媽週記今次可以復活得耐少少啦﹗

2015-12-16
買咗支新眉筆,終於畫到滿意的眉啦!我覺得化妝最難是畫眉,要做到對稱都好有難度!



2015-12-17
最近又鍾意畫返深色唇,望落好似精神啲!

2015-12-18
哈哈...放假終於有時間去剪髮同染髮啦﹗

2015-12-19

2015-12-21
冬天衫好似日日都黑忟忟,用返條粉紅粉紅 scarf﹗

2015-12-22 (冬至快樂﹗)
哈哈﹗前一晚行街買咗新衫﹗
top: Global Work/ pants: Lowrys Farm 



2015年12月26日 星期六

中山紀念公園@20151226



今次想介紹一下港島區的野餐聖地 - 中山紀念公園﹗我好鍾意帶小朋友去野餐,因為我好鍾意靚靚的野餐盒,哈哈,講笑講笑,因為我好鍾意比小朋友接觸一下大自然,而且我其實好贊成小朋友應該『平有平養』,我都希望可以發掘多啲唔洗用太多錢,但小朋友又鍾意的活動﹗

中山紀念公園係西營盤東邊街北,佔地約4.1公頃,公園的主要設施包括1個七人足球場(人造草)和2個籃球場,仲有一個大草地,同埋公園,旁邊就是中山紀念公園體育館,小朋友要去洗手間都好方便 (其實我去郊外,最怕要帶小朋友去洗手間),所以呢度真是好岩小朋友玩架,地點又方便,無論自己揸車,定坐地鐵都可以﹗

聖誕節約了小丸子的同學來個 picnic party,每個家長負責預備少少食物,我地整菠蘿腸仔,又易整,小朋友又鍾意食,不過今次發現原來好多大人都鍾意食,因為大個咗都好少會食,特別珍貴。

另外有家長帶了壽司﹑cupcakes﹑生果,真是好豐富呢﹗

大頭妹好鍾意食菠蘿腸仔啦﹗

小丸子見到靚靚 cupcakes,即刻又食啦﹗

小丸子永遠都唔會執書,邊度有野食,邊度就會見到佢﹗

食飽飽呢﹗中山紀念公園草地的另一邊仲有一個公園,小朋友又可以玩餐飽啦﹗

公園的範圍唔算大,不過夠小朋友玩啦﹗

一齊坐火車﹗

哈哈﹗找亮點﹗
(答案: 腳離地,佢實在太多精力﹗)

回帶返返去早上,教埋大家整菠蘿腸仔﹗我見好多媽媽話唔識整,其實好簡單,我知有人會買罐頭腸仔,完全唔洗煮,不過其實都可以買我地平時食的打邊爐芝士腸,有款是蜜糖雞尾腸,好似打邊爐咁煮完,拎返出嚟放涼,用顏色牙籤將菠蘿同腸仔拮埋就 ok啦﹗


菠蘿可以一開 6/8都ok,小朋友食就8啦,容易啲食。

另外仲整咗個新雜果沙津,有蘋果﹑芒果﹑奇異果﹑士多啤梨﹑火龍果﹗

溫馨題示: 其實香港唔係太多公園適合野餐,而且每個公園,就算都是康文署,其實都有唔同規則,就好似比唔比用帳篷,所以去野餐,除咗帳篷,最好都帶定野餐蓆。

交通: 西營盤港鐵站 A2出口
中山紀念公園: http://www.lcsd.gov.hk/tc/parks/sysmp/index.html

2015年12月24日 星期四

結婚週年晚餐@20151213 (附忌廉蘑菇湯食譜)



2015-12-13 (星期日)

結婚週年的正日,留返係屋企慶祝﹗眨下眼同阿旺就結婚 8年?﹗唔係應該講下啲肉麻野?﹗什麼好似初相識時咁愛對方,多謝咁多年來的照顧?﹗哈哈﹗老實講...近年真是將心機放晒係 2個囡,都好少 2人世界,原本今年想出去慶祝,有諗過去迪士尼酒店住一晚,又有諗過去澳門,不過因為工人姐姐突然辭職,最近真是身心俱疲。

阿旺又開始讀書,老實講...我好怕佢讀書,一星期返 2晚學,我就已經要自己頂 2晚 1打 2 (就算有工人,我係屋企 2個囡係唔比工人掂,尤其是小丸子),讀書唔多唔少都有啲壓力,平時好好 eq 的阿旺,又會變得好燥。唉﹗不過搵食艱難,仲要捱多 2年先讀完﹗


好耐無出過食譜,發現自己好似無寫過蘑菇湯,今次我用咗 "牛肝菌",所以寫下啦﹗

忌廉蘑菇湯
材料: 白蘑菇 1盒/ 啡蘑菇 1盒/ 牛肝菌 30g/ 洋蔥 半個/ 雞湯 適量/ 忌廉 3湯匙/花雕酒 2湯匙/ 蒜蓉 2瓣

做法:
1.  洋蔥切絲,蘑菇切片/ 粒,牛肝菌先用水浸15-30分鐘 (記得要留返啲水呀﹗)
2. 鍋中加入牛油 (1湯匙) 先炒洋蔥至軟身,加入蘑菇片炒至收水 (炒蘑菇是會出水的)
3. 再加入蒜蓉﹑牛肝菌略炒,可以加少少酒 (花雕都ok架啦﹗)
4. 等酒精揮發之後,加入浸牛肝菌的水,雞湯加至浸過所有材料的高度,一般都唔會多過 1盒 1L裝,中火煲 15分鐘,調味 (其實用咗雞湯就唔洗加鹽,加少少胡椒粉就OK),熄火,待涼 (又唔洗凍晒,又唔好太熱囉)
 5.  用手提式攪拌器打蓉蘑菇,再加熱,滾起就可以再加入忌廉啦﹗

步驟 2:

步驟 4:

步驟 5:

慶祝結婚週年買塊靚少少的扒,不過其實都是 $200幾,其實食扒真是係屋企食抵食﹗

影下阿旺煎扒個樣...

