2016年1月27日 星期三

帶你遊【太古城誠品】


最近太古城又多一個小朋友的好去處,就是太古城誠品啦﹗老實說...仍然唔捨得間永安百貨,不過又的確好似是誠品更加適合太古城,本來太古就已經有 AEON 同 APITA,多一間永安百貨,又好似唔大作用,依家有間大大書店,又就真是幾開心﹗得閒就帶小朋友去睇下書玩下﹗

話得係小朋友好去處,首先就講下佢地的兒童館啦﹗面積好似同銅鑼灣差不多,不過仲多咗一個玩玩具的 AREA﹗
就是呢度啦﹗有木制玩具火車玩﹗每次放學帶大頭妹小丸子去,都有好多小朋友一齊玩﹗

去得誠品,當然唔可以齋玩啦﹗都要睇下書,比大頭妹試下開始睇 CHAPTER BOOK,佢都OK可以自己睇半個鐘,我真是行開咗半個鐘 (中間有 "裝" 下佢啦﹗),返去佢仲係同一個 POST﹗中間小丸子話要去洗手間,我叫佢同我一齊去,佢話佢會自己企係度睇,唔會走咗去,佢有腦仔喎﹗哈哈...但我當然唔會漏低佢啦﹗

之後見到有位叫佢坐低睇﹗

仲有一個做手作的 AREA﹗

啲精品都幾吸引﹗我好想買呢 SET 印台﹗

文具﹗


仲有之前暑假已經好受歡迎的音樂盒﹗

書...就一定唔會少啦﹗

仲有台灣特產﹗

估唔到連生活百貨都有﹗

仲有新界 "有機" 蔬菜,同一啲日本空運生果,我見都好受師奶歡迎﹗

哈哈﹗不過因為新開,我聽啲同學媽咪講,星期六日都幾多人架﹗大家要留意啦﹗

位置: 太古城中心 G/F, 074 & 1/F, 144
電話: (852) 3419 1188 

2016年1月26日 星期二

請新工人姐姐 之 最後真相

寫得最後真相,聰明的你應該已經估到,我工人姐姐最後都無出現﹗﹗﹗到底佢有冇真是嚟過香港?﹗到依家都是一個迷﹗﹗﹗

成件事有好多 "疑點"﹗

1. 首先是我打去入境處 hotline 問,職員其實已經講咗工人姐姐如果 body check 有問題,係應該係醫院,唔會係入境處,如果係九龍灣,會係 "犯事" 的姐姐。

2.到我打去九龍灣入境處,佢話佢地無地方比人住,一般唔會留過夜,叫我自己打去問 agent,點聯絡個工人,我話因為之前全部都是聽 agent講,我其實唔係好信個 agent,佢叫我可以打去外傭組問,外傭組的回覆是個姐姐的 "工人visa" 未用?﹗即是工人可能是未入境/ 用咗旅客身份入境,我再問正常係唔係一入境,個visa就即時用咗,佢答我係﹗當我地問 agent 時,佢之後就話原來個工人真是用咗旅客身份入境,我覺得好不可思異,佢同佢 body check,睇醫生,再入醫院,都唔知佢人係用遊客 visa?﹗醫院應該收好貴喎?﹗佢話政府比?﹗遊客入院政府找數?﹗

3. 我打過去衛生署問,佢地話如果我工人係有 "迴蟲",迴蟲唔係 "傳染病",係唔洗同佢地通報﹗佢地叫我 send 個 email formally 問,不過我星期五 send 咗,今日都未覆﹗

