玩具反”斗”城「夏日大熱玩具」

謝謝玩具反”斗”城邀請大頭妹小丸子做佢地「夏日大熱玩具」的試玩專員﹗今次我地試玩的玩具包括: 二合一摺合行李箱滑板車﹑輕便摺合萬用廚房﹑阿亨平衡遊戲套裝﹗

首先講下【Zinc Flyte二合一摺合行李箱滑板車】﹗

我自己真是覺得佢真是小朋友去旅行的 "恩物"﹗首先，以兒童行李箱來講，絕對足夠放小朋友5日4夜，什至 7日6夜旅行的衫褲。第二，滑板車的設計，小朋友的確容易控制，大大提高佢地自己 "處理" 自己行李的可能性。第三，佢仲有 "拉手位" 可以直接拉動使用，滑板車唔用時可折疊起鎖定，咁就算小朋友唔踩滑板車，大人/ 小朋友自己都仲可以手拉行李，起碼...唔洗自己抬先啦﹗最後，就是平時唔用的時候，都可以用來放玩具，容易儲存。


可惜我地去完旅行返嚟先收到，唔係一定會比佢地帶去日本用，手提行李 size，可以直接拎上飛機﹗
 

就算有個行李箱係前面，對平時踩開 scooter 的大頭小丸來講，控制完全無難道。




另一樣玩具是【輕便摺合萬用廚房】，其實我地自己都有一個大廚房 (大頭妹好細個時係Toysrus買的)，所以呢個輕便摺合萬用廚房，我預備帶去爺爺嫲嫲屋企玩﹗佢真是一盒細細盒，全部組件都係膠盒入面，膠盒其實就是廚房的面/底板。

小丸子係我的幫助下，唔洗 3分鐘就砌好。

哈哈﹗即刻可以開檔啦﹗

爐頭部份仲可以發光同發聲﹗

最後就是依家大熱的迪士尼卡通 "Finding Dory" 的【阿亨平衡遊戲套裝】，入面有20隻海底奇兵造型公仔、阿亨造型可動遊戲底座、遊戲輪盤。遊戲方法好簡單，輪流轉輪盤，按照轉盤的要求，將不同大小顏色的海底奇兵的造型公仔放在七爪魚阿亨的爪上，但絕對唔好整醒阿亨，在阿亨睡醒前，最快把手上的造型公仔全部放放到阿亨的爪上的玩家勝出﹗

大家睇下大頭妹定小丸子贏﹗



玩具反斗城
Website：http://www.toysrus.com.hk
Facebook： http://www.facebook.com/toysrushongkong