$200幾...又真是唔同啲喎﹗好味過平時 $70幾既好多﹗

阿旺的 MEDIUM

我的 MEDIUM DONE。

佢仲預備咗羊扒比自己﹗

我叫佢買栗子蛋糕,我要三角形個啲...點解會變成咁...佢話呢個都是三角形,我話呢件是 tart...根本唔係蛋糕...

大家LIKE咗我地個 FACEBOOK PAGE 未呀?未就快啲 LIKE 啦﹗



2015年12月22日 星期二

做冬【潮庭】@20151219



2015-12-21 (星期六)

今年娘家做冬,我地第一次去潮庭 (住咗係太古 5年先第1次去)﹗上次同同學媽媽一齊飲茶,覺得唔錯,今次試埋晚飯﹗我地無叫套餐,做節又唔洗一定要食翅 (其實可免則免啦﹗),散叫反而好抵食,我地叫咗滷水鵝片﹑滷水雙拼﹑杏汁豬肺湯﹑咕嚕肉﹑蠔餅﹑蠔仔肉碎粥﹑瑤柱蛋白炒飯﹗  大頭婆婆最後埋單話都是一千多?﹗可能加上我地叫咗 2個餸無嚟﹗比我想像中平﹗因為美心集團茶錢都唔平嘛﹗今年可能市道唔好,其實有龍蝦﹑有翅的套餐都是 $2888咋,加埋一都是 $3000頭,往年真是街坊酒樓都唔止呀﹗

前菜,我地成 6個大人 3個小朋友先一碟,ok啦﹗唔呃錢﹗而且佢呢度個前菜都好好味﹗

我點鵝片,唔知點解嚟咗雙拼 $148?﹗

再叫多一碟鵝片 $118﹗因為本來想叫的炸子雞,竟然賣晒﹗

杏汁豬肺湯 $138/例,呢個真是好抵,為咗佢...我下次會再嚟﹗一煲都分到足 6碗,仲有 2細碗比大頭妹同小丸子﹗小丸子飲到 LAM LAM 脷,係咁 "筆" 我個碗,佢真是好識食﹗

蠔餅 $95,不是脆身的一款﹗阿旺話我以前娘家樓下的街市檔好味啲﹗

蠔仔肉碎粥 $108/例,呢個味道唔錯,我平時麻麻地,今日覺得好味﹗

菠蘿咕嚕肉 $95,味道正常,無特別好食/ 唔好食﹗

瑤柱蛋白炒飯﹗

遲訂位 (個朝先訂),只有門口位,唔係幾夠冷氣,小丸子塊面好卜卜﹗

同婆婆合照﹗

三姐妹同媽咪合照﹗

祝大家冬至快樂﹗

大家LIKE咗我地個 FACEBOOK PAGE 未呀?未就快啲 LIKE 啦﹗

2015年12月21日 星期一

慶祝結婚週年Greyhound@20151212

2015年 12月12日 (星期六)

哈哈...今日同大頭婆婆同大頭姨姨一齊慶祝我和阿旺的結婚週年﹗原本想試試新開的 School Food,不過遲了出門,要等好幾十張枱,去 Greyhound 碰碰運氣,等了大約 10分鐘就有位了,帶著 2隻馬騮,當然揀不用等位的啦﹗

上次我和 Mandy ﹑Gill 來吃過一次,印象不錯,只是無論訂位/ walk-in,都是限食 1.5小時,如果是要慢慢吃,和朋友傾下計的,其實不太合適﹗

雖然好多人話唔好信 openrice,不過 openrice 入面的推介菜式,其實都信得過﹗個炸薯角好好味﹗

炸雞翼都好好味﹗都是 openrice 推介菜式﹗

上次食過幾好味,今次再食都是好味,不過因為辣,大頭妹小丸子都唔食得﹗

呢個中伏...我沒有想過 "芝士蕃茄火腿長通粉" 都會中伏?﹗不是不好味,而是味道怪怪的,是 fusion嗎?﹗我真是不懂欣賞,我覺得是有好重的 "美極" 的味道?﹗最後...大頭妹小丸子都沒有吃...


炸物似乎是 Greyhound 的名物﹗這個炸軟殼蟹墨魚意大利麵好味道呀﹗不過因為麵條黑黑的...大頭妹小丸子又唔肯食...

呢個...以佢地的價錢來講,個份量真是少得可憐,好似是 $72?﹗

來 Greyhound 都是食 Crepe cake 啦﹗起碼其他泰國餐廳沒有﹗

最後總結...下次如果我帶大頭妹小丸子出街食,係唔可以揀 Greyhound...仲諗住都幾好味,可以有多個選擇﹗


大家LIKE咗我地個 FACEBOOK PAGE 未呀?未就快啲 LIKE 啦﹗

Related Posts Plugin for WordPress, Blogger...