2017年5月17日 星期三

奇遇 (上)

話說上星期六帶大頭妹去跳中國舞,發生咗件好有趣的事?﹗

我地出西營盤站『般咸道出口』,要行返條斜路落高街,見到個婆婆自己一個人,一手拉住車仔,一手拿拐杖,我見佢行得好辛苦,我又諗住順路,就自告奮勇話幫佢拎車仔,拖住婆婆落樓梯,之後佢話想大頭妹拖佢,我就比大頭妹拖佢啦﹗一路行一路行,行到去大頭妹跳舞的地方,婆婆都未到喎,我叫大頭妹自己行入去學校,入面全部都是同學媽媽都好安全,我就話繼續同婆婆行,但婆婆叫我走,我就聽話入去睇大頭妹換衫啦﹗不過...其實全程我同婆婆都是以 body language 溝通,我唔知係婆婆唔識講廣東話,一或溝通有困難﹗

換完衫出嚟,我見開始落雨,婆婆又無帶遮,只是行前咗一個街口,我見我又無特別野做,都是去同其他媽媽一齊食 tea 等女放學,我就跑上去問婆婆其實要去邊,當然今次佢都係答我唔到。其實都行咗好一段路,我以為應該好快到,點知行下行下,己經去到『第一街』,我心裡全是疑問,點解佢一開始唔出第一街出口?﹗

佢好似一邊行一邊搵地方,但又搵唔到,我又心諗,佢會唔會唔想我知佢住邊呢?﹗好似帶我遊花園咁?﹗之後婆婆發揮『婆婆本色』,佢帶住我,唔係應該我帶住佢咩?﹗有行人路唔行行車路,我估應該是婆婆行唔到樓梯級,之後每去到一個路口,佢都用佢支拐杖打下啲車﹗我真是好驚囉﹗﹗﹗我好驚司機落車打我﹗﹗﹗然後又逢燈衝燈﹗﹗﹗我不停同佢講,婆婆紅燈呀﹗佢就不停拉我衝出去﹗﹗﹗我當時不停問自己...我到底做梗咩?﹗係唔係電視台偷拍呀?﹗不停睇下有冇警察﹗﹗﹗

終於...我地去到『海味街』(電車路),如果知道西營盤的路,應該都知道般咸道去海味街有幾遠?﹗又終於...婆婆入咗間賣茶葉的鋪頭,我心諗有救啦﹗點知老闆搶知一步問我,你同佢嚟架?﹗我同老闆講我係街見到佢咋,問老闆知唔知婆婆住係邊?﹗老闆話佢成日嚟買茶,不過唔知佢住邊﹗

最後...


沒有留言:

張貼留言

Related Posts Plugin for WordPress, Blogger...