4.阿旺有打過去律敦治問工人姐姐的住院紀錄,但由於工人姐姐已經出院,又因為私隱,佢地唔答得﹗

5. 由始至終,我地除咗一張未貼上 passport 的 visa,我地無見過其他 documents,例如: 入院証明﹑入境紀錄﹑驗身報告﹑機票...全部野 agent 都話係個工人姐姐度﹗連好簡單,之前佢話 dhl 個 visa 比工人姐姐,見佢 2日都未收,問佢攞個 dhl number,佢都比唔到我地。個工人係斷約既,問佢攞前僱主 reference letter 都一直無比。之間話佢比入境處扣留,問佢攞工人姐姐電話,佢又話工人電話卡無錢﹗總之樣樣都有野推﹗


ok...係時間講埋個結局,我地話我地最多等到星期一 (因為 agent 話佢星期二 12/1 去入境處辨簽證時,佢話入境處當時話應該是要觀察到星期五 22/1,咁如果星期五都見唔到人,我地都只可以等到星期一。結果個 agent 約阿旺星期一上灣仔入境處,9:00幾的時候問阿旺可唔可以改 12:00,話自己要睇醫生,阿旺話唔ok,最後 agent 話睇完醫生10:30到,佢見到阿旺只是同阿旺講...工人姐姐上星期五自己返咗菲律賓,仲問咗佢職員借咗 $500買機票﹗佢地最終都無見到入境處職員,即是我地所知的,全部都是 agent講,ok...呢刻講咩都唔重要,佢話佢會 "全數" refund,希望我地真是會收到錢啦下﹗

我覺得我完全料事如神,我上星期已經同阿旺講,星期一個agent會同佢講工人返咗菲律賓,佢唔會見到入境處職員。最鬼激氣係...阿旺之前仲要話我 "咄咄迫人"﹗女人就是咄咄迫人架啦﹗我地遇得壞男人多嘛﹗你唔會咄咄迫人係你好彩囉,從來未遇過一個要人咄咄迫人的人﹗佢話佢從未見過一個人講大話是無目的咁講到個大話穿!雖然...其實我都唔明,佢呃多我地 2個星期 (前後 3個星期有多)有咩作用,不過從來都有人係講大話當呼吸,未遇過只是你一直好彩﹗

2016年1月25日 星期一

請新工人姐姐 之 一波多折

唉﹗舊工人姐姐無啦啦走咗,原來都未算最黑,請新工人姐姐,一樣咁多波折,我覺得我可以出返本短篇小說。

11月9日  請新工人
先講講工人 background,菲律賓,34歲,有 2個小朋友,老公唔見咗人。之前是香港做咗 4年半同一個僱主,九龍塘豪宅,有自己房,有 food allowance,仲有多 $1000人工,即是 total $6000,已經做到第3張約,但話僱主忽然養狗,佢驚狗所以要辭職。其實差少少就攞到 long service 架喎?﹗仲有我地只是比最低工資,又無自己房,都肯做?﹗不過我無考究啦﹗

當時 agent 話預 12月21日到 (冬至),聖誕節前可以上班。

12月21日  當然未到

12月23日  打去問 agent,agent 話係入境處追緊,話希望放假前批,咁有望假期可以到。

12月24日  入境處都是未批,agent話要等到 12月28日。

12月28日  入境處都是未批,agent話聽日應該ok。

12月29日
agent話入境處批咗,即日 DHL visa 過去比工人,希望 12月31日前收到,book咗 12月31日/ 1月1日/ 1月2日的機位,就如果1月1日上到機,2個囡假期完結前都叫到啦﹗可惜最後工人姐姐 1月4日先收到份 DHL,之後話無機位,要1月9日先有位,即日做 body check,有望 1月10日上班。

1月9日
工人姐姐班機 delay咗,做唔到 body check,1月10日又星期日又做唔到,最後要 1月11日先做 body check,1月12日會有 report,一切ok就可以上班。

1月12日
工人姐姐 body check report 有問題,佢有亞米巴迴蟲,要睇醫生,醫生話小問題,不過要通報衛生署,之後衛生署話第2日去再去 check,所以工人仍然未可以上班。

1月13日
工人姐姐去衛生署 check,話無問題,不過衛生署要佢入院,話要住 2日。

1月15日
話報告未出晒,無得出院,星期六﹑日冇報告/ 醫生,都應該無得出院,即是最快星期一。嘩?﹗我生大頭好都是住 4日,因為我凌晨生,要住到第4日,先夠 3日,否則 3日出得院。我生小丸子,有妊娠毒血,之後要 check 住血壓,先住咗 5日。依家唔知衛生署 check 咩要住 4日,唔係話床位好緊張?﹗

