2015年6月4日 星期四

小丸子 PN 下學期評估

2015年 5月15日 (星期五)

小丸子學校一年 2次評估,2次都會見家長﹗可以有多啲機會了解小丸子上堂的情況﹗不過佢地評估還評估,見家長還見家長,成績表要之後先派?﹗所以仲未收到成績表,唔知小丸子有冇進步呢?﹗

唉...不過今次老師的評語仍然是小丸子上堂唔專心,唔夠投入,例如畫畫,無人陪佢就唔做/ 亂畫,教啲佢無興趣的就唔聽/ 玩手指﹗我地有問點可以改善,老師提議我平時同小丸子畫畫/ 做練習時,盡量比佢自己做,唔好次次都陪實佢,因為係學校,老師 1對 6 (或以上),有時真是好難陪到實,如果係屋企習慣陪實先做到,就會有依賴,返學時就會有影響。其他都無咩特別,同同學相處/ 食茶點都 ok﹗老師話小丸子好少會同同學爭玩具,都算是乖孩子。

 其實有時我都覺得自己比好大壓力小丸子,日日都問佢上堂有冇聽話,有冇專心,佢好可憐咁話自己依家有專心喎﹗唉﹗可惜老師都係話你唔專心呢﹗我問到有一次大頭妹都頂唔順加把咀﹗佢話 "媽咪,我覺得妹妹有專心架﹗佢上次都有貼紙﹗佢有架 TRUCK架﹗" 。

沒有留言:

張貼留言

Related Posts Plugin for WordPress, Blogger...