傻夫婦一家四口生活日誌: 80後傻夫婦國皇芝士餅豬仔飽 GATHERING

2015年1月2日星期五

80後傻夫婦國皇芝士餅豬仔飽 GATHERING

2014年 12月 7日 (星期日)

睇個 BLOG TITLE (80後傻夫婦國皇芝士餅豬仔飽 GATHERING) 都知今日好熱鬧，HEHEHE...有幾多個讀者有睇晒我地 4個 FAMILIES 的 BLOG？﹗

芝士餅之前病病豬，依家已經慢慢康復，我約埋大家一齊去探芝士餅，唔講大家可能唔記得，大頭妹同芝士餅 PN 時是同學呢﹗今日本來想去 PICNIC，但我地好似同 PICNIC 無緣，上個星期約的時候明明天氣好好，今個星期天氣就忽然轉冷，仲話會落雨。我就諗有咩節目，係室內唔怕落雨，又可以坐得耐呢？﹗有諗過飲茶，不過又坐唔耐。去 PLAYHOUSE，又怕地方唔乾淨，始終餅餅岩岩先病好。再諗下酒店 TEA BUFFET都好喎﹗打去 FEAST 問下有冇位啦，又有喎，仲要原來 5歲以下都免費，我地 8個小朋友都 5歲以下，咁咪好抵？﹗問完個個都OK，就即刻 BOOK 位啦﹗HAHAHAH...不過就要朗朗媽長途跋涉去太古啦﹗我地 80後傻夫婦國皇 GROUP，終於玩完一個圈 (自己屋企附近)，下次去邊度好呢？﹗

我地今日 4個 BLOGGER FAMILIES，6 大 8小玩轉鰂魚涌公園，之後再去 FEAST 食 TEA BUFFET﹗HEHEH...佢地話酒店下次會 BLACKLIST我...6大 8小的威力真是非同小可...HAHAHAH...下次叫我老公 BOOK 囉﹗

小丸子真是好 "活潑"﹗

一下唔留神，已經爬到好高。

我通常都是不近不遠咁望實，比佢自已玩﹗

小丸子飛腿﹗唔通...佢真是 "洪金寶"﹗

小丸子鍾意打韆鞦﹗不過其實我有少少擔心，因為見唔到家姐，家姐又唔肯一齊打韆鞦，要同 MANCENT 同朗朗玩，最後比小丸子玩咗一陣就要去搵家姐啦﹗

之後比小丸子發現麻雀食蛋糕...

佢睇咗好耐﹗唔知點解佢好鍾意麻雀，成日話要捉比我﹗

之後仲有隻大白鴿﹗

好難先影到的大合照﹗最後 MANDY 出動朱古力，個個終於肯埋位啦﹗HEHEHEH...總算個個有望鏡頭﹗不過一派完朱古力...1秒後...就唔見晒佢地﹗

哈哈...有個小朋友見我地影相...又坐埋嚟...

大頭妹自己提議玩 HIDE AND SEEK，我已經同佢講公園咁大唔好玩，佢係都要玩，之後自己搵唔到朗朗同 MANCENT，又問我點解啲朋友唔同佢玩...小姐...你自己話玩 HIDE AND SEEK嘛...人地當然要 "呢埋" 啦﹗其實朗朗企正係佢前面...用個伯伯 COVER 自己...佢自己搵唔到人之嘛...我見到朗朗係度偷笑...HAHAHAH...

玩到 2:45去食 TEA BUFFT，帶住 7隻馬騮 10分鐘的路程..行咗半個鐘...最後 3:30先去到酒店﹗

12月剛剛加咗價，上 OPEN RICE 睇是 $195/位，依家是 $228/位，HSBC CREDIT CARD有 8折，折完每人是 $205，小朋友 5-12歲先收費，是成人的一半，都OK吖，唔太貴。不過我地 8個小朋友都 5歲以下就好抵...HHEHEHEHE...我一個大人帶 2個小朋友 (阿旺今日要返工)，只是 $205，不過...其實食物選擇唔多，對於我食得少的來講就 OK，如果食 BUFFET想食好多野嘅，就未必岩心水啦﹗

睇下...我第一 ROUND...都是食麵包咋...

再嚟...都是少少點心...

之後就是甜品啦﹗

我今日同俊男豬仔包坐﹗

MARCUS 食野真是好乖﹗自己大啖大啖食﹗

4個大少少的小朋友自己坐...好明顯...大頭妹自理能力最差...而且食同玩之間...佢一定是唔洗食﹗我見朗朗食咗 2碗雲吞麵呀﹗﹗﹗芝士餅就食蛋糕，MANCENT就樣樣都食，最好笑 MANCENT食沙律菜，大頭妹大驚少怪叫我睇，佢話 MANCENT 食草呀﹗HEHEH...因為我無比大頭妹食生的菜，所以佢覺得好出奇...變咗鄉下妹...