1月18日
以為工人出得院,原來話今日先出埋最後一份報告,所以要聽日先出得院﹗

1月19日
聽聞工人出咗院啦﹗agent 話去入境署整 working visa,但入境署話未收到衛生署的 approval document,所以唔批,等到晚上 10:00,agent 話佢都仲係入境處,阿旺留 message叫佢夜少少覆都無問題,結果都是無覆。

1月20日
一整日等消息。我打去入境處問,打去 hotline 留電話,到今日 (1月22) 都未回覆。agent的回覆是原來之前溝通問題,衛生署是要觀察個工人到星期五 (下?又要等多幾日?﹗)

1月21日
問 agent 攞姐姐入境處﹑入院 record,只是收到工人 visa 的 copy (但只是 agent 的 copy,是一張未貼上 passport 的 visa,可能係寄比工人前影的),因為有晒 number,我又再打去入境處問,因為 agent 話工人已出院,係九龍灣入境處 (扣留),我打去 hotline 問,hotline 話九龍灣係處理有問題的工人姐姐,有病的姐姐應該要係醫院, 叫我打去九龍灣問下有冇呢個人。

九龍灣話佢地個邊冇地方比人住,叫我問 agent 個工人係邊?﹗另有比咗外傭組電話我,叫我打去問,個答案好恐怖﹗﹗﹗

外傭組話工人姐姐仲未用個工人visa,但唔可以話比我知佢有冇入境,只是話工人visa 係未用,一般一入境就用咗架啦﹗但佢又補充一句,佢可以以旅客身份入境架,不過唔知佢點解釋之嘛﹗總之就唔可以話我知佢有冇入境啦﹗(咁係唔係 agent 呃我地呢?﹗個工人從來未嚟過香港?﹗玩咗我地 2個幾星期?﹗)

阿旺再打去九龍灣問,第一個職員話可以幫佢 check 下到底有冇呢個人,叫佢 10分鐘後再打去,10分鐘後打去冇人聽,lunch time後再打去,另一個職員話唔可以 check係私隱,阿旺問點先可以搵到個工人,佢仲叫阿旺報警。OH...咁點解 hotline 同第一個職員都話可以 check 呢?﹗政府部門...真是...不知所謂﹗﹗﹗

咁...其實個工人有冇入過境?﹗叫阿旺問清楚個 agent,個 agent 呢時又話 check到個工人真是用旅客身份入境,但唔知原因﹗到底是 agent 呃我地?﹗一或成件事真是咁離譜?﹗

待續...



































2016年1月24日 星期日

挑戰零度【昂坪360】@20160104



2016年1月24日 (星期日)

今 日一早約咗 『國皇』同 『80後』2家一齊去【昂坪360】坐 Hello Kitty 水晶吊車﹗點知遇上 59年來最凍冬天,新界地區同埋高地,都低過零度,我記憶中我細個最凍都是 6度 (當時好似著咗 10件衫...哈哈...好誇張),真是無諗過,可以係香港見到結霜,仲體驗到 『落冰雨』,真是一粒粒冰粉打落塊面,真是好凍,不過都是一個幾特別的經驗﹗今次之後,有一個成日叫我帶佢去滑雪的小朋友 (大頭妹),話都是唔滑雪啦﹗

其 實當日知道得返零度,大帽山結冰,本身都想唔去,吊車又停駛,我一心想坐 Hello Kitty 水晶吊車,不過 Mandy 同 阿 Gill 好有冒險精神,佢地話都冇其他野做,不如照坐巴士上昂坪市集,睇下會唔會咁好彩睇到結霜,問埋大頭妹同小丸子,仲有老公...佢地都竟然話照去,咁就照去 囉﹗

一去到已經見到冰啦﹗好開心呢﹗mission completed﹗

岩岩去到....都未知凍架﹗因為當時心情好興奮﹗

垃圾桶都結晒冰﹗

影返張大合照先﹗

行到去必影位 Hello Kitty 吊車時,影影下相落冰雨,真是超級凍﹗


 

