大頭小丸玩轉迪士尼《魔雪奇緣》冰雪小鎮

真是好多謝迪士尼公關的邀請，我地有得優先試玩【冰雪小鎮】，同睇 FROZEN音樂劇﹗真是好興奮呢？﹗有時我覺得，好似係我鍾意 FROZEN，仲多過 2個囡﹗鍾意到...破例...比 2個囡逃學，我知逃學係唔岩，大頭妹今年 K2都未試過，小丸子 PN 就無咁緊張﹗今年連旅行都乖乖地比多啲錢，安排是暑假之後出發，但就為 FROZEN球例一次﹗

《魔雪奇緣》冰雪小鎮的 「夏雪節盛演」是今個夏天的特別節目，由 6月11日至 8月30日，即是陪足大家一個暑假，有大把時間慢慢去搵 ANNA & ELSA啦﹗FROZEN音樂劇一日會有 10場，每日樂園開門就派飛，所以如果想睇，就一定要入場即時去攞飛﹗攞唔到飛都可以去排後補，不過依家天氣熱，真是早少少入場，攞咗飛先好過﹗

我地排隊入場啦﹗出面好熱，一入到冰雪小鎮，真是好涼快呢﹗

坐定定等開場啦﹗

ANNA 一出埸個個小朋友都好開心﹗

我想話基斯托夫都幾靚仔﹗呵呵呵﹗媽媽我即時心心眼﹗

ELSA 一出場果然唔到啲，全場小朋友即時好 HIGH﹗

大家一齊唱 LET IT GO﹗

睇下小丸子睇到企晒係身就知好睇啦﹗

全場不時仲有好多特別效果，好似會 "落雪"，小朋友真是睇得好開心呢﹗

睇完 SHOW，就出去冰雪小鎮玩啦﹗

都好多 "景點" 位影相﹗

仲有小工具比小朋友玩雪﹗

又是不時會落下雪，小朋友即時開心晒﹗

另一邊有得玩 "雪橇"，3-5歲就要大人抱住玩﹗不過 2個囡玩雪玩到唔肯走，最後都玩唔到﹗

"筆" 咗好耐，終於砌到個城堡啦﹗

場內仲有好多 FROZEN 特色小食，同精品賣﹗

仲可以同 OLAF影相架﹗如果可以同埋 ANNA & ELSA 影就仲更加開心﹗

OLAF 叫佢地手拖手﹗

影完相仲忽然比記者姐姐訪問﹗不過由於大頭妹答得太 "簡單"，最後係無出街嘅﹗

記者姐姐問: 你嚟睇咩架？
大: ANNA ELSA
記者姐姐再問: 你嚟玩咩架？
大: 雪

哈哈哈...答案正確，不過唔係記者姐姐想要的，其實我都好擔心，到時小一 INTERVIEW，佢都係咁答問題得唔得嘅呢？﹗

玩完冰雪小鎮，之後去行美國大街 SHOPPING啦﹗佢地 2個睇中咗個 "寶盒"，望下價錢 $0.01，原來買 4隻髮夾就送﹗見佢地鍾意就比佢地揀啦﹗嘩﹗小丸子博晒命，隻隻都話要，大頭妹揀咗 2隻，就話夠啦﹗其實有時我都唔明，點解大頭妹可以咁 "無欲無求"？﹗

咁又真係幾靚嘅﹗阿旺話買 4隻就算，我話 4隻咪得一個盒，最後即是一定係大頭妹無份，又係攞嚟搞﹗

之後我地係 30幾度高溫下玩咗 5個遊戲﹗再睇埋 GOLDEN MICKEY，2個囡都係第1次睇咋﹗睇得好開心﹗最重要係媽咪我太熱，想坐下涼下冷氣﹗

《魔雪奇緣》冰雪小鎮詳情:

https://www.hongkongdisneyland.com/zh-hk/events/summer-frozen/?CMP=KNC-SemBrd15YahoHkEnFrozSummFroz

由即日起至2015年6月30日, 香港居民可以優惠價港幣$549享用「夏」雪狂熱 享盡食買玩優惠, 讓你於指定日子, 暢玩香港迪士尼樂園2次。優惠更包括樂園餐飲及購物折扣優惠, 讓你盡享美食, 兼選購精美禮品。

詳情: https://www.hongkongdisneyland.com/zh-hk/offers-discounts/play-shop-dine/