養兒一百歲，長憂九十九

 眨下眼大頭妹就 6歲，今年幼稚園畢業，9月就升小學，要面對新嘅「挑戰」﹗ 

仲好記得生大頭妹時的情景，大頭妹是由 BB 開始已經是一個乖孩子，連出世都要揀係母親節前一日的星期六，雖然由陀BB到生，整個過程好煎熬，但一見到呢個小生命，真係好感動，自己最大的心願，就係希望佢可以健康快樂成長﹗

仲記得大頭妹第一次病，個陣自己真係好彷徨，加上岩岩做媽媽無耐，完全手忙腳亂，唔知點算好，唔知點先幫到佢。 見住自己個女女唔舒服，佢甘細個又唔識表達，個一刻我寧願有病個嗰係自己。直到現在，每次 2個囡一病仍然有呢種感覺。我好希望自己可以永遠係佢地身邊照顧左右，但亦深知畢竟唔可以陪佢地一輩子， 而且自己唔屬於大富大貴嘅家庭，可以為小朋友預備嘅唔多，更擔心大吉利是要醫病用錢時屋企會好大負擔，所以佢地一出世我就幫佢地兩個買咗一份醫療保險，等佢地都有個健康保障。

當初考慮買醫療保險時，好大原因係因為可以附加門診保障，使用醫療卡付款，呢樣對於好似我地呢啲雙職媽媽真係幫咗唔少！試過有幾次返返下工，工人姐姐打比我話小朋友發燒，自己一時間請唔到假，屋企又唔會留太多現金比工人姐姐，去醫院睇又唔知要等幾耐，好彩之前買嘅醫療保險加咗門診保障，叫工人姐姐拎張醫療卡帶小朋友去屋企附近嘅網絡診所睇醫生，總算解決燃眉之急。宜家啲門診保障除咗有普通科醫生外，仲包埋專科醫生﹑中醫治療(跌打和針灸)同物理治療等，又全面又方便。

可能好多人會覺得投資做得叻先算係理財有道，其實我個人認為，買保險都算係一種理財。依家醫療費用高昂，真係有「需要」時要拎一筆錢出嚟應付醫療開支，對普通家庭嚟講係一個好大嘅負擔，加上政府醫院資源緊張人盡皆知，買咗保險，有起事上嚟就多個選擇，唔使排政府醫院。2個囡份醫療保險每月保費只係幾百蚊，長遠嚟睇，份保險嘅價值遠遠超過每月個幾百蚊。

我地「夾心家庭」放係醫療開支啲 budget 可能唔多，所以買保險時除咗了解佢保障之餘，更加要留意保險的配套服務，例如有保險公司專人幫你係入院前計算可以賠償金額，出院時又可以安排出院免找數，最緊要係心中有數就唔怕出院時失預算。

做爸媽嘅，真係養兒一百歲，長憂九十九，理財之道係女女細細個嘅時候就開始慢慢灌輸，希望佢地都明白我嘅用心良苦啦，至於份醫療保險，我打算幫佢地供到 21歲，之後佢地要自己供返架啦﹗到時我自己都 50幾歲，希望已經退咗休啦﹗雖然以而家香港的生活指數嚟講，兩個女未讀完書，我都幾難諗退休﹗ 

不過好感恩我兩個囡一直都健健康康，希望佢地永遠都唔使 claim 自己份醫療保險啦﹗

不過隨住小朋友慢慢長大開始讀書，功課考試壓力，做父母好容易 "迷失" 咗，好容易成為「怪獸家長」，所以我成日都要提醒我自己，小朋友最重要係健康快樂嘅成長！至於讀書成績呀、參加啲咩課外活動呀，只要佢地自己盡咗力、做得開心同學到嘢就得了。