2015年2月26日 星期四

鴨脷洲熟食中心珠記@20150206

好耐之前阿旺同一大班同事去【鴨脷洲熟食中心珠記】食過一次,仲打包咗椒鹽鮑魚同椒鹽瀨尿蝦比我做宵夜,不停話下次要再同我去食﹗之後幾次都夾唔岩時間,今次佢地再約,阿旺叫我一定要去 (我依家好少參與佢的飯局啦﹗2個大人都唔係屋企,大頭妹一定唔會自己做功課﹗)。

椒鹽鮑魚非常大隻,我唔知一隻幾錢呀﹗好似 $8x/隻?﹗

上次因為係打包,味道當然無今次即場食咁好味啦﹗又熱又脆,出奇地鮑魚就好腍身﹗

忍唔住咬咗一啖都要影下入面,鮑魚炸得剛剛熟﹗真是 very good﹗

油鹽蒸醃仔蟹,又係好好味﹗一人得半隻...真係唔夠喉呢﹗

好多膏呢﹗聽說全年供應唔同的蟹,阿旺同事話上次食另一種蟹仲多膏﹗﹗﹗真是聽到都流口水﹗

海蝦,好新鮮好甜,個個都食到停唔到口﹗

椒鹽瀨尿蝦...我個人普通瀨尿蝦...又難搣又少肉...heheheh...味道當然好啦﹗只係唔岩我個人唔喜歡瀨尿蝦呢個食材﹗

東風螺...我又係少食﹗

油鹽水煮泥鯭,呢個好有驚喜...我本人係唔食泥鯭,試一條都覺得好好味﹗


豉汁蒸聖子,粉絲有少少乾,聖子就好大隻好夠肉﹗


嘩﹗大家估下係咩?﹗我係第2次食,第一次食係新加坡,係魚肉釀油炸鬼﹗好好味﹗不過就好熱氣﹗﹗﹗


炒咗碟菜﹗

仲有薑蔥蠔,我唔食蠔...無食...



連炸子雞都好好味﹗

最後埋單一位 $360﹗

大家 like 咗我地個 Facebook Page未呀?﹗未就快啲 like啦﹗

2015年2月19日 星期四

帶大頭妹小丸子參加【麥當勞兒童愛心馬拉松】



2015年 1月31日 (星期六)

早前帶大頭妹同小丸子參加【麥當勞兒童愛心馬拉松】﹗

其實之前都有同大頭妹一齊幫麥當勞叔叔之家慈善基金義賣奬券 ,所以大頭妹都對當勞叔叔之家慈善基金有少少認識,知道是幫助有病的小朋友。 做咗媽媽之後,真是好明白,無野重要得過小朋友健康成長﹗

hahahah...睇下阿旺一身打扮幾 professional﹗識著對襪一定係咁著...所以我都要幫佢影返幅相﹗

當然都唔少得全家福啦﹗

之後再去影 blogger 的大合照...啲小朋友就自己跑來跑去跑到傻咗﹗



之後就等開幕禮啦﹗等的時候就食少少野先啦﹗原來馬場入面的麥當勞啲餐名好得意架﹗



2個小男生...唔知點解大叫....

今年的開幕嘉賓有容祖兒﹗

跑步前同爸爸一齊做熱身﹗

仲有 face painting﹗






預備開始跑啦﹗我就行行企企影下相算啦﹗


本身爸爸抱住小丸子,點知最後一刻...小丸子要我抱...媽媽我...無打算跑喎...

哈哈...最後變大頭妹跑﹗

跑完幾開心...不過爸爸話...有大半程都要抱...Mancent同朗朗都係自己跑全程架﹗

其實我地一家一向都好支持麥當勞叔叔之家,之前就試過帶大頭妹去太古的麥當勞幫麥當勞叔叔之家慈善基金義賣奬券 (非 blogger 活動,只是自己參與),是大頭妹第一次做義工呢﹗http://athena-joe.blogspot.hk/2014/09/blog-post_18.html

麥當勞叔叔之家是個甚麼地方?
「麥當勞叔叔之家?是個什麼地方?」那裏肯定沒有漢堡飽薯條的味道和影子。原來「麥當勞叔叔之家」是一個讓患病的小朋友和他們的家人暫時居住的地方。那裏 有二十三個附有浴室的房間,還有客廳,廚房,飯廳,洗衣房,遊戲室,圖書館及花園。經醫護人員轉介入住後,病童的家人便可以享用各種家居設施,有像住在家 裏的感覺。從「麥當勞叔叔之家」步行往威爾斯親王醫院只需要四分鐘。家長可以日夜在醫院陪伴子女之餘,還可以回來照顧自己及其他家人的日常生活。不少家 庭,為日夜照顧長期住院療養的兒女,很久不能 圍坐飯桌一起吃飯,箇中滋味,只有過來人才能明白。入住麥當勞叔叔之家之後,每晚自己煮飯,一家一起吃飯,變得容易得多了。在「麥當勞叔叔之家」,住客們 能體會到甚麼是同舟共濟。家長之間彼此關懷照應,交換食療心得,切磋廚藝;病童一起遊戲玩耍,舒緩不少壓力。很多訪客見到一張張孩子的笑臉,都覺得奇怪。 其實病人不一定都愁眉苦臉,喜樂是最佳的良藥,人生難免有逆境,要以頑強的鬥志面對長期療病的過程,學學麥當勞叔叔的樂觀積極精神,確信明天一定會更好, 患病的日子也容易過。

更多資料/ 義工登記:
http://www.rmh.org.hk/new02/main_T.php

 大家 like咗我地個 facebook page未呀?未就快啲 like啦﹗

2015年2月18日 星期三

試用PHILIPS AIR FRYER: 南乳雞翼 (附食譜)

 

之前參加咗 PHILIPS AIR FRYER 的試用,抽中咗部機就梗係要用多啲啦﹗之前 2次試用都係炸下薯條,今次一於試下炸雞翼先,阿旺最鍾意食雞翼架啦﹗難得我親自出馬,當時整工人姐姐唔識整的 【南乳雞翼】啦﹗以前我 bbq都會醃,個個食完都話好味道架﹗


材料:
雞翼 2磅

醃料: 
南乳 1磚
老抽 1湯匙
豉油 1湯匙
糖 半湯匙
酒 半湯匙
麻油 少少
胡椒粉 少少 


雞翼最好就醃一晚啦﹗其實我通常都係前一晚食完飯,工人姐姐洗碗時,我就去醃定聽日的餸,咁做係最 "穩陣",我唔知點解我工人姐姐煮咗 2年飯,好多時都仲係好 "撞手神",明明今次煮得幾好食,下次又好難食﹗

今次的雞翼都幾大隻,一 ROUND 只炸到 8隻,但其實得阿旺食 (加工人姐姐同 2個囡),所以都夠架啦﹗

焗完第一次 10分鐘。

反轉再焗 10分鐘。

20分鐘就食得啦﹗而且都算是皮脆內嫩﹗多出嚟嘅油,仲隔返晒係個炸籃的外面底部,食得健康啲先最重要﹗

如果大家想知多啲產品的資料,可以到以下 Philips 的網址睇睇﹗

Related Posts Plugin for WordPress, Blogger...