2016年2月24日 星期三

大頭妹【我的志願】



最近同大頭妹傾計,問下佢大個想做咩?﹗小朋友真是好得意,答案好出人意表。

我: 你大個想做咩?﹗做警察?﹗
大: 我唔敢捉壞人呀...

我: 做消防員?﹗
大: 我驚燒親自己喎...

我: (救命...你份人咁船頭驚鬼,船尾驚賊?﹗) 做醫生?
大: 我唔敢伸隻手入個人度呀﹗(佢意思是做手術)

我: 咁護士啦?﹗
大: 一樣要伸手入人度啦?﹗
我: 點會呀?﹗
大: 要呀﹗生bb要拎個bb出嚟。

我: (唉...無言...)
大: 媽咪,做老師係唔係寫黑板啲字全部都唔可以錯架?﹗
我: (完全無言...)

大: 我想做環保工作,教人 recycle,同埋唔好亂丟垃圾個啲﹗
我: 哦﹗好好喎﹗ (心諗...搵唔到食喎女...不過起碼諗到一樣好過無啦...)


大家 like 咗我地 facebook page未呀?﹗未就快啲 like啦﹗

2016年2月23日 星期二

星期日的晚餐@20160221

唉﹗其實慢慢習慣咗無工人姐姐的日子,無一開始時咁辛苦,都好想唔再用姐姐,依家早上8:30 - 12:00 是社區保姆照顧大頭妹同小丸子,但保區保姆是 "任何" 家務都唔會做,包括煮飯,所以阿旺要一早起身煮埋 2個囡的午餐先返工/ 2個囡要食隔夜餸。下午就嫲嫲接放學,但因為奶奶都住得唔近,一來一回都 2個鐘車程,所以其實長遠都一定要用姐姐。

是日唔想落街買餸,屋企有咩煮咩,煮咗蕃茄炒蛋﹑咸蛋蒸肉餅﹑炒菜心,仲煲咗腐竹蛋糖水。

蕃茄炒蛋 - 我煮的時候引到小丸子走入廚房話好香,問我煮咩?﹗哈哈...同一件事係唔會發生係大頭妹身上,大頭妹通常係問...你煮咩咁臭...其實是樓下煲中藥。

咸蛋蒸肉餅 - 就咁係電飯煲面蒸,好方便,不過鞋鞋地,係唔係要早啲拎出嚟?﹗

炒菜心

小丸子比個 good 我﹗

食完飯仲有腐竹蛋糖水食﹗


大家 like 咗我地的 Facebook page未呀?﹗未就快啲 like啦﹗




2016年2月12日 星期五

「“反”斗年宵玩具市集」 @20160205


2016年2月5日(星期五)

我地今日行咗 Toys "R" Us Hong Kong 玩具年宵市場,有成12個攤位,好多野玩, Barbie、Pepper Pig、Thomas、Tomica 等等,無論男孩子定女孩子都岩玩!大頭妹小丸子仲玩到唔捨得走!

最受女孩子歡迎既當然是Barbie啦!



仲有 Little Pony!


動力沙岩晒手動觸感學習型的小丸子!

玩完仲有禮物!


Pepper Pig 記憶游戲,估唔到小丸子都玩得唔錯,可能是因為佢對Pepper Pig的角色太熟悉啦!


都有識合細小小的小朋友的玩具攤位。

Thomas and Friends 玩配對游戲,一定難唔到小朋友啦!



怪獸手錶,好似好多男仔鍾意。

呢個幾好玩!好似平時夾玩具咁,不過當然容易得多啦!

Tomica - 限時之內夾5駕車仔。


最後玩咁差不多2個鐘先走!真是玩得好開心呢!


「“反”斗年宵玩具市集」 
日期: 2月5日至7日 (年廿七至年廿九)
時間︰ 晚上6時至10時 (年廿九將延長開放時間至晚上11時) 
地點︰ 
尖沙咀店 (地址:尖沙咀海運大廈地下 OTG23 號舖) 
銅鑼灣店 (地址:銅鑼灣皇室堡 7 字樓舖) 
沙田店 (地址:沙田新城市廣場第 3 期 1 樓 A198-A199 號舖)


Website:http://www.toysrus.com.hk
Facebook: http://www.facebook.com/toysrushongkong



2016年2月11日 星期四

大頭小丸第一次商場表演@20160131



 2016年1月31日 (星期日)

今日大頭妹小丸子的芭蕾舞學校有表演,地點是馬鞍山廣場。哈哈,我地之前未試過商場表演,所以老師問我有冇興趣比大頭妹小丸子參加的時候,我都話參加。 1月開始,就要每星期再上多一堂表演練習班,連埋恆常班,星期六由 3:00 跳到 7:00,中間有一個小時的 break,可以食個下午茶補充體力﹗其實今次佢地返屋企無跳比我睇,我事前都唔知佢地表演什麼,所以特別期待。

