之前參加咗 Philips Home Living 生活管家的【「飛」一般品味‧家】第二擊，成為Philips Airfryer 的試用大使﹗hehhehe...聖誕節前就已經收到部 airfryer，所以聖誕節假期，有時間就同大頭妹小丸子玩下炸薯條啦﹗第一次用我地只是最簡單，買咗現成的急凍薯條，先試一試部機的功能，慢慢再試下煮其他野﹗
先講講部機的功能，飛利浦Airfryer免油健炸鍋採用高速空氣循環技術，炸鍋上方設有強力熱風裝置，能夠快速地將Airfryer內嘅空氣加熱，底部嘅星型坑紋再將熱空氣變成旋渦，令熱空氣360度包裹食材，Airfryer用食材本身嘅脂肪來烹調食物，做到外脆內軟。仲可以將食材多餘嘅油份迫出並掉落至底盤，大大減少
食物脂肪含量高達80% ！佢除咗可以炸，仲可以做到焗同烤的效果﹗
呢一部 Airfryer HD9238是新型號，機身已經有基本的溫度﹑時間提示，好方便﹗
hehehe...大頭妹好開心﹗佢話係電視見過部機？﹗原來有賣電視廣告咩？我依家都好少睇電視﹗
第一次試機，我地分開 2次炸﹗200度 16分鐘﹗
8分鐘之後就反一反薯條，即是分 8分鐘 2次﹗
set好晒時間同溫度，就比大頭妹 press start 啦﹗
hahahahah...睇下個傻妹幾開心，佢話佢識自己炸薯條﹗
我地今次試用的Airfryer HD9238，附有全新多用途炸籃，佢嘅不銹鋼防濺蓋專門炮製輕身的食物，要整爆谷、蔬果乾，咖啡豆烘焙都冇問題！炸籃嘅底部有獨特嘅可拆式不黏底蜂巢網，非常容易清洗！
登登...16分鐘就有金黃鬆脆的薯條啦﹗﹗﹗再加少少海鹽就食得啦﹗
有得食的時候，小丸子一定係第一個埋枱﹗
如果大家想知多啲產品的資料，可以到以下 Philips 的網址睇睇﹗
沒有留言:
張貼留言