哈哈﹗咁有紀念價值的一日，一定要記低佢啦﹗等咗好耐，大頭妹隻門牙終於都甩啦﹗第一隻甩既係左下的門牙﹗鬆咗好耐架啦，不過我唔敢自己搞佢，等佢自然甩，橫掂無頂住後面隻牙。
星期三放學的時候，大頭妹一落校車就同我講，佢隻牙甩咗啦﹗上最後一堂時甩，冇痛，不過有少少血，之後佢用手巾仔包住隻牙，放入筆袋﹗個傻妹跟返學校課文 (第10課: 第一次換牙)去做，之後我話帶佢去 AEON 食壽司，再去買返個玻璃樽放返佢的乳齒，時間真是岩岩好，岩岩就是今個星期教呢一課，佢就甩牙啦﹗
甩第一隻啦﹗
佢自己揀咗個勁大的樽去放...又是要跟返書囉﹗同埋佢話要比 TOOTH FAIRY放金幣喎﹗
(隻牙...細到見都見唔到...白白地色個隻就係啦)
佢第二朝好緊張去睇下隻牙，見到隻牙仲係度，即刻好緊張，問我點解 TOOTH FAIRY仲未拎走佢隻牙，係唔係 TOOTH FAIRY 唔識開個樽？﹗又未比金幣佢？﹗吓...咁認真既咩？﹗咁我係唔係要去買啲金幣放入去？哈哈哈﹗大家會點處理小朋友的乳齒架？﹗
沒有留言:
張貼留言