我真是唔識幫小丸子紮 "計",要勞煩老師幫手啦﹗我就企旁邊偷下師,希望下次紮到啦﹗

唉...阿旺都未試過幫我落妝呀?﹗我個時睇 "我可能不會愛你",問佢點解唔會好似 "李大仁" 咁幫我落妝,佢反問我男人點解會識落妝?﹗係囉?﹗咁點解對住個囡又識既?﹗

完成啦﹗

哈哈﹗睇小丸子幾得戚?﹗

11:00集合,大約 12:30上台 rehearsal ,1:30再集合,2:30正式表演﹗

佢地 rehearsal,我地就四圍睇下有咩食,因為一陣只有 1小時食飯,要先搵定餐廳啦﹗馬鞍山廣場都幾多野食喎,我地見凍凍地,揀咗間有烏東食既,等佢地暖下﹗

大阪王將

我覺得食物都ok喎,價錢唔算貴,都多選擇﹗

阿旺點了咖哩豬扒飯,個麵豉湯好香,阿旺就話覺得豬扒太瘦,哈哈,豬扒唔係即係肥咩?﹗個白飯都好好味﹗

我點了牛油粟米拉麵,個湯底都唔錯﹗

另外加 $23 有一客餃子加飲品﹗

大頭小丸的牛肉烏東,點知...佢地今日,一個話要食飯,一個想食我個拉麵...

食飽飽就再集合啦﹗哈哈...我無化妝...所以加晒 soft...

今日仲有 "龍震天" 講猴年運程,仲有李施樺做嘉賓﹗

終於到我地上台啦﹗



原來是跳 "迎春花"﹗好有新年氣氛喎﹗

最後仲有大合照...hahah...阿旺好羨慕 2個女有得同李施樺合照囉﹗

呢張係學校 Facebook download,不過唔係太清﹗

哈哈...我覺得大頭妹跳得不錯,小丸子就跳得...粗魯啲囉﹗睇嚟佢適合打功夫多啲﹗哈哈哈﹗


崔藹璇芭蕾舞學校: http://www.dcballet.com/

大家 like 咗我地 facebook page未呀?﹗未就快啲 like啦﹗


2016年2月5日 星期五

大頭妹K3上學期總結

每次見家長都好緊張,今次是大頭妹轉校之後第1次見家長,所以更加緊張﹗其實真是好多謝大頭妹班主任的悉心教導,佢真是一個好盡責的好老師,基本上未見家長之前,我都大概知道大頭妹的表現,因為老師基本上1個月起碼都打一次電話比我,一講有時就半小時﹗真心覺得大頭妹遇上鄺老師是佢的福氣。佢唔單止會指出大頭妹的問題/ 不足 (有時都會專登打來讚賞),仲會提出建議,點樣可以幫助大頭妹,尤其是升小的適應,老師都有比意見。

今次成績普普通通,都有好幾個 3分,主要都是情緒﹑表達﹑自信方面,所以我都覺得正常,之前老師都同我講過幾次,大頭妹上堂好易喊,有時唔識做/ 搵唔到功課,就自己坐係位喊。不過老師話見佢聖誕節假期後已經改善咗,不過評估是 9-11月,下學期應該會有進步。

事實上我都明白大頭妹都要適應新環境,佢之前幼稚園是主要用英文,雖然我地自己係屋企講廣東話,但是佢對英文的指令係明白啲,尤其是班房的語言,所以老師話佢有時好似唔明佢講咩,我都明白,希望下學期會有改善。

見完班主任都有見英文老師,英文老師對大頭妹的表現讚口不絕,除了 "參與",全部都是 1分(最高分)﹗我有問升小學的適應,老師都話相信大頭妹的英文應該可以應付小一,下學期都唔會有默書,不過就會同佢地串下字,等佢地有個概念。

普通話就見唔到老師 (唔夠時間),見成績普通,2分多,只有 "讀生字" 和 "讀拚音" 2項是1分。但其他家長都有講過,要上小一,基本上一定要自己出去學普通話,因為小一已經是普教中,默書都是普通話,如果普通話唔得,連默書都默唔成。


大頭妹班的展覽攤位﹗


佢地今期教塑膠同環保,我覺得都教得幾深入,因為我成日都要做資料搜集,我覺得連我對塑膠同環保都認識深咗﹗佢地仲去科學館參觀,因為科學館今期的專題是海洋垃圾﹗

大頭妹的作品



Related Posts Plugin for WordPress, Blogger...