即時去返室內地方,成個昂坪市集好似比我地包場咁﹗得另外少少外國遊客。


賣茶粿的 Hello Kitty﹗佢個面其實結晒冰架﹗ 
 

入到室內地方,又影下大合照﹗第一站嚟到 【昴坪大戲院】﹗

去到室內...就影多幾張合照啦﹗







【昂坪 360舞台】由導演親身引領欣賞幕後製作花絮,親歷電影拍攝實況,帶你進入經典武動世界,包括: 爆破、煙霧、威也、電光對決場景﹗
哈哈﹗今次阿旺上咗台玩『配音』,即是以前年代,比試的刀劍聲,原來都好難架﹗

李小龍丸﹗
 
呢度仲有李小龍電影的 blu ray 碟賣﹗李小龍迷唔可以錯過啦﹗


【360動感影院】 帶你從多角度遨遊大嶼山,感受不一樣的視覺、聽覺、嗅覺、觸覺及動感全方位震撼。我覺得都幾刺激,我仲驚大頭妹會驚,點知佢話好好玩,哈哈...咁可能真是我細膽,我覺得真是好迫真,好似真是坐住直昇機上上下下,仲有水嘖我塊面﹗


最後去埋【葉問體驗館】﹗好靚...整棵樹都結了冰﹗

原本以為【葉問體驗館】會好悶,點知多得科技進步,原來好好玩,因為只要 download一個 apps,利用 QR code,就可以同『葉問 3』 入面的角色 『影相』﹗

咁睇好似平平無奇?﹗咁你就錯啦﹗

可以同葉問影相架﹗陳旺 vs 葉問﹗

仲有鬆弛旺 vs 泰臣﹗

hahahahah...仲有熊岱琳﹗

阿陳師傅?﹗想點呢?﹗

哈 哈...小丸子不停想偷食...大頭妹同佢講係假既?﹗但我又真是嗅到香味,最後向工作人員求證,係 "真" 架﹗好似無比小丸子食咗咋﹗哈哈哈﹗原來是「昂坪膳坊」為配合電影40年代的背景,製作有多款正宗廣東傳統點心之「葉問功夫餐」。唉吔,如果早啲見到我地 都想試下。

哈 哈﹗今次可能一班小朋友去玩,又覺得好開心,一改我覺得昂坪是老人家去的地方的感覺﹗見佢地一班細既都玩得好開心,可惜今次坐唔到 Hello Kitty 吊車,下次我要再坐過﹗不過同我一樣想坐 Hello Kitty 水晶吊車的朋友要留意架,Hello Kitty 水晶吊車去到 3月8日咋﹗

***昂坪纜車於21日至5日暫停服務,進行維修保養,昂坪巿集將照常開放。

農曆新年去仲有舞獅表演架﹗
金獅賀歲表演
日期: 2016年2月8-15日
時間: 12:30 – 12:45 ; 15:30 – 15:45
地點: 市集廣場
^ 活動名額有限,先到先得,額滿即止。
節目時間表如有更改或取消,恕不另行通知。
如有爭議,昂坪360保留最終決定權。

開心迎猴賀年優惠套票
購買賀年套票的賓客更專享特快登車安排,快捷方便! 
優惠價:    
成人HK$398 (原價: HK$440)
小童/ 長者HK$298 (原價: HK$360 / HK$390)
購票地點:
網上訂購 或 於昂坪360東涌纜車站售票處購票
套票包括:
1.水晶車廂單程纜車(東涌至昂坪) 及標準車廂單程纜車(昂坪至東涌)
2.「360舞臺」門票
3.「360動感影院」門票
4.「與佛同行」門票
5.  昂坪市集食肆HK$25現金券及商品店HK$25現金券各一
6.  昂坪360精美賀年禮品(隨機一款)

