2017年4月10日 星期一

大頭妹小一第二張成績表



2017年 4月 1日 (星期六)

今日是小一的第 2次家長日,今次唔係單獨見老師,而是10個家庭一齊睇卷 (卷唔會派返屋企呀﹗),然後再聽老師講下小朋友考試既大路問題,同埋返屋企點樣有效地溫習。

今次考試整體成績都好滿意, 大頭妹比上學期進步咗,主要是中文,今次考得唔錯,比上次進步了很多,英﹑數﹑常都是大約上次的分數,其實今次我幫大頭妹溫少咗一課常識,我都唔知點解我會咁大意,上學期就搞錯咗英文同數學的考試日期溫錯書﹗今次常識最低分,短答要寫字的,機乎全錯,好多字都唔識寫,下學期溫習時,就要留意一下常識的生字。

經過 2次考試,大概掌握到點同大頭妹溫習,我唔期望佢考到級 20名以前,所以暫時都還可以,仍然可以做到 WORK HARD PLAY HARD﹗好鍾意大頭妹的班主任,時常提醒我地 『求學不是求分數』,當然我其實未做到,當中要找一個平衡。

咁我同意初小階段,最重要是享受返學,大頭妹話返學好開心,老師都好好人,考試又好開心,因為可以早放學,星期六返學又好開心,因為有圖書堂可以睇圖書,哈哈,我唔知點解我會生咗個頭腦咁簡單的女﹗不過都好,做人開開心心﹗

大頭妹同小丸子的笑臉,就是我最大的成就﹗佢地有幾開心,就是我有幾成功﹗


3 則留言:

  1. 大頭妹條脷咁長O既?! HAHA, 口齒伶俐~

    回覆刪除
  2. 如果我無記錯,今天是大頭妹生日。

    祝她生日快樂,身體健康! :)

    回覆刪除

Related Posts Plugin for WordPress, Blogger...