網址: http://www.np360.com.hk/tc/

營業時間:平日 上午10時 - 下午 6時/ 週末及公眾假期 上午9:30 - 下午 6:30

2016年1月22日 星期五

2016暑假福岡之旅@行程編

哈﹗之前講過,如果大頭妹自行得咗,暑假就去旅行,所以放榜之後已經不停睇下機票酒店,睇下去邊度玩好啦﹗心目中想去大阪/ 首爾,我未去過韓國呀﹗不過我始終想冬天去韓國滑雪,之前有睇過,不過聖誕節去好貴,而且今年工人姐姐走咗,陣腳大亂,仲邊有時間 plan 行程﹗之後睇大阪,唔知點解暑假酒店好貴﹗仲貴過聖誕節同新年檔期?﹗所以就放棄咗﹗

睇來睇去東京竟然最平,事後同人講起,原來依家都仲好多人唔揀去東京,所以大阪就貴晒。哈哈,其實我無考慮過呢個問題,去個幾日唔怕呱?﹗但是上年先去完東京,以我同阿旺咁悶的性格,大概我地只會重複一次上年的行程。

之後有考慮咗北海道 (又是想冬天先去)﹑沖繩 (又怕暑假太熱...呀...呢個女人真是太麻煩)﹑台南 + 墾丁 (平平地都幾好),最後好多朋友話其實福岡都唔錯,同阿旺商議之後,都是去日本,咁未去過福岡,就試下啦﹗其實仲想去馬來西亞 Legoland,本來復活節假有機會同大頭妹之前的同學仔一齊去,不過如果復活節去咗 Legoland,暑假就無得一家人去旅行啦﹗真是幾百萬未開頭咩?﹗一年去一次旅行,我覺得差不多啦﹗有錢都應該洗係該洗的地方,例如補習班 (哈哈哈,打怪獸打怪獸﹗)﹗

當我買完旅遊書,睇清睇楚之後,就發現問題,原來九州好大?﹗通常去福岡唔會 5日都係福岡,但去九州其他地方,原來...要坐好耐車﹗﹗﹗我今次應承咗阿旺要 hea 遊,原來 6日唔夠囉,尤有揀多2個唔洗坐太耐車的地點,我唔想最後又趕趕趕﹗

機票 (http://www.hkexpress.com/zh-hk):
今次仍然坐廉航,訂了 HK Express 的機票,聽說會比上次坐的 Vanilla Air 好?﹗坐位會鬆動少少,哈哈,上次我坐 Vanilla air,的確有嚇一跳啦﹗今次唔會嚇到我啦﹗只是希望唔好 delay 就好了。另外,好多人問我,點解唔等 HK express 做 promotion 先買,佢成日都做架喎﹗唉﹗但要凌晨去搶,我仲要搶 4張,仲要暑假檔期,我唔覺得會搶到,所以早買早啲 plan 好過啦﹗今次去程都叫是 promotion price,只是 $788@,不過就要下午機,去到福岡都黃昏,回程我就比貴少少坐夜機,咁都叫有多一日玩下,票價是 $1488@。來回 4位,加埋稅﹑買行李﹑揀坐位 ($30@)﹑飛機餐 (我回程買咗 2個,驚 2個囡想食),總數是 $11000 多少少。

福岡機場 (www.fuk-ab.co.jp):
唔睇旅遊書都唔知,原來福岡機場係日本第 3繁忙機場,第1﹑2是成田同羽田,我還以為會是大阪呢?﹗咁就放心,到時一定可以最後衝刺﹗而福岡機場最大的特點是近市區,出市區只是 15分鐘,所以好多人話終於可以係日本坐的士啦﹗

酒店:
福岡: Solaria Nishitetsu Hotel (http://www.solaria-h.jp/english/location/)
今次應該會住 2間,因為去豪斯登堡,會坐 2小時車,所以都是住1晚,怕即日來回太辛苦﹗福岡就訂咗 Solaria Nishitetsu Hotel,係正『天神站』方便出入,又方便我 shopping﹗房間價格都唔算貴,唔洗 $1000晚,而且都有 28 sq ft,住完返嚟再話比大家知好唔好﹗其實都有考慮博多日航,不過就要 over $1000晚,考慮過其實去旅行住係酒店的時間好短,只是帶住 2個囡,又唔會住太平價的酒店 (怕唔乾淨),所以揀間中價。

map

豪斯登堡: Watermark Hotel Nagasaki Huis Ten Bosch (http://watermarkhotelnagasaki.com/ja/)
 
景點:
今次旅行都是親子為主,所以一定會安排數個岩小朋友玩的地方啦﹗

麵包超人博物館
好似是 2014年開的,我睇旅遊書時,小丸子見到已經話要去﹗

地點:博多Riverain 5~6樓
電話:092-291-8855
營業時間:博物館 10:00~19:00(最後入場18:00)※按季節或有變更
休館日:1月1日
入場費:1歲以上大小同價1,500日元
交通:福岡市地下鐵中洲川端站6號出口直達
網頁(日文):http://www.fukuoka-anpanman.jp/


香椎花園 (http://www.nnr.co.jp/kashiikaen/guide/default.htm#tokutoku)
呢個會係一個主題公園,雖然應該就唔會好似東京迪士尼咁大咁多野玩,不過我應該會留一日時間比佢地玩啦﹗我見都有幾多小型機動 e.g. 小火車﹑電動車 (不過要逐樣收費,其實加埋都可能幾貴),仲有小動物同花園。另外仲有『森林家族』,我估大頭妹同小丸子都會鍾意呱﹗
 かしいかえん園内マップ

豪斯登堡 (http://chinese01.huistenbosch.co.jp/)
原本 plan 去豪斯登堡是因為 one piece (阿旺鍾意),但最近見啲人話已經完咗,不過見網頁又仲有...唉...如果有人知道有定冇,就話我知啦﹗如果真是無,都有可能會轉地點﹗
 ONE PIECE巡航~FOR THE NEW WORLD~in 豪斯登堡

花之家
http://www.huistenbosch.co.jp/gourmet/world/000477.html
秋すき焼き

餐廳:

餐廳暫時未諗,上網睇咗酒店附近的餐廳,再上 tabelog望下,暫時都揀咗 3間都是酒店個商場,會唔會太悶呢?﹗

ひょうたんの回転寿司 (HYOUTAN) (http://tabelog.com/tw/fukuoka/A4001/A400103/40000187/)


とり割烹 博多華味鳥 (http://www.solariastage.com/floor/shop.php?si=85)
九州的雞煲
とり割烹 博多華味鳥

博多名物もつ鍋 笑楽(もつ鍋)(http://www.solariastage.com/floor/shop.php?si=96)
 博多名物もつ鍋 笑楽

大東園 (http://www.daitoen.com/index.html)
料理長おすすめコース

商場:
http://www.solariaplaza.com/
http://www.solariastage.com/


http://www.jrkyushu.co.jp/chinese/railpass/railpass.jsp

福岡旅遊網頁:
http://www.fukuoka.com.hk/archives/category/news/information/


2016年1月21日 星期四

Coco壹番屋@20151210

時光倒流去聖誕節前,工人姐姐走咗,我一拖二的日子好難煮到飯,所以成日帶住2個女出街食。基本上 2個日日都話食烏東,但學琴個日就唔會專登過 apita,係返 aeon 個邊食﹗

Coco壹番屋都算是常去,因為我鍾意食咖哩,又鍾意佢地有雪糕食﹗

基本上次次都是食呢個咖哩豬扒飯﹗

加錢可以轉套餐: 包括飲品﹑湯﹑沙律﹑雪糕,我通常就加 3樣﹗

洋蔥湯...麻麻地,其實佢地的湯...一向都麻麻地,不過我鍾意飲湯。

呢度的兒童餐好抵﹗$38,仲有杯蘋果汁/ 橙汁﹗


食得幾開心﹗


就是為咗個雪糕...


食完再去夢之島玩下,一般只可以玩 3-5個 GAMES﹗


Coco壹番屋
太古康山道1號康怡廣場AEON超級巿場1樓
3572 0881
星期一至日:11:00-21:30 Openrice: http://www.openrice.com/zh/hongkong/restaurant/%E5%A4%AA%E5%8F%A4-coco%E5%A3%B9%E7%95%AA%E5%B1%8B/112353?tc=sr1

大家LIKE咗我地個 FACEBOOK PAGE 未呀?未就快啲 LIKE 啦﹗



Related Posts Plugin for WordPress, Blogger...